ينفع أخش أي محطة بنزين مثلاً وأقوله يغير الزيت بالزيت اللي أنا جايبه معايا؟

السلام عليكم ورحمة الله وبركاته،،،

أنا غيرت زيت للعربيه بس الزيت الجديد مش عاجبني إطلاقاً، خلى صوت العربيه عالي أوي. فا قررت إني أغيره بزيت فيسكو 3000 عشان الناس كلهم بيشكروا فيه.

أنا جبت زيت فيسكو 3000 من محطة إمارات مصر اللي على طريق إسكندريه الصحراوي بس طبعاً هم ما عندهمش تغييير زيت في المحطه.

دلوقت أنا عاوز أنزل الزيت اللي في الموتور دلوقت وأغيره بزيت فيسكو الجديد.

أنا كنت ناوي أعمل الموضوع ده في أي محل زيوت، بس في ناس خوفوني إن الصنايعيه اللي هناك متعودين على العربيات القديمه وممكن يربط الطبه جامد زياده عن اللزوم ويبوظ المكان اللي بتخش فيه.

ينفع أخش أي محطة بنزين مثلاً وأقوله يغير الزيت بالزيت اللي أنا جايبه ولا المحطه مش هاترضى تحطلي إلا زيت من عندهم؟

يا ريت تقترحوا علي محطه كويسه في مصر الجديده أو مدينة نصر.

شكراً

اقتباس:

---

أنا جبت زيت فيسكو 3000 من محطة إمارات مصر اللي على طريق إسكندريه الصحراوي

---

؟؟؟؟؟؟؟؟؟؟


!!!!!!!!!!!!!!!!!!

عادي ياباشا ممكن وعادي ناس كتير بيعملوها

بس اكد على العامل انه يربط الطبة صح

وراجع على قياس الزيت لكام يوم بعدها كده

ممكن تشوف محطة كالتكس عباس العقاد ، كتير من الزملاء بيشكروا فيها

بس كان ليا ملحوظتين

عربيتك ياباشا بروتون ساجا جديدة المفروض أن الزيت المستخدم في العربية تخليقي مش معدني

وزيت فيسكو 3000 معدني أما التخليقي منه هو فيسكو 5000.

الحاجة التانيه هو حضرتك مغير الزيت جوه التوكيل ولا بره ، المفروض التوكيل هو اللي بيغير الزيت في الصيانات الدورية ، والعربية أكيد لسه في الضمان فبلاش تدي فرص للتوكيل إنه يتلكك على حاجه بأنك تعمل حاجة للعربية بره.

إيه وجه الإستعراب يا أستاذ 3ateef؟:shine[1]:

اقتباس:

---

المشاركة الأصلية كتبت بواسطة eng_ahmedryad

عادي ياباشا ممكن وعادي ناس كتير بيعملوها

بس اكد على العامل انه يربط الطبة صح

وراجع على قياس الزيت لكام يوم بعدها كده

ممكن تشوف محطة كالتكس عباس العقاد ، كتير من الزملاء بيشكروا فيها

بس كان ليا ملحوظتين

عربيتك ياباشا بروتون ساجا جديدة المفروض أن الزيت المستخدم في العربية تخليقي مش معدني

وزيت فيسكو 3000 معدني أما التخليقي منه هو فيسكو 5000.

الحاجة التانيه هو حضرتك مغير الزيت جوه التوكيل ولا بره ، المفروض التوكيل هو اللي بيغير الزيت في الصيانات الدورية ، والعربية أكيد لسه في الضمان فبلاش تدي فرص للتوكيل إنه يتلكك على حاجه بأنك تعمل حاجة للعربية بره.

---

ألف شكر على النصيحه يا باشا

زيت فيسكو 3000 ده زيت نصف تخليقي نصف معدني والمفروض إنه بيقعد 15000 كيلو

ناس كتير أوي معاهم عربيات بروتون زيرو قالوا إن ده أنسب زيت لمواتير بروتون

أنا غيرت الزيت جوه التوكيل، بس برده كنت أنا اللي جايب الزيت معايا، بس للأسف ساعتها ما كنتش لاقي زيت فيسكو 3000 فاجبت زيت فيسكو 2000 تقريباً بس مش عاجبني خالص. بس التوكيل مش بيقول حاجه لو أنا قولتله إني غيرت الزيت بمعرفتي.




شكراً

اقتباس:

---

المشاركة الأصلية كتبت بواسطة marsguy

ألف شكر على النصيحه يا باشا

زيت فيسكو 3000 ده زيت نصف تخليقي نصف معدني والمفروض إنه بيقعد 15000 كيلو

ناس كتير أوي معاهم عربيات بروتون زيرو قالوا إن ده أنسب زيت لمواتير بروتون

أنا غيرت الزيت جوه التوكيل، بس برده كنت أنا اللي جايب الزيت معايا، بس للأسف ساعتها ما كنتش لاقي زيت فيسكو 3000 فاجبت زيت فيسكو 2000 تقريباً بس مش عاجبني خالص. بس التوكيل مش بيقول حاجه لو أنا قولتله إني غيرت الزيت بمعرفتي.




شكراً

---

لا شكر على واجب

ولو موضوع التوكيل كده يبقى كويس ومافيش مشاكل

وبالنسبة للزيت أنا مش بقول عليه وحش ، بالعكس أنا حطيته عندي في عربيتي وعامل عنه موضوع كامل

http://www.nilemotors.net/Nile/159146-a.html

وهو ممتاز فعلا

بس الموضوع إن عربيت حضرتك جديدة ، ومن المفروض إنها بتدي أفضل أداء مع الزيوت التخليقية

كمان زيت فيسكو 3000 كان فعلا نصف تخليقي لكن تغيير لمعدني بالكامل ، وهتلاقي في الموضوع بتاعي رد على أ/ محمد ممدوح بخصوص نفس الموضوع

عموما طالما أشتريته توكل على الله ، وهايبان بالتجربة.

ان بنزينة امارات مصر بتبيع زيوت فيسكو....

للأسف حصل اللي كنت متوقعه

مافيش بنزينه رضيت تغيرلي الزيت

رحت كذا بنزينة موبيل وكلهم رفضوا، كلهم قالولي لازم تغير زيت موبيل

رحت بنزينة إمارات مصر اللي جنب كارفور المعادي برضه نفس الكلام وروحت قابلت مدير المحطه وقعدت أقنعه إني شاري الزيت من محطة الغاز اللي جوه إمارات مصر اللي في الصحراوي. برضه لا حياة لمن تنادي.

مش عارف أعمل إيه بصراحه

اقتباس:

---

المشاركة الأصلية كتبت بواسطة 3ateef

ان بنزينة امارات مصر بتبيع زيوت فيسكو....

---

امارات مصر الصحراوي بتشارك كار جاس في ارض محطة واحدة ..... و كار جاس هي اللي بتبيع فيسكو مش امارات مصر

اقتباس:

---

المشاركة الأصلية كتبت بواسطة marsguy

للأسف حصل اللي كنت متوقعه

مافيش بنزينه رضيت تغيرلي الزيت

رحت كذا بنزينة موبيل وكلهم رفضوا، كلهم قالولي لازم تغير زيت موبيل

رحت بنزينة إمارات مصر اللي جنب كارفور المعادي برضه نفس الكلام وروحت قابلت مدير المحطه وقعدت أقنعه إني شاري الزيت من محطة الغاز اللي جوه إمارات مصر اللي في الصحراوي. برضه لا حياة لمن تنادي.

مش عارف أعمل إيه بصراحه

---

روح عز العرب غيره هناك

على فكرة امارات مصر و كارجاس مالهمش دعوة ببعض اصلا ..... امارات مصر الصحراوي مأجرة ارض المحطة من كارجاس

و امارات مصر المعادي رفض يغير لك لان امارات مصر بتبيع زيت امارات .... و هو مش هيحط لك فيسكو .....

اقتباس:

---

وزيت فيسكو 3000 معدني أما التخليقي منه هو فيسكو 5000.

---

هو يعني ايه تخليقي و معدني لا مؤاخذه و ايه الفرق؟؟؟؟

عادي ياباشا ممكن

أيه المشكلة لو عملته عند أي ميكانيكي نضيف بره ؟
الموضوع بسيط جداً و لا يحتاج إلي هذا التعقيد.

لو كنت فاضي كنت جيت غيرتهولك وربطت لك الطبة كويس كمان :)
وأنتا كدا كدا واجب عليك تراجع عليها ورا أي حد حتي لو التوكيل أحتياطيا لنفسك أول يوم بعد تغيير الزيت.
يعني تبص بعينك تحت العربية أما تركن شوية أذا في تسريب زيت ولا لأ.

عادي جدا مافيش مشاكل

ألف شكر يا جماعه

أنا أخر أما زهقت رحت غيرته في محطة كار جاس اللي في ألماظه، هم نفسهم بيبيعوا زيت فيسكو

واللذيذ بقى إت التغيير ببلاش :) المفروض تدفع جنيه واحد بس مقابل تغيير الزيت، بس أنا طبعاً دفعت 10 جنيه

هو دلوقتي يا جماعه علشان اعرف حاجة كده وعاوز اتاكد منها مش المفروض ان انواع الزيوت المستخدمه اما بتكون 1000 او 3000
او 5000 او 10000 , وكلهم زيوت معدنيه ماعدا زيت ال 10000 (من اي نوع زيت :موبيل , شيل , فيسكو ,,الخ) بيكون زيت تخليقي ؟؟!!! ارجو الافاده ضروري , لان فيه ناس هنا بتقول ان زيت فيسكو ال 5000 تخليقي ؟؟!! , ولو فيه زيوت تخليقيه اقل من 10000 يا ريت حد يقولي

جرب مصر للبترول او التعاون او جرب مع الميكانيكى.
وممكن محلات الزيوت. هنا فى مدينة نصر فى محل زيوت فى السويسرى بيبييع زيوت فيسكو وغيرت عنده مرة

ايه الفرق بين التخليقي و المعدني؟؟؟؟ ارجو الافاده

اقتباس:

---

المشاركة الأصلية كتبت بواسطة kemoelord

هو دلوقتي يا جماعه علشان اعرف حاجة كده وعاوز اتاكد منها مش المفروض ان انواع الزيوت المستخدمه اما بتكون 1000 او 3000
او 5000 او 10000 , وكلهم زيوت معدنيه ماعدا زيت ال 10000 (من اي نوع زيت :موبيل , شيل , فيسكو ,,الخ) بيكون زيت تخليقي ؟؟!!! ارجو الافاده ضروري , لان فيه ناس هنا بتقول ان زيت فيسكو ال 5000 تخليقي ؟؟!! , ولو فيه زيوت تخليقيه اقل من 10000 يا ريت حد يقولي

---

فيسكو 5000 ده اسم المنتج ..... مش عدد الكيلومترات و هو فعلا تخليقي و بيقعد من 10 الى 15 الف كيلومتر

اقتباس:

---

المشاركة الأصلية كتبت بواسطة x512

ايه الفرق بين التخليقي و المعدني؟؟؟؟ ارجو الافاده

---

التخليقي يعني زيت مخلق .... المعدني بيبقى زيت بترولي ...... و خبراء الكيمياء يفيدونا اكتر

يا جماعةالاسعار الجديدة بقت
زيت فيسكو 2000 = حوالى 10000 كم وسعرة 74.5 جم
زيت فيسكو 3000 = حوالى 15000 كم وسعرة 115 جم
زيت فيسكو 5000 = حوالى 25000 كم وسعرة 220 جم

اقتباس:

---

المشاركة الأصلية كتبت بواسطة kemoelord

هو دلوقتي يا جماعه علشان اعرف حاجة كده وعاوز اتاكد منها مش المفروض ان انواع الزيوت المستخدمه اما بتكون 1000 او 3000
او 5000 او 10000 , وكلهم زيوت معدنيه ماعدا زيت ال 10000 (من اي نوع زيت :موبيل , شيل , فيسكو ,,الخ) بيكون زيت تخليقي ؟؟!!! ارجو الافاده ضروري , لان فيه ناس هنا بتقول ان زيت فيسكو ال 5000 تخليقي ؟؟!! , ولو فيه زيوت تخليقيه اقل من 10000 يا ريت حد يقولي

---

زيت فيسكو 2000 معدني وبيعمل من 7000 كم إلى 10000 كم

زيت فيسكو 3000 معدني وبيعمل من 10000 كم إلى 15000 كم

زيت فيسكو 5000 تخليقي وبيعمل من 20000 كم إلى 25000 كم

كل ده في العربيات الجديدة فقط
وينصح بالحد الأدنى للحفاظ على المحرك

العربيات القديمة ممكن تستخدم الزيوت المعدنية ولكن لأقل من الحد الأدنى

الرقم المكتوب رقم كودي للزيت ولا يمثل عدد الكيلومترات

اقتباس:

---

المشاركة الأصلية كتبت بواسطة x512

ايه الفرق بين التخليقي و المعدني؟؟؟؟ ارجو الافاده

---

http://www.nilemotors.net/Nile/75386-a.html

http://www.nilemotors.net/Nile/93497-a.html

انا عربيتى بولونيز استخدم زيت اية علي الرغم من انى بحطلها زيت موبيل السوبر الجركن الابيض اللى ب 67 جم و بيتغير علي 3000 كم