عرض للطباعة
السلام عليكم انا معروض عليا فيات بترا 2004 1600 سي سي عاملة 60000 كم فبريكة برة وجوة بحالة ممتازة صيانة وكيل ومطلوب فيها 43000 جنيه هل السعر ده كويسودي صورها وياريت حد عنده فكرة عن أسعار قطع الغيار الاستهلاكية زس تيل الفرامل وسير الكاتينة والفلاتر والطنابير والمساعدين
http://www4.0zz0.com/thumbs/2010/07/01/15/347704667.jpghttp://www4.0zz0.com/thumbs/2010/07/01/15/618798378.jpg
ايه يا جماعة ما فيش حد معاه فيات بترا يقدر يفيدني دا نا قلت ما فيش غير رجالة المنتدي هم اللي هيساعدوني
شارى فيات سيينا 1400 سى سى فابريكة بالكامل 39.500 جنيه مش محتاجة مصاريف خالص على فكره السيينا هى هى البترا بس السيينا منتشرة اكتر و قطع غيار معقولة و بتستحمل اوى وشكرا
انا معنديش فكرة عن قطع الغيار بس متهيألي السعر مش وحش
هو انا هقولك انطباع مش اكتر
البترا مش منتشرة
ده بيأثر في توافر قطع الغيار واسعارها
بصراحة انا لومكانك مش هفكر فيها اصلا
بس على فكرة السعر كويس جداااااااااااااااااا
انزل عند بتوع قطع الغيار الفيات في ش دمشق والتوفيقية واسالهم عن قطع الغيار وخصوصا الكماليات
على فكرة البيترا دي نفس وش الباليو بتااااعتي وهيا كعربية الحمد الله كويسة جدا
بجد انا متشكر جدا لكل الناس الجميلة اللي ردت عليا بس فعلا العربية بتاعة واحد جاري وما بيتحركش بيها لأن عنده غيرها 3 عربيات تانية بس هي حالتها جميلة جدا عشان كدة قلت أسأل رجالة الفيات ولا خاب من استشار
زي ما قلتلك السعر في وجهة نظري مغرياقتباس:
المشاركة الأصلية كتبت بواسطة tareksakr
يعني كمان لو وصلت لحد 41-42 يبقى فل قوي
وارجع واقولك لازم تنزل تسال على قطع غيارها
خصوصا ان في ناس في قسم الفيات كانت بتسال عن ندرة قطع الغيار وغلوها المبالغ فيه
هى البترا عربية جميلة ..
بس أقل انتشارا من السيينا ..
حضرتك روح إسأل على قطع غيارها عند الكيلانى فى وسط البلد - شارع شامبليون ..
العربيات الفيات الحديثة جميلة جدا بس عيوبها إن قطع غيارها مش منتشرة - يعنى لازم تروح لناس معينة أشهرهم الكيلانى ومحمد يوسف .. وكمان الصيانة بتاعتها مينفعش عند أى ميكانيكى .. لازم تعرف أماكن ميكانيكية متخصصين فيها عشان حتروح لأى ميكانكيى عادى حيعكها ..
لو قدرت تتعامل مع النقطتين دول يبقى توكل على الله .. حتركب عربية حلوة بسعر كويس ..
لو معندكش استعداد لكده وعايز عربية تجيبلها قطعة الغيار من أول الشارع وتوديها للميكانيكى اللى فى آخر الشارع يبقى هات حاجة تانية زى اللانوس والأكسنت بس هى طبعا أقل من البترا والسيينا ..