-
فيات بعتولى تانى
Dear Customer,
Following your first e-mail, we had forwarded your complaint to our local relevant department which should have contacted and assisted you in the last days.
we hope the mentioned inconveniences has been resolved and would like to thank you for having reached our services.
If not, do not hesitate to inform us,
Kind Regards
Customer Relations
Fiat Group Automobiles S.p.A.
الايميل ده جانى النهاردة بس انا مش ها رود الا لما اروح تانى و اشوف ايه النظام(رغم انهم ادونى مقلب المرة اللى فاتت) ها حاول اروح النهاردة
-
واضح ان فيات ايطاليا مش هاتسكت لهم هنا
ارجوا فعلا يصدقوا مع حضرتك يا دكتور المرة دى و بالتوفيق ان شاء الله
و ياريت حضرتك تبلغنا بالجديد
-
صباح الفل يا دكتور
اخبار معادك مع المهندس طارق جبريل ايه؟
ها تروح امتى؟
-
متابع باهتمام جداااااااااا
-
انا اسف انى اتأخرت فى الرد بس لسة داخل من برة حالا
انا روحت النهاردة و سعدت جدا بلقاء يوكو و دامصرى ربنا يكرمهم
و استاذ طارق الصراحة رجل فى قمة الظرف و الأدب و الذكاء
اما بالنسبة للعربية:
حرااااااااااااااااااااااا اام اللى حصل فية ده قالولى ها نبص على البوجيهات و الايدل بصو على البوجيهات لقوها سليمة و اكتشفوا ان فى سلك بوجيه منهم "بييضرب لبرة" (طبعا ما بصوش على الأيدل) قالولى ها نجبلك واحد مستعمل قلت يا سلام يا ريت نبقى خدنا حاجة مجانا قالولى ما لقيناش قلت خير بكام قالولى طقم قلت بكام قالولى 300 قلت ماشى و كله جديد فى جديد ركبتهم وماشى نفس العيب موجود اتجننت رجعت ساعتها بقى بدء رئيس الصيانة معايا لعبة انت مجنون و العربية حلوة و يحلف و هو يرغى و يزبد ان ما فيهاش حاجة كلمت استاذ طارق قلتله ما ليش فيه انا عايز ال300 جنيه و ركبولى القدام قاللى حاضر, ركبوا لقيت العربية بقت فى الضياع بقول للمهندس محمود ما كانتش كدة قاللى ما هو اتفصل بقى و باظ خالص فاضطريت اخد الجداد و مشيت و افايا يقمر عيش مع وعد من استاذ طارق ان لازم اروحله يوم من اوله و اسيبها يوم او اكتر لحد ما يكتشفو العيب (و دى تقريبا الجملة اللى بنقولها لعيان معقرب مش عارفين نشخصه, يعنى يمكن يزهق او يخف لوحده) مع احترامى الكامل له الكرة فى ملعبى انا دلوقت, قاللى كلام صحيح تماما اني ماقدرش احكم عليه غير لما اديله معلومات صحيحة و وقت كفاية عشان يشخص العيب, على الأقل ما نرفذنيش بكلام زى بتاع المهندس محمود والمهندس شريف (الورشة) اللى للأسف غير كلامه رغم انه هو اللى كشف عليها من اسبوعين و قاللى فى حاجة غلط قعدوا يقولولى ده مش بيرقص ده بيظبط نفسه و قال ايه العربية بترقص على rpm 1500 عشان مش عارف يظبط عصب رجله على الدوسة طب و عصب رجلى انا, ماحبش اللى يستغفلنى و أكرر تحيتى للأستاذ طارق جبريل و الله حبيته فعلا رجل بشوش و موزون و ذكى و انا احترم كل هذه الصفات,
الخلاصة
انا تعبت و زهقت و مش ها روح تانى قريب اما بالنسبة لفيات ف ها ابعتلهم اسألهم على المشكلة و بكدة ابقى و فرت على نفسى بيات العربية و تشكيك الصنايعية فى قدراتى العقلية
و شكرا
بس سيبك انت احسن حاجة انى قابلت يوكو و دامصرى فرصة سعيدة جدا يا جماعة و للأسف ما شوفتكوش و انتوا ماشيين كنت فى متاهة من المتاهات
-
دكتور اسلام، الشرف كان لينا احنا والله اننا اتعرفنا بحضرتك، انا كنت اول وحاد شاف عربيتك عليها الاستيكر قلت اقفش، مين من المنتدى هنا فى التوكيل؟؟؟ قعدت اسأل الامن مين صاحب العربية محدش يعرف، سألت المهندس ايمن قالى واحد اسمه اسلام، نديت يوكو وطلعنا نسأل على حضرتك بس مكنتش موجود، نزلت وكنت ملخوم مع الولد اللى عمل حادثة بالبرافو، بعد شوية طلعت لقيت يوكو واقف معاك، بجد بجد انا سعدي بمقابلة حضرتك النهاردة.
بخصوص العربية، كلامك مظبوط جدا بخصوص المهندس طارق جبريل، الراجل ده كل ما اتكلم معاه بكون مبسوط جدا، واهم حاجة انه مش بيستهين بأى عميل وبيسمع لكل العملاء وبيحاول يحل مشاكلهم، انا كمان بوجه تحية شكر كبيييرة للمهندس طارق.
اما بخصوص عربية حضرتك فا انا مش مع حضرتك فى قرارك، لازم تسيب العربية هناك وتشوف هما ها يوصلوا للحل ولا لأ وبعد كده حضرتك نفذ اللى يترأى ليك.
-
ما تصلح عصب رجلك يا دكتور حلاوة ولا اشترى عصب جديد ب300 جنيه بس:majd(4):
هما أخرهم يغيروا بوجيهات
أنا رأيى تعنل زى ما دامصرى قال لحضرتك, روح لهم يوم من أوله علشان تبقى اديتلهم فرصة و ممكن ممكن يعنى يعرفوا يصلحوها
-
http://www.nilemotors.net/Nile/138891-a.html
المشكلة هى ديه بالظبط بس مش لدرجة ان العربية تبطل
و انا ها حاول اروح اول ما افضى المشكلة انى عندى امتحانات ماجستير و كنت عايز اخلص قبلها
-
استريحت و هديت شوية و فكرت فى اللى حصل امبارح
صحيح ان العربية ما اتصلحتش بس اكيد سلك البوجيه كان بايظ فعلا و الحمد لله انى غيرته
اما بقى ان المهندس محمود يحاول يقنعنى انها سليمة فده بقى لأ
اما المهندس طارق الله يكرمه واضح و صريح هنحاول عرفنا عرفنا ما عرفناش يبقى ها تجبها لنا تبات و شكلها ها ترسى على كدة
-
دكتور حلاوة
فى سؤال هو الناس اللى فى التوكيل ميكانيكية ولا مهندسين
انا متاكد تمام التاكد انهم مبيفهاموش حاجة
علشان باة فى حاجة اسمها كمبيوتر بيعمل check على العربية واكيد هيطلع الغلط فين
على فكرة انا معايا بونتو كلاسيك زيك وربنا يسترها معانا ومعاك
Content Relevant URLs by
vBSEO 3.6.0 PL2