الموضوع: وحدة زراير لانوس 99

متابع لاني عاوز اعرف لاني عاوز اركب زجاج كهرباء

المشاركة الأصلية كتبت بواسطة ahmedomara00

انا كان عندى مشكله فى وحدة الزراير الى بين الكرسيين الاماميين فقمت بتغيير الوحده بالكامل بـ 75 جنيه gm اصلى ، لكن بعد ما ركبتها واحد قال لى ان فيه وحده بتتباع و بتتركب فى نفس المكان اربع زراير بدل اثنين ، على اساس لو عاوز اشغل الزجاج الخلفى كهرباء طبعا بعد ما اركبله موتور ، هل الكلام ده صح ولا لا ، و هل حد جرب الموضوع ده قبل كده ، طبعا لو الكلام ده صح هتبقى حاجه هايله لانى دايما بنسى الزجاج الخلفى مفتوح لما بقفل العربيه بالريموت بتاع الانزار ، ارجو الافادة .

اكيد فى وحدة 4 زراير بس انتا عشان تغير الازاز اللى ورا كهربا حتشترى مكنتين كهربا ورا وحتغير بردة بطانه الباب عشان تجيب واحدة فى مكان للزاير الكهربا ولا انتا ناوى لو حد قاعد ورا يقعد يقوللك افتحلى و اقفلى الازاز

موجود نفس مجموعه الزراير اللى بين الكرسيين اربع زراير انا مركبهم عندى وبتركب فى نفس المكان بالظبط بس بتيجى استعمال وللأسف مش عارف سعرهم كام بالظبط

المشاركة الأصلية كتبت بواسطة ahmedomara00

بتيجى استعمال ازاى يا باشا ، معنى كده ان لانوس 1 بينزل مها 4 زجاج كهرباء و اعتقد ده مش صحيح

انت مش مصدق موضوع الأستعمال ولا ان هى موجوده اصلا و لو عايز الصوره هاصورها واجيبهالك بس للأسف هيبقى بعد بكره

يا شباب اللانوس الخليجي في منه عربيات فول اوبشن و اربع شبابيك كهربا و في وحدة باربع زرارير بين الكريسيين و الكمان كل باب له مفتاحه الخاص بيه
انما طبعاً مصرنا الحبيبة بيجلنا احنا فيها اي كلام في اي كلام من حيث الاوبشن
على فكرة انا عايش برة و شوفت عربيات دايو فيها التكييف فيها تاتش و اريال كهربا كمان و كاملة من جوة