ارجوا الافاده بخصوص استهلاك عربيتى فى البنزين

**mody2008taher** · 01-07-2010 07:39 PM

انا يا جماعه زى ما انتوا عارفين انا لسا مستلم من 8 ايام بس العربيه بتستهلك بنزين بطريقه غريبه اول مره استهلكت 45لتر تخيلوا عملت بيهم كام كيلو 350 كيلو تانى مره قولت هاتقل لقتها زى ما هى تقريبا ياريت تقلولى اعمل ايه

**mody2008taher** · 01-07-2010 10:29 PM

ايه مفيش حد يقولى اعمل ايه

**MaGiC** · 01-07-2010 10:52 PM

طيب حضرتك بتحط بنزين ايه ؟؟ وبتشغل المكيف ولاا لاا وبتمشي في زحمه كتير ولاا لاا لان كل الحاجات دي بتاثر في استهلاك البنزين

**mody2008taher** · 01-07-2010 10:58 PM

اولا انا مابشغلش التكييف لانى فى الالف الاولى والطرق اللى بمشى فيها عاديه لا تعتبر زحمه ولا تعتبر فاضيه يا ريت تفدنى هل دى مشكله كبيره ولا سهله ممكن تتعالج فى صيانة الالف ولا ده الطبيعى بتاع الجين 2

**abdoumahros** · 02-07-2010 12:30 AM

اطمن انا عربيتي كانت كده واتظبطت بعد الالف الاولي ( تدريجيا ) وعند حوالي 3000 هاتختفي خالص ان شاء الله

**tutankhamoun** · 02-07-2010 01:01 AM

أولا عادي جدا جدا جدا جدا
أنت في فترة تليين ................. و ده عادي

العربية إن شاء الله هاتظبط لوحدها ................ بعد الألف الأولى و هاتبقى زي الفل بعد أول 5000 كم إن شاء الله .

أنا عندي مع السواقة الهادية ............ بتعمل أرقام حلوة قوي ....... ممكن 45 لتر تعمل 600 كم مع سرعة لا تزيد عن 80 كم - س و مع عدم الحرق على الغيارات .

**Raul_7** · 02-07-2010 05:06 AM

أنا لسة مكملتش 1000 كم بعمل بالتفويلة لحد قبل مااللمبة تنور بتاع 430 كم على طرق معظمها سريعة بالتكييف على سرعة 90, فـأعتقد نسبتك مش بطالة, وإن شاء الله تتحسن تدريجيا بعد صيانة ال 1000 .

**K3A** · 02-07-2010 02:42 PM

المشاركة الأصلية كتبت بواسطة tutankhamoun

أولا عادي جدا جدا جدا جدا
أنت في فترة تليين ................. و ده عادي

العربية إن شاء الله هاتظبط لوحدها ................ بعد الألف الأولى و هاتبقى زي الفل بعد أول 5000 كم إن شاء الله .

أنا عندي مع السواقة الهادية ............ بتعمل أرقام حلوة قوي ....... ممكن 45 لتر تعمل 600 كم مع سرعة لا تزيد عن 80 كم - س و مع عدم الحرق على الغيارات .

كلام مضبوط 100% و بعد 10000 كيلو حيكون الاستهلاك معقول جدا جدا بالنسبة 1600 cc و لو كنت بتسافر كتير حاول تثبت سرعتك على 90 و حتندهش من الا ستهلاك بجد و عن تجربة حتى لو كنت مشغل التكييف

**م.محمد مختار** · 03-07-2010 06:25 PM

المشاركة الأصلية كتبت بواسطة raul_7

أنا لسة مكملتش 1000 كم بعمل بالتفويلة لحد قبل مااللمبة تنور بتاع 430 كم على طرق معظمها سريعة بالتكييف على سرعة 90, فـأعتقد نسبتك مش بطالة, وإن شاء الله تتحسن تدريجيا بعد صيانة ال 1000 .

بلاش يا محمود تسيب البنزين ينقص أوي لأن ده غلط ولو راجعت المانيوال حتلاقي تحذير من ده.