الى كل مالكى الفيلشيا ... ايه مزاياها وعيوبها وايه انطباعتكم عنها .. محتاج نصائح

**qwertyqwerty** · 18-05-2008 12:47 AM

انا موافق على اللى قاله كرازى كار لمبادا
سيارة ممتازة جدا وده عن تجربة لسنوات

**ArafatEHegazy** · 28-05-2008 07:31 PM

السلام عليكم
دي أول مشاركه ليا في القسم... حبيت أقول تجربتي
أنا عندي عربيه فليشيا كومبي 96 بقالها 4 سنين ....
أنا شايف انها عربيه ممتازه بكل المقاييس .... بس بشرط تعملها صيانه باستمرار وتجيب قطع الغيار الأصليه على قدر الإمكان ...لأنها معمرة ومضمونه
بالنسبه للثبات ...فالعربية ثابته جدا علي الطريق
الصاج..... ممتاز
استهلاك البنزين .... معقول جدا بالنسبه لأنها عربيه تقيله
عربية بسيطه وسهلة في الصيانه موش معقدة .....
العيوب:
موش ناعمه زي الياباتي ولا الكوري ....بس الثبات بيعوض
الكماليات قليله فيها .... بس كل حاجه ممكن تتركيب ...ممكن البور يبقي مشكله ...بس في ناس بتركبه برضوا ...بالنسبالي أن عندي تكييف وسنتر ودا كل اللي أنا محتاجه في العربيه ... الباقي موش فارق معايا

**MOHAMED ABD EL SHAFY** · 29-07-2008 03:05 PM

الفليشيا ممتازة لفئتها السعرية ولثباتها وقودة ادائها بمتابعة الصيانة الدورة بانتظام
مشكلة السخونة ياجماعة حلها بسيط مروحة 6 ريشة+ قميص للريداتيير
ب 90 جنية من الوكالة وانسى يا استاذى الحرارة تماما
سيارة ممتازة وعن تجربة

**ali_ali_1502** · 11-10-2008 02:55 PM

مطلوب لاسرة فليشيا موديل 2000 او 2001 من مالكها يشترط الحالة تليفون 0101485012
او 44443500

**mdememo** · 19-10-2008 01:54 AM

يا ريت و نبي تقلنا الميكانيكي حل لك مشكلة السخونة ازاي علشان جربت كذا ميكانيكي ولسه العربية بتشخت بتوصل ل110

و شكرا

**mdememo** · 19-10-2008 01:55 AM

لا مؤاخذة قصدي تسخن

**ArafatEHegazy** · 19-10-2008 01:04 PM

المشاركة الأصلية كتبت بواسطة mdememo

يا ريت و نبي تقلنا الميكانيكي حل لك مشكلة السخونة ازاي علشان جربت كذا ميكانيكي ولسه العربية بتشخت بتوصل ل110

و شكرا

ذي ما الأخوة قالوا فعلا الحل بتاع السخونه هو ان يكون عندك مروحة 6 ريشة و قميص علي المروحة ....وتأكد ان الترموستات سليم ....لانه لو موش سليم المروحة هتشتغل متأخر وهتفصل بدري
أنا حصلت عندي مشكله في السخونه لما المروحة بتاعتي باظت ....وللأسف جبت مروحة 4 ريشة بدل السته ريشه الأصلية (بصراحة استرخصت

) .... وقعدت متزبط في موضوع السخونه دا بتاع شهرين ....مع انها عمرها ما كانت بتسخن معايا .... الموضوع ما اتحلش غير لما جبت مروحة 6 ريشه استيراد (زي اللي باظت بالزبط) ... وانا كان عندي قميص المروحة راكب من الأول ...وغيرت الترموستات ...والعربيه بقت زي الفل ....عمرها ما بتعدي ال 90 في عز الحر والتكييف شغال علي الآخر ....
كمان أتأكد من دورة التبريد انها سليمة ونظيفة ومفيهاش أي تسريب ....
وان شاء الله مشكلة السخونه تتحل عند كل مالكي الفيليشيا

**mdememo** · 19-10-2008 11:51 PM

شكرا يا أخي الكريم

ح أجرب كده و أبقى أقولك ايه الأخبار
و ربنا يخلصنا من شالمشكلة دي

**hatemazzam** · 11-11-2008 02:28 PM

Ihave used most of the public cars like hyundai accent. excel..... lanos..../ nubira

skoda is one of the best of all that

stability,, no. one.

cheap spare parts and you can find it easy anywhere

**beihoo** · 11-12-2008 05:11 AM

أولا: سلام عليكم و رحمة الله و بركاته
ثانيا: معايا عربية فيليشيا 97 يعني عارف العربية كويس جدا للسبب اللي هاقوله بعدين.
ثالثا: الرد على إستفساراتك
- العربية ما شاء الله ثابتة جدا و أعتقد أنها من أكثر العربيات ثباتا في فئتها يعني إنت ممكن تحس إن العربية بقت أخف بعد ال 150.. أما عن الصاج و عضم العربية فهي من الأخر الأفضل في فئتها .. أنا جربتها في حادثة (فظيعة) لدرجة إن الحزام إتقطع و الدركسيون إتكسر في صدري و لولا ستر ربنا أولا و أخرا و متانة العربية لما كنت موجودا لأرد عليك
- قطع الغيار سعرها معقول جدا بالنسبة للفئة بتاعتها و بتعمر خاصة لو بعدت عن الصيني .. يعني قطع غيارها تقريبا زي اللانوس أو أرخص شوية في بعض القطع و أغلى في قطع تانية
- العربية كاربراتير مش حقن وقود.
- مزاياها .. العفشة القوية و المناسبة تماما لطرق المحروسة .. القيمة مقابل المبلغ المدفوع .. عملية .. قطع الغيار و الميكانيكة الفاهمين متوفرين .. حمالة أسية .. إستهلاك البنزين أقل من ال 128 (زيرو).
- العيوب .. إنها مش بنعومة الأوروبي لكن طبعا مش لادا و بالطبع أنعم منها بكتير لكن عند المقارنة بالكوري مثلا تلاقي الكوري أنعم (يعني في النقلات و عدم وجود باور) .. اللي مخليني عاوز أغير إني عاوز أجيب زيرو و فئة أعلى و صدقني أول ما فكرت فكرت في سكودا برضه :)