صباح مساء معطر على كل شباب و رجالة كيا الجامدين اوى اولا انا بقالى حوالى 6 شهور متابع مواضيع كيا من ساعة ما الحاج رضا علينا و قالى اجيب كيا سيراتو بس بعد مخلص الامتحانات و بصراحة بغض النظر عن قسم كيا انه اكثر مشاهدة و تفاعل بس بجد من متابعتى للمواضيع الناس اللى موجودة هنا ناس ذووق و اخلاق جدا و كلوا بيساعد بعضوا و محدش بيبخل على حد بمعلومة تفيدوا و كلوا بيتكلم عن تجربة و مش اى كلام و خلاص و يارب انشاء الله لما اجيب العربية اقابل الناس اللى اقنعتنى بموضوع السيراتو فى المنتدى هنا من خلال موضوعاتهم و تقيمهم للعربية سواء كان نورمال او زواوى او عتريس او أ.كريم او ابو ليلى او ناس كتيير اوى يارب ما اكون نسييت حد و نعمل بقى نادى كيا و يبقى لينا طالعتنا و سفريتنا مع بعض و بعدين يعنى هوا هارلى ديفدسون احسن مننا فى ايه كفايه رغى بقا عشان منتحسدش .

انا انشاء الله نازل الاسبوع الجاى اشترى العربية بس كان ليا سؤالين :

اولا: ايه المعرض المحترم اللى ممكن اشترى منه و يكون موثوق فيه على العلم انى ناوى اجيب كيا sx وكيل و هدفع 50% كاش و الباقى قسط و يكون بيسلم فى مده اقصاها اسبوع من غيير اوفر بريس و الكلام الجمييل ده .

ثانيا : انا انشاء الله ناوى اجيبها جنط 17 املها نيتروجين فيين و يكون مكان نضييف باردو و ياريت يكون قريب من وسط البلد عشان انا ساكن فى وسط البلد .

ثالثا : نصايح بقا لاخوكو قبل الشراء لان دى اول مره انزل اشترى عربية احنا كان عندنا تلات عربيات قبل كدا بس الحاج هوا اللى كان بيتعامل المرة دى قالى انا اللى اتعامل و ربنا يستر و ما يضحكش عليا فى حاجة

يارب ماكونش طاولت عليكوا و انشاء الله نتقابل قريب لما اجيب الكار