انا كنت مربية عصفورتين استرالى العصفورة شبه دى بالضبط والعصفور كان لونه اخضر فاتح هما لذاذ فى التربية بس عايزين اهتمام بالاكل والنظافة
القفص بالعصفورتين كانوا هديه بس تقريبا كدة ب 70 جنيه
الاكل :
-بلكم
-فلارس
-دنيبة (دا ماجبتوش قبل كدا)
واسعارهم رخيصة جدا تقريبا الكيلو ب5 جنيه
ومعاهم شويه قشر بيض وخيار وممكن جزر
العصافير فى الشتا بتسقع وممكن تموت من كتر البرد فلازم تلف القفص بمشمع يكون شفاف علشان تدفى
.وممكن لو اشتريت اتنين ممكن يقعدوا يتخانقوا وينتفوا ريش بعض ودول استحاله يجيبوا بيض فلازم يكونوا متوافقين مع بعض
قبل ما تشترى العصفور بص على ريشه لازم يكون مغطى جسمة كله وناعم ومش مقصف والذيل يكون طويل ونضيف وال 4 صوابع اتنين متنين لورا واتنين لقدام
يكون احسن لو العصافير صغيرة يعنى حوالى 4 5 شهور كدا
-ارجو انى اكون افدت حضرتك
المفضلات