الموضوع: استفسار لتسقيط ماتور على نوبيرا 2

السلام عليكم

كنت استفسرت قبل كده على الماتور و الشنبر و الاستاذ محمد قال يتغير احسن و الاستاذ سمير قال يتصلح و متطمنله و انتوا عارفين حب الجرى و الشد و الحجات دى كلها و الماتور الى فيها مش واكل معايا خصوصا فى الطلعة فقولت اسقط ماتور

انا نزلت سألت على اسعار المواتير عند سوسو الى فى المريوطيه ورا فندق سراج
الماتور ال 2000 بتاع النوبيرا عامل 2500 من غير الفتيس بس بالدينامو و المارش و كومبريسور التكيف و طرمبة الباور

انا حاسس انوا رخيص قوى بس بفكر اجيبة من غير الكومبريسور و طلمبة الباور عشان شغالين عندى كويس

فهل كده احسن ولا الماتور بحاجتة احسن و هل الفتيس بتاع المكنة ال 1600 يركب على المكنة ال 2000 و يأدى معاها ولا لا

و اخبار استهلاك الماتور ده فى البنزين ايه حريقة ولا استهلاك فى الطبيعى 10 كم / لتر

و بيركب على الضفيرة و الكنترول بتوع المكنة ال 1600 ولا لا

و اهم حاجة اعمل ايه عشان يتثبت على الرخصة فى المرور و بيتدفع ضريبة كام فى السنة و بيحسبوها على الماتور الاصلى للعربية ولا الماتور الاعلى

سمعت انهم بيحسبوا الجمارك على الماتور الاصلى يعنى لو العربية نازلة 2000 و متسقطلها 1600 بياخدوا الجمارك على انها 200 فهل نفس الكلام فى الضريبة ولا بياخدوا الاعلى

و سألت هناك على اجناب فرامل ليجانزا ورا سكاكين بتركب على النوبيرا ولا لا كانت فى حدود من 300 - 400
و الى قدام اغلى شويه بسيطة فبيركبوا على النوبيرا ولا لا

و هل فى نوع تانى بيركبلها يعنى التيل بالكالبرات بالطنبورة ولا لا

و المساعدين و السوست الكونى بكام عشان عايز اركبهم عشان العربية واطية جدا من قدام و من ورا
هيه راكبلها 3 مساعدين مونرو و واحد الاصلى بتاعها

و اعرف منين ان الحاجة الى انا شاريها سليمة اجربها ازاى يعنى

و شكرا

هاروح برضوا بكره (انهارده يعنى ) ان شاء الله و اشوف الماتور تانى بس لو فتحة البوابة فوق يبفى كده الماسورة البلاستيك بتاعه فلتر الهوا الى راكبة مش هاتوصل صح كده ولا لأ و ينفع اى ميكانيكى ينزله ولا لازم ميكانيكى معين