الموضوع: الى كل مالكى الفيلشيا ... ايه مزاياها وعيوبها وايه انطباعتكم عنها .. محتاج نصائح

انا ممكن اقولك تجربتي معاها خاصة انها عشره 11 سنه استخدام وبعتها من شهر واحد واشتريت اسكودا بردو بس اوكتافيا a4
اليركب اسكودا او الماني عامة ميقدرش يغير غير الماني بردو وده لاسباب
1- ثبات ممتاز
2-قطع غيار متوافرة ورخيصة
3-عفشه حمالة قاسيه مغيرتهاش لغاية مابعتها بالرغم من استخدام شاق جدا وكنت بروح بيها مزرعتي وسط طرق غير مرصوفه
4- استهلاك البنزين كويس مقدرش اقول انه ممتاز
5- صاج تقيل ياما اتخبطت واي سمكري لايمكن يقولك غير رفرف ولا اي حاجه هو الشاكوش والسنده ولمبة الحام ترجع ذي الفل
6- مفتحتش كبوتها لمدة 6 سنين غير لتغير فلاتر الزيت والبنزين يعني اعتماديتها عاليه جدا
7- سير الكاتينة جنزير يعني ميعملش معاك حركات نص كم ويعيش علي الاقل 9 سنين
لكن طبعا ليها عيوب بردو منها
1- واطيه علي الارض ممكن تحك في المطبات من تحت الموتور بس المشكله دي حلها انك تعرف كويس انك متخطيش علي مطبات عاليه ذي بيارات المجاري انما المطبات الصناعيه عادي
2- السخونه وحل المشكله سهل بتركيب ترومستات مروحه بتاع عربيه 128 شوط قصير 70 الي 50 اي نعم المروحه هتشتغل فترة اطول بس هتحمي الموتور ولي ملحوظه هامه ان السخونه الطبيعية للعربية هي 90 العربيه متصنعه علي كده واحسن اداء للعربيه بالنسبه للموتور واستهلاك البنزين عند درجة حرارة 90 ولو معاك الكاتلوج مكتوب فيه متغيرش الترومستات لاخر شوطه اقل لانه هيقلل من كفاءة العربية لكن انا بالنسبه الي حصلت المشكله ان العربيه كانت بتعدي ال90 درجه والمروحه متشتغلش والسبب ان الترومستات بتتكون عليه طبقة من الرواسب من مياه الريداتير بتائثر علي حساسه فبيحسش ان العربيه سخنت فالمروحه بتشتغل متاخر وحل المشكله ذي مقولتلك سهل بالاضافة الي التاكد من احكام دورة التبريد وعدم وجود تسريب وده مهم جدا
3- العربيه تقيله مش بتاعت سحب وجري وشد مع استعمال بنزين 92 العربيه بقيت طياره
4- الفتيس في المرشدير تقيل ومبيجيش من اول مره ابدا
5- العربيه شنطتها صغيره ومتنفعش تكون لاسره تنفع لشاب استخدام فردي انما اسره وسفر وشنط منصحكش
اتمني اكون افدتك وتحت امرك

مشكلة السخونة دى سببها بلف الماء و الثرموستات....ولا داعى لمزيد من افتاءات الميكانيكية ...أنا معايا فيليشيا مفيهاش المشاكل دى كلها
ثانيا: المؤشر لو معداش 90 يبقى العربية مابتسخنش
لأن المفروض المروحة بتشتغل عند 90 و تخفض الحرارة

هات سيات ابيزا احسنلك 1994 و طبعا ما يختلفش عليها اتنين فى مصر الثبات و الصاج احسن طبعا و بنفس سعر سكودا و يكفى ان موتورها من فولكس واجن
و شكلها افضل و اسمها حتى افضل كماركه و سمعه و شهرة

بص ياباشا مع احترمى لكل الاراء انا عندى اسكودا كومبى مكيفه وعلى فكره دى تانى عربيه ليه سكودا بس الاول كانت عاده العربيه ممتازه
من كل الجوانب وبالنسبه للسخونيه انا عنيت كتير والمشكله الى بيفتو فيها المكانيكياهما مش فهمين حاجه المشكله كانت وش السلندر بعد فتره الميه بتعمل فيه برومه ويقفع اول حاجه الى يقولك هنقشط الوش قوله انتا مش بتفهم حاجه لان القشط معناه باظ الوش فى العربيه دى والى يقولك حط عدد 2 جوان برده مش بيفهم حاجه الوش ده لازم يتملى الاول وبعدين ينضف على مقاس الفبريقه وبعدين يركب الجوان بجملكه وبعدين تجيب عدد 2 علبه دوه معالج الصدا الواحد تمنها 35 جنيه ويحتها داخل المياه ويدور ويفصل المروحه لحد ماتصل الحراره الى 110 وبعدين يسبها تبرد وبعد كده تغير المياه وتمشى ياجميل وعلى فكره العربيه دى اى شغال فيها لازم يتم والعربيه برده تماما علىشان ميحصلش مشكال يعنى العربيه عوزه ميكانيكى فاهم ياجماعه

عربية جميلة ومريحانى لكنه بها عيب كنت أتمنى عدم جوده ه عدم جد لمبة للحرارة لأنها الأسهل للتنبيه
فإذا لم تأخذ بالك من العداد ممكن العربية تسخن تجيب موتور
لقد حصل معى أكثر من مقف ادى لإرتفاع درجة الحرارة
أول مرة الخرطوم بتاع دايرة المياه كان بيجيب ميه لحى ما فضى المتر وجابت جوان الميه دخلت على الزيت
المرة الثانية سير اللى بيدر الدينامو طلمبة المية إنقطع ربنا ستر ولحقتها لما شفت لمبة الدينامو
المشكلة أن مراقبة عداد الحرارة صعبة أما إذا جدت لمبة حرارة للتنبيه فه الأسهل الأأمن

كان معايا فليشيا مو 1997 بصراحة عربية مش تمام فيها مشكلة فى قطع الغيار الأصلية مش موجودة غير فى التوكيل و غالية جدا و غير معمرة على فكرة العربية مش المانى و جميع المكوبات صناعة تشيكى .
الموتور بيسخن و مالوش علاج الفتيس مش تمام و بيضرب بسرعة (غيرتة مرتين)و فية بلية بتعمل صوت عند بدء الدوارة العفشة سيئة جدا الصاج كويس الصالون معقول بصراحة سيارة غير مصممة للاجواء الحارة و لا انصح بها و معظم قطع الغيار فى السوق صينى و رخيصة و غير معمرة بالمرة على فكرة تيل الفرامل بيتاكل يسرعة جدا ممكن تسال على قطع الغيار فى شارع دمشق و بالتوفيق