صدقوني اللانوس دي عربيه أصيله و محترمه جدآ...
لسه راجع من المصيف امبارح (مرسي مطروح)...
وكنت مقلق من العربيه لان فيها شوية شغل كانوا عاوزين يتعملوا:
- تغيير عامود كامه وكستبانات...
- تغيير ترس الكرنك... ( اللي راكب عليه بكرة سير الدينامو وسير التكييف )...
المشكله ان السفر حصل فجأه علشان ظروف الشغل...
المهم توكلت علي الله... غيرت زيت وفلاتر وشيكت علي الاستبن والكاوتش ومياه الرادياتير... واخدت معايا شنطة العده بالاضافه الي لقمه 17 ومفتاح لقم علشان مسمار عامود الكرنك لو حل وموتور طلمبة بنزين وكتاوت احتياطي.... وتوكلت علي الله....
من المنصوره الي مرسي مطروح 1040 كم ذهاب وعوده... بالا ضافه الي 230 كم مواصلات داخل البلد والشواطئ...
يعني اجمالي 1270 كم...
و قياده متواصله 7 ساعات ذهاب وزيهم عوده... من غير ريست سوي 1/4 ساعه في الذهاب في كافيتريا عمر المختار بعد مطار العلمين ب 5 كم...
والحمد لله رجعت بالسلامه بون أية مشاكل بالنسبه للسياره...
بجد العربيه ده أصيله.