عربيتى اغرب 128

**bogyman123** · 20-02-2008 01:44 PM

السلام عليكم
رغم ان كل 128 طلعتها حلوة بس الغريب ان عندى العربية فيها دردرة فى الطلعة كانت بتستفزنى قوى
قالولى اعملها عمرة موتور وعملت والمكانيكية وانا رحت لسبعة قالو الاسطوانة والدسك حلوين

غيرت البوجيهات والابلاتين والكوندنسر وكل دى اقتراحات فاشلة عشان الدردرة مراحتش ومش عارف اعمل اية واخر مكانيكى روحتلة قالى سواقتك وحشة مع ان متعلم على 128 ولادا حاجة غريبة تفتكرو

ممكن الاقى حل؟

**mig44n** · 20-02-2008 04:07 PM

يعنى ايه دردرة؟؟؟؟؟؟؟؟؟؟
انت عملت عمرة وغيرت طقم الكهرباء والدسك والاسطوانه تمام..........مش عارف بقى اقولك ايه وانا عايز اعرف قصدك ايه بالطلعه؟؟؟؟؟
لتكون بتقارانها بعربيه 1600 من الجدادا ولا حاجه؟!!!!!

**sab3aawy** · 20-02-2008 04:17 PM

انت لما عملت العمرة غيرت عمود الكامة؟

اكشف على عمود الكامة، ممكن تكون فيه ركبة متاكلة شوية (اقصر من باقى الركب) ودى بتخلى اداء مكبس من المكابس مش زى باقى المكابس فتحصل الدردرة دى، والركبة المتاكلة تعرفها من علامات التآكل على طرفها، او بالقياس بالبكاوليس ، ونصيحتى ليك انك تكون عينك بعين الميكانيكى فى الموضوع ده لأن ممكن مياخدش باله، عمود الكامة تحت غطاء التاكيهات وبيبان بسهولة جدا وله 8 ركب بص على الطرف العالى الرفيع لكل واحدة فيهم لأن هو المهم ، الطرف الواطى العريض مش مشكلة

لو كان فيه ركبة متاكلة غير العمود او لو العمود بيلق فى البيت بتاعه غير العمود بالبيت بتاعه واظبط تاكيهات كويس

لو مفيش مشكلة فى الكامات يبقى اكشف على الكاربراتير

**فادى** · 20-02-2008 05:10 PM

"السلام عليكم
رغم ان كل 128 طلعتها حلوة بس الغريب ان عندى العربية فيها دردرة فى الطلعة كانت بتستفزنى قوى
قالولى اعملها عمرة موتور وعملت والمكانيكية وانا رحت لسبعة قالو الاسطوانة والدسك حلوين
غيرت البوجيهات والابلاتين والكوندنسر وكل دى اقتراحات فاشلة عشان الدردرة مراحتش ومش عارف اعمل اية واخر مكانيكى روحتلة قالى سواقتك وحشة مع ان متعلم على 128 ولادا حاجة غريبة تفتكرو ممكن الاقى حل؟"

أرشح أن يكون الكاربراتير هو سبب المشكلة لأنه المسئول الأول و الأخير عن توزيع الوقود بالتساوى بين الاسطوانات, و هو غالبا ما سيكون سبب أى ارتجاج غير منتظم فى المحرك, عموما , و اذا كان المحرك يرتج بشكل مبالغ فيه فغالبا الكاربيراتير هو السبب.

**mig44n** · 21-02-2008 12:00 AM

الدردرة يعنى الموتور بيترج....كويس ان الواحد عرف المصطلح ده....بس زى ماقلولك البشمهندسين فعليك انك تكشف على الكربراتير لانه مهم فعلا فى طلعه العربيه ممكن تبقى العربيه مشيها كويس على السرعات العاليه بس مبتجمعش كويس وده غالبا كربراتير.....
(بس بيتهيالى ان موضوع الكربراتير مش هيفوت على الميكانيكى) واحنا بنتكلم على 128!!!! .....

**فادى** · 21-02-2008 02:25 AM

"الدردرة يعنى الموتور بيترج....كويس ان الواحد عرف المصطلح ده....بس زى ماقلولك البشمهندسين فعليك انك تكشف على الكربراتير لانه مهم فعلا فى طلعه العربيه ممكن تبقى العربيه مشيها كويس على السرعات العاليه بس مبتجمعش كويس وده غالبا كربراتير.....
(بس بيتهيالى ان موضوع الكربراتير مش هيفوت على الميكانيكى) واحنا بنتكلم على 128!!!! ....."

ممكن يكون سبب أخر و هو انكسار احدى قوايم المحرك, أو الشداد, و ده ممكن يعمل رجة عند الضغط على بدال الوقود خاصة عند الطلوع.