مشكلة فى تكييف البومة محتاج لحل

يا جماعه محتاج لرايكم
عندى العربيه بومة 2006 سوبر اكشن التكييف بتاعها مش حلو رحت لبتاع التكييفات زوده وقالى كده بقى كويس ونفخ الفلتر بالهوا وبعد كام يوم حسيت انه مش حلو بردو ومع الوقت بيسوء .. المهم اشتريت فلتر تكييف جديد وغسلت السربنتينه فى البنزينة... والوضع بقى احسن من الاول بس فى مشكلتين الاولى ان فتحات التكييف اللى فى النص ضعيفه عن اللى فى الجانبين ومش بتتحسن الا على 4 وبردو بتفضل اضعف من اللى فى الجناب . والمشكله التانيه انه مش بيتلج زى عربيات تانية يعنى بيسقع بس لكن مش بيتلج ومش عارف ليه كده مع ان العربية حالتها كويسة و1600 سى سى.. يا ريت حد يفيدنى

من ناحية التبريد اكيد اول حاجة تشوفها درجة التبريد( البكرة بتاعت السخن والساقع غيرها وشوفه هيعمل ايه ) من ناحية درجة خروجه الهوا من الفتحات ( اولا اتاكد ان الفتحات مفتوحة علي الاخر ممكن تكون البوابات اللي جوا معلقة ثانيا غير البكرة بتاعة مخارج الهوا واختار افضل وضع لانها كانت عندي وكنت متضايق لحد ماظبطها الحمد لله. جرب وعرفنا بالنتيجة

الف شكر هجرب واعرفكم بس افهم من كده ان عندك كل فتحات التكييف متساوية فى القوة

اه تقريبا علي مااعتقد ان كل الفتحات متساوية او علي حسب اختيار الوضع في بكرة مخارج الهوا

يا باشا انا معايه بوما 2006 بردو 1600 وعندي نفس المشكله دي وقرفاني وسألت كتير قالي البوما 2006 في عيب في توزيع الهواء اللي في النص والتبريد دا نفس المشكله بردو عملت كل حاجه وبردو المكيف ما بيسقعش

انا غيرت الفلتر بخمسين جنيه بتاع التكييف و بيدى قوة هوا اكبر من الاول بكتير وبقفل فتحات التكييف اللى بالجناب بيدى فى النص هواء جامد جدا كل ما تقفل هوايه معينه الباقيين يبقوا اقوى بس من غير تلج يعنى تبريد عادى

اولا الحمد لله انها جت علي اد كدة . بس ياصاحبي مكنش ليه لازمة تغير الفلتر علي مااعتقد كان ممكن يتغسل بس لانه واضح انه كان مسدود وبيمنع مرور الهوا عموما الحمد لله برده. وعلي مااعتقد ان مفيش تبريد اصلا لدرجة التلج تبريد وهوا بارد وحلو اوي علي كدة. ثانيا اكيد لما تقفل هواية الهوا هيتدفق من باقي الهوايات اكتر انا لما ببقي لوحدي بقفل اللي مش عاوزه عشان يجيبلي هوا اسرع من هواية معينة . عموما الحمد لله انها جت علي اد كدة . عيش بقي يامان في الهوا واستمتع بيه. دلوقتي ملكش حجة معاك مفتاح عربيتك معاك تكييف ساوند سيستمك دريكسيونك عيش بقي براحتك

انا موديل 2006 فقلت اغير الفلتر وخلاص اهو كلو للعربية لانى لاقيته مسدود وحالته تعبانه والجديد هيفضل فتره بردو ومجتش على الخمسين جنيه والف شكر على اهتمامك يا باشا بس انا كنت اسمع ان الانسر تكيفها جليد بفترى هو ده بس اللى مضايقنى انى عندى التبريد عادى يعنى مش بيتلج بس لكن كده رضا والحمد لله

انا معايا نفس العربية ونفس سنة الموديل ولكن تكيفها ثلاجة فعلا واضطر الي وضع مفتاح المروحة علي 1

احتمال كبير ان يكون هناك مشكلة في التكييف لان تكييف اللانسر فعلا ممتاز

يعنى بتشغله على واحد فى الظهر او الحر وبيكون بنفس القدره ولا بتبدأ على 4 مثلا وتنزل تدريجى

اولا في الظهر افتح الشبابيك كلها وشغل المروحة علي اعلي سرعة بدون التكييف لطرد الهواء السخن وذلك لمدة دقائق ثم شغل التكييف لمدة دقائق........ اغلق الشبابيك والمروحة علي سرعة 4 وعندما تحس بالبروده سغل المروجة علي 2 وهذا هو ماافعلة في فترة الظهر اما باليل اشغل المروحة علي 1

اقتباس:

---

المشاركة الأصلية كتبت بواسطة wdramiz

اولا في الظهر افتح الشبابيك كلها وشغل المروحة علي اعلي سرعة بدون التكييف لطرد الهواء السخن وذلك لمدة دقائق ثم شغل التكييف لمدة دقائق........ اغلق الشبابيك والمروحة علي سرعة 4 وعندما تحس بالبروده سغل المروجة علي 2 وهذا هو ماافعلة في فترة الظهر اما باليل اشغل المروحة علي 1

---

الله ينور عليك

انا فعلا لما جبت العربية حسيت ان التكييف اضعف مما توقعت و لكن قلت لنفسى ان ده يمكن علشان الحر زيادة شويتين الكام سنة دول ، بس كده ابتديت اتأكد ان احساسى كان فى محله.

و على فكرة ، انا فعلا بافتح الشبابيك مع المروحة بس ... الخ ... و برضه باحس انه مش زى ما كنت متوقع

على فكرة انا عندى نفس المشكله بتاعتك فى عربية واحد صاحبى لانسر 2008 و معايا فى عربيتى النوبيرا نفس المشكله
صاحبى بعد عذاب وصل للمشكله و كانت فى انه راح لواحد فضاله كل الفريون لان من الواضح انها كانت مشكله فى شحنة فريون صينى و حط فريون انجليزى بجهاز شحن اتوماتيك و فعلا فرق كبير جدا بعد الشحن يعنى العربيه فى عز الحر تفتح التكييف على 3 و مفيش 5دقائق يجيبه على 1 من كتر السقوعيه.
انا ناوى ان شاء الله اعمل نفس الحوار بس مستنى شويه عشان الفلوس :)

اقتباس:

---

المشاركة الأصلية كتبت بواسطة MoMohsen

على فكرة انا عندى نفس المشكله بتاعتك فى عربية واحد صاحبى لانسر 2008 و معايا فى عربيتى النوبيرا نفس المشكله
صاحبى بعد عذاب وصل للمشكله و كانت فى انه راح لواحد فضاله كل الفريون لان من الواضح انها كانت مشكله فى شحنة فريون صينى و حط فريون انجليزى بجهاز شحن اتوماتيك و فعلا فرق كبير جدا بعد الشحن يعنى العربيه فى عز الحر تفتح التكييف على 3 و مفيش 5دقائق يجيبه على 1 من كتر السقوعيه.
انا ناوى ان شاء الله اعمل نفس الحوار بس مستنى شويه عشان الفلوس :)

---

3andak fekra etkalefet kam

باشا لازم تراجع علي الخراطيم وتتأكد ان ما فيش تسريب فريون

دي اول خطوة

تااني حاجة
اتأكد ان اللي ذود فريون استخدم فريون 134 مش اجة تااني
لان لأسف في انواع صيني بتكون رخيصة وسيئة وبتفسد كمان دورة التريد

انا عندى التكييف و الفريون بحالتهم اللى جت عليهم من المصنع فى اليابان.. ماحدش لمسهم... و فى الصيانات الدورية ماحدش قال لى ان الفريون ناقص او بيسرب او ان فيه مشكلة..

اعمل ايه؟؟
اكشف عليه مخصوص فى التوكيل ؟؟؟

السلام عليكم ... أعتقد أن المشكلة في متحكم التبريد (cooler controler) و هو عبارة عن علبة تحكم 10سم في 10 سم المقاس و موجودة أعلي مراوح الرادياتير ... كان المكيف عندي زي المجنون شوية يشتغل بسيط و شةية يتوقف و رجت عند واحد (هو ممتاز ) ربنا يكرمه زرته أكثر من مرة : مرة يضبط الفريون و مرة يغير الثرموستات هذا بخلاف التنظيف ....الخ الخ و أخيرا أشتريت هذا المتحكم من التوكيل في الكيت كات و هو ب 360 جنيها تقريبا و بعدها ما شاء الله لا قوة الا بالله تلاجة

طيب انا عندى سؤال مهم انا عندى الكرولا 2002 مفيش فيها فلتر تكييف و اكتشفت كدة لما كنت بعمل صيانة فى التوكيل كذا مرة مكنش بيغيروه ففمرة قولتلهم فى التوكيل انتو مش هتغيرو الفلتر قالولى الكرولا مفهاش فلتر تكييف عشان كدة دايما الكرولا هواها شديد بيخبط فى النفوخ و معروف ان تكييف الكرولا فوق الممتاز
انا بقى بفكر اجيب لانسر تانى (كان معايا 2006 و بعتها عشان التكييف الزبالة)
وعاوز اجرب اشيل فلتر التكييف خالص اكيد هيكون فى فرق كبيييير فى شدة الهواء ياترى بقى الموضوع ده ينفع و لا لو شلته ممكن يبوظ حاجة تانية و لا لو شلته اصلا التكييف ساعتها مايشتغلش
ياريت الى عنده فكره يقول ده عمليا ينفع ولا لاء