مساعدة فى عمل الفانوس smoke !!!

**SHATAvip** · 01-07-2010 12:52 PM

النهاردة و انا بلف فى المنتدى لقيت موضوع الرينجات و الفانوس ال smoke عجبنى جداااا و قلت هجربو فى العربة
بس فى مشكلة دلوقتى لما اعمل الكشاف smoke الجزء اللى برشه اسود مط هو ال cover اللى حوالين العواكس بتاعت اللمبات مش كدا ؟؟ انما العواكس مرشهاش عشان النور ميموتش خالص
طيب انا عندى الكشاف مش كدا خالص
ده شكله

__________________________________________________ _________________________________

دلوقتى اللمبة بتركب ورا القطعة اللى فى النص دى و بتعكس من جوا النور على كل الجزء الsilver الموجود ده طب كدا بقى اعمل ايه انا smoke ؟؟؟ مش لو رشيت الجزء السيلفر ده كدا انا مش هخليه يعكس النور و الاضائة هتبوظ؟؟

**ahmedzizo131** · 01-07-2010 01:04 PM

متابع باهتمام

**SHATAvip** · 01-07-2010 01:34 PM

وفى كمان حاجة مينفعش اشيل القطعة اللى موجودة فى نص الفانوس دى ويبقى زييه زى اى فانوس عادى تانى؟
يعنى انا مثلا لما بصيت عليه من ورا لقيته متثبت ب 3 مسامير كدا فكرونى بالقاعدة اللى بتركب عليها العدسات مش ممكن اشيل الجزء ده اساسا و تبقى اللمبة مكشوفة كدا على طول و مثلا فى مكان الجزء اللى اتشال ده اركب عدسة مثلا قدام اللمبة ؟؟
__________________________________________________ __________________________________________________ _______

**Memo_Lancer** · 01-07-2010 06:10 PM

العاكس طبعا ينفع يتشال عادي
بس فكره العدس مش بتتظبط خالص
و انت شايف في جزء في اليمن و الشمال بره العاكس عندك
هو ده بس اللي هيترش
و اوعي تجي نحيه العكس علشان الاضاءه

**shiko85** · 01-07-2010 06:55 PM

لو هتركب عدسات يبقى ترش العاكس الداخلى كله, لكن لو مفيش عدسات يبقى مش هينفع ترش العاكس
العدسات محتاجه ظبط علشان تدى نتيجه, فا لو بتفكر تشترى عدسات يبقى الأفضل تجيب فانوس متعدل جاهز بالعدسات
و بخصوص الرنجات هيبقى تثبيتها صعب شويه علشان شكل الفانوس

**SHATAvip** · 02-07-2010 04:32 AM

المشاركة الأصلية كتبت بواسطة dohashakian

العاكس طبعا ينفع يتشال عادي
بس فكره العدس مش بتتظبط خالص
و انت شايف في جزء في اليمن و الشمال بره العاكس عندك
هو ده بس اللي هيترش
و اوعي تجي نحيه العكس علشان الاضاءه

مممممم... بس للأسف الجزئين اللى فى اليمين و الشمال صغيرين و معتقدش هيبانوا او هيدوا منظر !! الظاهر كدا هطنش الصنى ال 2000 دى وهعدل فى التانية 2006 الفانوس بتاعها هيبان فيه جدا التعديل
بس هو مفيش اى امل خالص ان العدسة تتظبط؟

**SHATAvip** · 02-07-2010 04:35 AM

المشاركة الأصلية كتبت بواسطة shiko85

لو هتركب عدسات يبقى ترش العاكس الداخلى كله, لكن لو مفيش عدسات يبقى مش هينفع ترش العاكس
العدسات محتاجه ظبط علشان تدى نتيجه, فا لو بتفكر تشترى عدسات يبقى الأفضل تجيب فانوس متعدل جاهز بالعدسات
و بخصوص الرنجات هيبقى تثبيتها صعب شويه علشان شكل الفانوس

مممممممم طب مين هنا فى المحروسة ممكن الاقى عندو فانوس صنى 2000 متعدل ؟؟؟ اصل الموديل بقالوا 10 سنين !! طب هو مفيش حد شاطر خالص يعرف يظبط العدسات كويس؟ وبالنسبة للرنجات مش صعب ولا حاجة اصل هى حرارتها مش بتعلى اوى ف اى لحام او لزق قوى هيثبتها فى مكانها كويس

**shiko85** · 02-07-2010 10:58 AM

المشاركة الأصلية كتبت بواسطة SHATAvip

مممممممم طب مين هنا فى المحروسة ممكن الاقى عندو فانوس صنى 2000 متعدل ؟؟؟ اصل الموديل بقالوا 10 سنين !! طب هو مفيش حد شاطر خالص يعرف يظبط العدسات كويس؟ وبالنسبة للرنجات مش صعب ولا حاجة اصل هى حرارتها مش بتعلى اوى ف اى لحام او لزق قوى هيثبتها فى مكانها كويس

بص انا مش عارف عند مين بالظبط, بس ممكن تلاقى فشارع دمشق (قسم كــماليــات السيـــارات و الإكسسوارات ) اكيد يقدروا يفيدوك اكتر منى
ظبط العدسه كتركيب ممكن و سهل بس ظبط النور هيكون غلس شويه
مشكله الرنجات مش فالحراره المشكله فشكل الفانوس, كان فى موضوعات عن الرنجات و تصنعها و هتلاقى فيها مشاكل التثبيت يعنى الرنج لو انت هتعمله يبقى مش هيكون واخد شكل الدائره هيبقى ناقص جزئ من تحت علشان الوصلات و الأسلاك ودا ممكن يخلى شكل الرنج فالفانوس وحش (علشان الفانوس مستطيل) و هيبقى اصعب فالتثبيت لكن لو هتشتريه يبقى رنج كامل و توصل وتثبت و تتأكد ان الرنج ثابت علشان مش كل مره تفك الفانوس

**M.Nasr** · 02-07-2010 01:21 PM

هل فى حد عنده فكرة عن العدسات موجودة عند مين واسعارها ايه ؟ وهل فيه منها انواع؟

**shiko85** · 02-07-2010 03:35 PM

المشاركة الأصلية كتبت بواسطة m.nasr

هل فى حد عنده فكرة عن العدسات موجودة عند مين واسعارها ايه ؟ وهل فيه منها انواع؟

ممكن تشترى عدسات اوكتافيا a4 من الحرفيين الـ 2 بـ 100 جنيه
و ممكن جديد من شارع دمشق تقريبا بــ 700 او 800 مش فاكر بكام بالظبط و فى انواع تانيه بــ 350 جنيه
يعنى من 350 الى 800 جنيه

الموضوع: مساعدة فى عمل الفانوس smoke !!!

LinkBack

أدوات الموضوع

عرض

-

-

-

-

-

المواضيع المتشابهه

تقرير عن تنضيف الفانوس من اللون الأصفر وتعديله ل smoke

rear smoke light

black smoke

Gas Detector and Smoke Detetcor

الكلمات الدلالية لهذا الموضوع

المفضلات

المفضلات

ضوابط المشاركة