الموضوع: بفضل الله وبحمده أخيرا استلمت الساجا

المشاركة الأصلية كتبت بواسطة ashraf_aly

الحمد لله أخيرا وبعد انتظار استلمت امبارح الساعة 4:30 تقريبا عربيتي الساجا من التوكيل بابو رواش واخيرا اقدر اقول اني بروتوني ولي الشرف اني ساجاوي
العربية ساجا مانوال فضي وبصراحة قبل ما اقول رايي فيها احب اشكر 3 اشخاص:b4_388:

1- استاذ محسن اللي قرفته فعلا من ساعة ما جحزت وعمل معايا حاجات كتير فعلا ما تطلعش غير من توكيل بروتون
2- ايمن اللي فعلا والله بجد اتصلت عليه خلال الاسبوعين اللي فاتوا اكتر من 50 مرة مثلا ويمكن اكتر كمان اعتقد معداش يوم من الاسبوعين دول الا لما اتصل عليه 3 او 4مرات وعند الاستلام كان معايا وهوه اللي استلم العربية ليا وساب عربيته اللي كانت في الورشة بتتصلح وفضل معايا حوالي ساعة لحد لما استلمت ومشيت وطبعا دة مش غريب من ايمن اللي غني عن الكلام والتعريف ربنا يكرمه ويستلم عربيته علي خير
3- محمد عماد :ta_clap[1]: اللي برضه تعبته معايا كتيييييييير ربنا يكرمه

دلوقتي اقول الانطباع الاول العربية ماشاء الله ثابتة جدا علي الطريق وعالية وصدقوني عالية عن الارض وبالتجربة ماشاء الله العربية فعلا زي ما ايمن قالي شوية بنزين يخلوها تطير وفعلا والله لاقيت كدة العربية واسعة ومريحة جدا وحاسس وانا جواها اني واخد عليها وفيه الفة كاني عارفها من زمان والله ربنا يحفظها ويرزقني خيرها وخير ما صنعت لاجله ويكفيني شرها وشر ما صنعت لاجله

استهلاكها للبنزين 8.67 لتر في ال 100 كم واعتقد انها كدة كويس لانها لسه في التليين ولا ايه رايكم يا بروتوناوية:u_thin1[1]:

بإذن الله هاحاول اني اقول تجربتي ليها كلما امكن

شكر تاني لمحسن وايمن ومحمد عماد لاني فعلا تعبتهم معايا جدا جدا جدا :b4_388:

ويااااااااااارب كل اللي مستلمش لسه يستلم قريب

الف مبروووووووووووك يا معلم وان شاء الله ترخص ع خير وربنا يديك خيرها ويبعد عنك شرها

لا شكر ع واجب ودة واجب كل بروتونى لبروتوناوية القادمين

اما بالنسبة لايمن فربنا يقوية ... ويستلم عربيتة ع خير يارب

مبروك يا استاذ اشرف وربنا يديك خيرها ويكفيك شرها