الموضوع: هل دة حب حقيقى ؟

[quote]لو كنت بتحب حد اكتر من نفسك وشكيت انه فى صفة واحشة او كنت متاكد من دة وهى صفة الكدب وديما بيكدب بسبب وبدون سبب [/quote
لو حد بيكدب عليا يبقى بيكدب علشان حاجه هو عارف انى مش راضى عنها
معانه المفروض لو بيحبنى ميعمملش حاجه انا مش عيزها وبلتالى مفروض ميكدبش عليا

لو هو بيحب بجد زى ما انت بتحبه
المفروض يكون ردة اية ؟
عادى اعمل الى يريحك عشان الى يريحك هيرحنى وخالى بالك على نفسك

لو قال الى يريحك يبقى هو مش باقى على الحب ده ومش فارق معاه من اصله

ولا يقولك اية الى بتقولة دة انا مقدرش اعيش من غيرك ويعمل الف محولة عشان ترجعة سواء

اما لو اعترف ان ميقدرش يعيش من غيرك يبقى حاسس بلندم وتشوف بيكدب عليك ليه

فى الاول قالتى الى يريحيك وبرحتك وقدر الله وما شاء فعل
ولما اتصلت بيها قولتها ازى بكل سهولة توفقى كدة امل ازى كل يوم بتقوللى انت الدنيا وانت الحياة ومقدرش اعيش من غيرك والكلام دة
بعدها بقا عملت المستحيل عشان نرجع وانى جيت على قلبى ورفضت وقولتها كنتى تعملى دة من اول مرة مش بعد ما قولتلك وان الحاجات دى مش بتتطلب
دة تصرف طبيعى بيحصل بين اى اتنين بيحبوا بعض بجد وكان المفروض يحصل منك
هل انا غلطان بقا لان من وقت لتانى بفضل محتار وبفكر لانى مش متعود انى اخسر حد شوف بقا كمان لو كنت بحبة اوى
انا كدا صح ولا غلط

لو هى من طبعها الكبرياء فى الاول هاتقولك اللى يريحك بس بعد كدة هاتعمل المستحيل علشان تحافظ عليك لكن لو من طبعها الكدب بس من دون كبرياء يبقى مفيش امل فيها خصوصا لو انت من النوع الصادق مع الاخرين وياريت تقول هى من مواليد برج ايه
على فكرة ميعاد الميلاد بيفرق كتيـــــــــــــــــــــر قوى فى طبيعة الشخصبة ودى ملهاش علاقة بالتنجيم هلشان ماندخلش فى كلام مالوش لازمة

المشاركة الأصلية كتبت بواسطة dolly13

لو هى من طبعها الكبرياء فى الاول هاتقولك اللى يريحك بس بعد كدة هاتعمل المستحيل علشان تحافظ عليك لكن لو من طبعها الكدب بس من دون كبرياء يبقى مفيش امل فيها خصوصا لو انت من النوع الصادق مع الاخرين وياريت تقول هى من مواليد برج ايه
على فكرة ميعاد الميلاد بيفرق كتيـــــــــــــــــــــر قوى فى طبيعة الشخصبة ودى ملهاش علاقة بالتنجيم هلشان ماندخلش فى كلام مالوش لازمة

هى مش فيها حتة الكبرياء دى وهى موليد 10 ابريل

المشاركة الأصلية كتبت بواسطة eslam_wega

لو كنت بتحب حد اكتر من نفسك وشكيت انه فى صفة واحشة او كنت متاكد من دة وهى صفة الكدب وديما بيكدب بسبب وبدون سبب
ووجهتة انك عرفت الحقيقة وقولتوا مش هينفع نكمل سواء طبعا لانك فى لحظة غضب ومصدوم انك اكتشتف حاجة زى دى
لو هو بيحب بجد زى ما انت بتحبه
المفروض يكون ردة اية ؟
عادى اعمل الى يريحك عشان الى يريحك هيرحنى وخالى بالك على نفسك
ولا يقولك اية الى بتقولة دة انا مقدرش اعيش من غيرك ويعمل الف محولة عشان ترجعة سواء
مستنى رايكم

ممكن نتفق على حاجة الاول .. ان الكدب اقصر طريق يخنقك من اى حد
دلوقتى ياسيدى لما تكون فى علاقة مع حد بيكدب ده بيدمرك نفسيا .. بتلاقى دماغك شغالة 24 ساعة .. كل ماتقولك كلمة تقعد تحللها و تربطها بواقف سابقة علشان تعرف هى بتكدب وللا مش بتكدب .. حتى لو قالتلك مثلا وحشتنى .. و بمرور الايام حياتك حاتتحول لجحيم .. و كمان حياتها لان الثقة فيها حاتقل و يبدأ الشك .. يعنى حايبقى شغل جنان و صداع و معاناه دائمة
نصيحتى ان اى حاجة مقدور عليها اللا الكدب فى الراجل و الست .. لانه بيتلف اى علاقة و قبلها بيتلف مخك .. حاتحس بانك استهلكت جهدك و ذهنك و مرهق و خلقك يديق من كتر التفكير .. وده حايأثر على حياتك و شغلك ..
و اجابة سؤالك انا شايف ايا كانت الاجابة الاولى او التانية .. المفروض حتى ماتتعبش نفسك و تفكر فيها لان الكداب حله انه يعيش لوحده لانها صفة مش من السهل يستغنى عنها و كمان انا شايف انك لازم تفكر انك تستحق انسانة افضل من كده .. حب نفسك و خاف على نفسك حتلاقى انك بتحكم صح و ماتسمحش لحد انه يلف و يدور عليك و يعاملك على انك غبى او عبد ليها و ربنا خلقك علشان تحبها و ترضيها او تفكر انها مهما عملت بشوية دموع و كام كلمة حلوة حاترجعك تانى .. صدقنى مش مستاهلة انك تضيع وقتك ومسيرك حتقابل اللى احسن منها

المشاركة الأصلية كتبت بواسطة devilishtigers

لو تسمحلي اشارك واقولك انك صح 100% .
انا عايز اعطيك مثل لو انت عارف ان في شخص كداب بس في نفس الوقت هو صحبك الانتيم وكان بيقولك على مواضيع او حكايات كتير. يا ترى هتصدق كل حكاياته وكلامه.؟؟؟؟؟؟؟؟؟؟؟
فما بالك ان الصفة دي تبقى موجودة في شريكة حياتك.؟؟؟؟؟
ياترى ممكن تصدقها لو انت سألتها على حاجة وهي جوبتك.؟؟؟؟؟
في مثل بيقولك (الميه لما تتعكر ما تتشربش تاني)
انا ضيعت اول حب + 3 سنين من عمري علشان استحملت الكدب وقولت هتتغير بس.......... دا طبع (والطبع يغلب التطبع)
(((( وإذا دخل الشك الموضوع ما ينفعش ))))

بالنسبة لموضوع كلامك معاها وردها عليك انت ردك سليم 100%....

المشكلة في حاجة واحدة انت من جواك حاسس بإيه وعايز ايه؟؟؟؟؟؟

حاسس انى مخنوق وان ناقصنى كل حاجة وان الحياة ملهش طعم ولو دحكت بدحك شوية وارجع ازعل تانى