اخيرا اسعار قطع غيار الشيفرولية اوبترا من التوكيل

**ahmedsalim2010** · 30-08-2015 04:23 PM

السلام عليكم.النهاردة الصبح حصل اني كنت ماشي بسرعة قليلة الحمد لله في مدينة المستقبل الجديدة وفجأة سمعت صوت خبط وزنة غريبة طفت العربية بسرعة ونزلت وكانت المفاجأة اني لقيت الموتور وقع من ناحية الشمال وكسر الكوبلن ولسة الله أعلم في اية تاني.المهم ربنا رزقني بميكانيكي كان سهران ولسة هيقفل ربط الموتور بسير من عندة وعمل زرجنيةعشان بس يرفع الموتور وركناها قدام ورشتة لحد بكرة لأن طبعا النهاردة الأحد وكلة قافل.في ناس قالتلي ماتقلقش موضوع قاعدة الموتور والكوبلن بسيط مش محتاج حد حريف يعني فسيبة هو يشتغل فيها لأن عشان انقل العربية حرفين هتكلم ونش بس 300 جنية دة غير الشمط اللي هناك.ياريت تفيدوني اعمل اية وأطيب قطع غيار منين ويبقي كتر خيركم لو أرقام تليفونات.وطبعا يفضل يبقي هنا حوالينا مصر الجديدة أو مدينة نصر.

**abou-yahia** · 30-08-2015 07:14 PM

مركز بيع منصور gm اصلي

اول ش الطيران عند بنزينه موبيل

احسن واضمن

**ahmedsalim2010** · 31-08-2015 01:26 AM

هو صحيح سعر الكوبلن 2400 جنية.وياريت سعر قواعد الموتور.

**abou-yahia** · 31-08-2015 08:42 AM

المشاركة الأصلية كتبت بواسطة ahmedsalim2010

ياباشا تسلم .لو فيها غلاسة في حد كويس تنصحني بية يشتغل في عربية.

ذي ما انت قلت

تكاليف النقل لاي مكان حتضيع القيمه مقابل السعر

مركز سبيد سرفيس ليه موضوع مثبت في قسم هيونداي

عند المهندس هاني في جسر السويس راجل محترم وفاهم وامين

**ahmedsalim2010** · 01-09-2015 02:27 PM

أولا :الحمد لله علي كل شيء وقدر الله وماشاء فعل
ثانيا:انا بشكر الناس المحترمين اللي ردو عليا وحاولو يساعدوني.
ثالثا : نيجي بقي للي حصل والتفاصيل
- بعد تفكير اخدت القرار وسيبت العربية في المستقبل لما قابلت الميكانيكي اسمة كريم كان شغال في غبور(مستواة معقول)ودة طبعا لان الونش كان هياخد لوحدة 350 جنيه غير الاشتغالات اللي في الحرفيين.
- طبعا في البداية كنت فاكر الكوبلن اتكسر وبناء علي نصيحتكم ليا روحت توكيل منصور اللي في شارع الطيرانوكانت الفاجعة ان الأسعار كالتالي:
-كوبلن شمال كامل 2100 جنيه
-رأس كوبلن خارجي 1240 جنيه.
-رأس كوبلن داخلي شمال 1360 جنيه.
-قاعدة موتور شمال 483جنيه.
-قاعدة موتور يمين 458 جنيه.
طبعا حسيت ان السعار مبالغ فيها قررت اروح شارع دمشق والحمد لله اني عملت كدة عشان الميكانيكي كلمني وانا في طريق كان طلع الكوبلن وقاللي انة الحمد لله سليم وكل حاجة تمام ومحتاجين بس كاوتشتين داخلي وخارجي وقاعدة الموتور وزيت باور وعلبة شحم وهناك لفيت كام لفة كدة وكانت النتيجة:
-اشتريت :
-قاعدة موتور شمال gm اصلي 400 جنيه.
-كاوتشة كوبلن gmخارجي 165 جنية.
- كاوتشة كوبلن داخلي كوري بس مش اصلي 100 جنية عشاان للاسف دوخت ومش لاقيها اصلي.
-رجعت للميكانيكي ركب الكوبلن وظبط الموتور بعد تركيب القاعدة وهوب بندور لقيت صوت الموتور غريب جه كهربائي قال ان المشكلة كهربا وان العربية مش شغالة غير 2 سليندر بس.
- المهم بعد ماوقفنا وفتشنا لقينا في فيشة من الاتنين اللي بيركبو في الموتور من الجانب الشمال فاصلة وبالتفتيش لقينا سلك مقطوع واتلحم واتعزل والعربية ظبطت وصوتها بقي تمام بس للاسف فضلت لمبة check engine منورة .فكينا بطارية وركبناها كزا مرة بس مافيش فايدة.المهم انا قولت دي اكيد كمبيوتر محتاج reset وقولت هسافر بيها بعد ما اجربها واخلي ميكانيكي بتاعي يعمل reset وفي نفس الوقت يطمن علي العربية.بس بعد مامشيت بيها شوية اللمبة طفت الحمد لله.
مستني اسمع تعليقاتكم وأسئلتكم والنصايح طبعا.

**mohamed_mohsen** · 19-09-2015 02:59 PM

غطاء التاكيهات + الجوان غلي بقي ب580 جنيه
زيت فتيس أوتوماتيك AC Delco ب55 جنيه 1 لتر

**acc_ahmed87** · 16-11-2015 09:16 PM

انا لسة جايب أوبترا 2011 والعربية عايزة مساعدين أمامي وخلفي سألت عند ابو الحسن قالي الامامي ب 1300 والخلفي ب 1200 ده غير البطاحات المهم
عايز حد كويس في العجوزة او اكتوبر اروحلوا