تشرفني يا باشا
عرض للطباعة
فى واحد فى الحى السادس أسمه صابر شعلة(أدام جراج شرق الدلتا فى الحى السادس). راجل محترم كنت عايز ألمع الفوانيس و بعد ما لمعهم (لمعهم كويس أوى و أنا كنت مبهور بالنتيجة) أديتله 20جنيه قالى كدة كتير و كان عايز يرجعلى 10جنيه قلتله أنا راضى عن الشغل و عايز أدفع ال20جنيه لقيتة صمم يلمعلى الكبوت و الحتت اللى كان فيها بقع أو خدوش فى العربيه علشان يرضى ياخد العشرة جنيه الزيادة و فعلا لمع العربيه و قلتله الله يباركلك.
فين ده يا باشا شرق الدلتا اللي انا اعرفو اللي هو بعد ما تنزل من كوبري العباسية و انت نازل على نادي السكة
أنت تخليك فى الشارع دة اللى فيه الصنايعية و رضا الكهربائى و فى حتى فى الحتة دى برج سكنى كبير بيتبنى ,تخليك على طول , على أيدك اليمين هتلاقى عمارات و على أيدك الشمال حاجات تبع الجيش أوسور كدة معرفش وراه أيه و حوالى 1كم هتلاقى على شمالك جراج شرق الدلتا و على يمينك الورشة فى العمارات.
انا اعرف واحد كويس فى الدويقه فوق هو حتى بياخد شغل شركات تأمين وكذا مره الاقى شركات تأمين جايبالوا عربيات انا مش هعرف اوصفه بس انت ممكن تطلع الدويقه لحد فوق الهضبه خالص وبعدين تكلمه هو يوصفلك مكانه هو قريب من جامع واسمه الحاج اشرف ورقم تليفونه 0128060717 وعلى فكره هو اللى شغال بنفسه فى العربيات