كرولا 93
يا جماعه لو اي حد عند خبرة في العربيه دي يرد عليا انا هتجنن
عرض للطباعة
كرولا 93
يا جماعه لو اي حد عند خبرة في العربيه دي يرد عليا انا هتجنن
ياباشا قول انت عاوز ايه
لما اسافر مده طويله على 120 130
العربيه بعد 200 300 كيلو كده
بتبدأ ترجرج وطلع صوت تخبيط عالي طقطقطقطقطققطقق وكاني ماشي على طريق مكسر
الغريب بقه بعد اما اوصل مشواري اجي اطلع تاني بعدها بيوم الاقي الحوار ده بيحصل تاني بس من غير ما امشي مسافه طويله على طول اول ما اوصل الرابع
ولو اقعدت فتره بقه ماسفرش
اول ما اطلع على الطريق متعملش كده على طول لازم 200 300 كيلو
كده
ملاحظه الصوت والهزه بتروح لما امور او دوس دبرياش
ومبيطلعش الا على الرابع والخامس
ياترى ده اييييه
مش معقول اخد ميكانيكي معايا طريق سفر
وكل ماروح لواحد الصوت مايطلعش عشان عايز وقت
ممكن يكون عندك حاجة فى الفتيس و بالاخص فى تروس الخامس و الرابع زى ما انت قلت او عندك مشكله فى الكبالن و ما بتظهرش الا فى السرعة العالية ممكن يكون فيها رفة او اعوجاج و الله اعلم
لو عايز الحل المختصر و تريح دماغك هات فتيس استيراد بيعمل من 1100 لحد 1300 جنيه و ممكن تجيب معاه الكبالن و تبقا تغير الراس بتاعتها بجديد
شكراا جدا على الرد
هي متهايألي مش كبالن خالص عشان لو كبالن كانت هتظهر وانا حاطط في تالت وماشي 90 بس اول ماحط في رابع تبدأ بقه في الشغل المقرف ده
الللي نفسه اعرفه اشمعن الصوت مش بيطلع على طول يعني لو مسافر السخنه مثلا هروح واجي من غير اي مشاكل
بس لو الغردقه تيجي عند الكيلو 200 كده تبدأ بقه في الرخامه دي
ولازم العربيه ترتاح كده يومين تلاته على الاقل عشان ترجع زي ماكانت
يعني مثلا وصلت الغردقه واعدت يوم وانا راجع هتعمل الموضوع ده اول ماجيب الرابع على طول او الخامس بس لو اعدت تلات اربع ايام متعملش كده الا بعد 200 300 كيلو
هل لو رحت التوكيل ممكن يشخصو المشكله وهدفع كام في الفحص
شكراااااااااااا
لا شكر على واجب طب ما تجرب تغير زيت الفتيس نزله كله لاخر نقطة فى بنزينة و حط زيت موبيل 90 فى جركن ابيض و لازم يكون مكتوب عليه 90 بس مش 180 و بعدها جرب
اما بالنسبة للتوكيل الموضوع هايبقا مقرف فى الحجز عشان تقدر تدخل العربية و بالنسبة للدفع هاتدفع تمن الفحص على حسب تسعيرة الساعة عندهم و ممكن تعرفها و انت بتتصل تحجز مع بتوع الحجز و اكيد التوكيل هايفتح الفتيس و يطلعلك اللى فيه بس هاتخش فى دوامة الانتظار على بال ما يقولولك النتيجة و انتظار قطع الغيار لو هاينفع تبديل قطع و انتظار التركيب يعنى الموضوع هاياخد وقت شوية و تكلفة
بس انت ابدا بالحل السلمى بتاع تغيير الزيت يمكن الدنيا تتظبط و ما تحتاجش اى حاجة ان شاء الله
يعني زيت الفتيس اسمه موبيل 90 بيبقى في جركن ابيض صح كده اللي فهمته؟
الف شكر ياباشا