يبقى أكيد مش حا تختار الرحــــــــــــاب !!!!!!!!!!!!
عرض للطباعة
يا رجاله زي ما الفوت هيقول هنروح ب رأي الاغلبيه انا مش فارق معايا فين مدام هنكون مع بعض
و اكيد في اكل في كل الاماكن الي هنروحها متخافوش ولو بقينا في القريه ابو ليلي بيقول ان الفرد هيكون في حدود 75 جنيه
اكبد شامل الاكل و القعده و كل حاجه و لو بقي في الرحاب اكيد في مطاعم كتير و كل حاجه برده هناكل يا رجاله متخافوش
انا معاكو بهون الله
و يارب اكون خلصت الى ورايا فى راس سدر و اكيد راشققققققققق
و ف اى مكان ...
يا شباب عندى اقتراح نتجمع عند الميتنج بوينت فى التجمع الخامس آخر شارع التسعين (بالقرب من جامعه المستقبل)، هنلاقى أماكن ركن كتير وكمان مطاعم وخلافه للى همه على بطنه هههههه :ma: (معلش يا حمدى جت فيك بقى).
صباحكو فل يا ناس يا عسل
انا معاكو في حته - قولولي بس فين - لو بره مدينة نصر والرحاب والتجمع يبقي محتاجين دليل او جي بي اس - انتو عارفين مصيبة عتريس والشوارع - :)
عموما هوا الجمعة اللي جايه صح ؟؟؟
اة يا عتريس ان شاء الله الجمعة الجاية7/9
ايوة الجمعه الجاية 9/7 بأذن الله وانا موافق على اى مكان نتجمع فيه المهم نشوف بعض
بس المؤشرات بتقول انه لحد دلوقتى فى الرحاب وده واضح من التصويت
ولكن لا يوجد اى تنظيم الى الان يعنى لو رحنا الرحاب محدش قال هنروح فين
اى مكان يجمعنا - مافيش اماكن ركن للسيارات - كتير قالو المكان بيكون زحمة
هتعتمد على الكافيه او مطعم .
طيب مين المسئول عن التنظيم وعن اماكن التجمع جميع المؤشرات بتقول ان المقابلة بالمنظر ده
هتكون للاسف صعبه اهم شى التنظيم .... التنظيم ....التنظيم ولكم فى مقابلة نسيان خير مثال
اللهم بلغت اللهم فشهد
ماشى ياعم جوست ولا يهمك :satelite:
وفى المقابلة كله هينكشف ويبان ونسمع الزيطة ونشوف الفضايح :ma:
انا معااااااااااااااااااااااا ااااااااااااااااك يا أبو ليلى
الكلمتين دول فيهم الشفا
أهم حاااااااااااجة التنظييييييييييم
لازم يكون فى تنظيم
ياجماعة بصوا بصة كده على مقابلة نيسان
http://www.nilemotors.net/Nile/157387-2-7-a.html
الناس بتنظم فى المقابلة من 14-6 او قبل كده كمان
عشان يتقابلوا 2-7
وإحنا كنتوا عايزين نتقابل الجمعة اللى فاتت وخليتوها الجمعة الجاية :36_7_4[1]:
ياجماعة لو المقابلة فضلت بالشكل ده هتبقى صعبة زى مقال أبو ليلى
طبعا إحنا اهم شيىء اننا نتقابل ونشوف بعض بس الاهم التنظيم
طيب بس أصل أحنا متبقلناش قبل وكدا ومش عارفين التنظيم دا يتم أزاى
أنا يادوبك مرحتش غير مقابله واحده فيها 4 يعنى وكنا مش عرفين نعمل ايه :)
هو شئنا أم أبينا لازم المقابله دى تكون تجربه وأكيد هنتعلم منها
اذا كانت فى الرحاب حتكون نقطة تجمع يحددها أى واحد حافظ الرحاب كويس ... أو على بوابة معينة مثلا ... بس يعمل حسابه يختار مكان دايماً فاضى ويساع 37 عربية ويوصفه لنا كويس.
أما لو قرية جميلة وهادئة وآخر مزاااااااااااااااااااج ورااااااااااااااااااااااا اااحة التجمع حايكون داخل القرية
وممكن اللقاء عند البوابة مثلاً .... والباركنج مش حايكون مشكلة
بصرف النظر عن ال vote ايه هى فين ال ميتنج بوينت دى ونظامها ايه ؟ مش ممكن تكون أحسن من الرحاب ؟
خالد باشا الميتنج بوينت موجودة فى التجمع الخامس آخر شارع التسعين تفضل ماشى لحد متوصل جامعة المستقبل والجامعة الأمريكية هتلاقيها هناك هى زى مول فيه شويه مطاعم (ستديو مصر، وتشيليز، وخلافه).
طب يا جدعان انا عايز اجى معاكو معرفش المكان دة ياريت حد يقولى اجى ازاى ؟؟
انا ساكن فى ولى العهد (حدائق القبة )
الموضوع فعلا محتاج تنظيم
حدده ميعاد مثلا بعد الصلاة أو الساعة 3
وحدده مكان معروف للكل أة إما مدينة نصر يا إما في التجمع يا إما في الرحاب
ويا ريت نخلي واحد مسئول عن الناس بمعنى يسيب رقمه واللي حيروح يكلمه يسيب اسمه وتليفونه ونوع العربية بيكانتو أو سيراتو
بحيث لو حد تاه من حد نعرف نكلمه
لازم تاخده قرار نهائي في المكان عشان الوقت
ونفتح به موضوع ونقول في القرارات النهاية عشان نخبر الناس بيها
يااااااااااااااجماعة لازم تعملو حساب الناس اللى جية من برة القاهرة
انا شايف الرحاب مناسب
اصدقائي البهوات
ممكن الخص بعض الاسئله الي شفتها النهارده والموقف الحالي للمقابله؟؟
1- من الواضح حتي الان ان مكان المقابله : الرحاب (حتي اشعار اخر)
2- يوم الجمعه 7/9
3- ميعاد المقابله الساعه كام بالتحديد؟؟؟
4- مكان التجمع فين تحديدا؟؟
5- هل هيكون في مكان للتجمع, ثم الانطلاق مجمعا لمكان المقابله؟؟؟
6- مكان المقابله فين تحديدا؟
7- مين الشخص المسؤول عن مكان التجمع و الي هيكون عارف الرحاب (بطبيعه الحال لازم يكون عارف الرحاب كويس)؟
8-ايه الموجود في المكان ده؟ شكل الباركنج؟ عدد السيارات الي يمكن استيعابها؟؟؟ الاماكن الترفيهيه فيه؟
9- خطه المقابله ايه؟
10- محتاجين ارقام تليفونات 3-4 اشخاص يكونوا مرجع لينا في حاله التاخير - التوهان خاصه اني اعتقد ان مش كلنا عارفيين الرحاب و انا علي راسهم مش عارفها
11- هل في احتمال لوجود حاجه لحجز مكان او قريه او ما شابه؟ ولو كده امتي الفلوس هتتلم ومين هيلمها
12- مع احترامي لنتيجه الفوت.. هل احدي قري الهرم مش ممكن تكون اسهل في تنظيمها من مدينه الرحاب؟؟
انا في جميع الاحوال مع الي هنتفق عليه كلنا.
ارجو ان تجميعه الاسئله دي تكون ليها قيمه و ياريت نحاول نوصل لاجابات محدده واضحه عشان تكون مقابله جميله
احب افكر البشوات ان فاضل حوالي 96 ساعه فقط
عندي اقتراح كمان صغير:
ممكن نقفل الفوت خلاص بنهايه يوم الاتنين و نعلن المكان اعلان نهائي غير قابل للرجعه؟ و بعدها نركز اهتمامنا علي بقيه النقط الي ذكرتها؟؟؟
عشان نلاقي وقت للتنظيم؟
خلاص يا حماعة الرحاب ونتقابل فى مدينة نصر غند فرغلى زى ما قلنا قبل كدة وتكون على 3 4
اية رائيكوا نعمل توبيك ب الكلام دة؟؟؟؟؟؟؟؟؟؟؟؟؟؟؟
مع انا بقول ان هيبر 1 بيبقى فاااااااااااااااضى وبارك كبير دة قدام جمعتى فامتاكد من كلامى ومفهوش توهان اخر المحور ولو حد جى من الدائرى ياخد نزلة المحور فى اتجاة اكتوبر وياخد لحد اخر المحور
اسهههههههههههل بكتيييييييييييييييييير اوووووووى من الرحاب واريح واماكن واسعة جداااا
واحسن برضوا من القرى السياحية عشان ما بقتش حاوة زى زمان ومحتاجة يكون فى حجز قبلها بلعدد
طيب هو كدا كدا الرحاب قريبه من التجمع الخامس
يعنى فى أسوأ الظروف ممكن نطلع كلنا على التجمع فى الميتنج بوينت دى
وأنا هعمل وصفه للرحاب علشان محدش يتوه بردو
ولو فى ناس هتتجمع فى مدينه نصر فعلا تتجمعوا عند فرغلى علشان فى أماكن ركنه كتيره هناك فى الوقت دا
بالنسبه للمعاد الناس الى جايه من خارج القاهره تقدر تيجى الساعه كام؟؟؟
وما نفكرش للية يا حماعة فى هيبر انتا روحت هناك(هيبر) قبل كدة يا نورمال؟؟
طيب يا جماعه مرواح الرحاب سهل جدا جدا جدا ومش محتاج وصف
طبعا كلنا عارفين طريق النصر
هتمشى فيه متجه الى مدينه نصر لغاااااااايه أخره
هتلاقى كوبرى يوديك على المطار والشيراتون وكدا
متطلعوش فى دخله يمين قبليه تدخلها
الرجاء الدخله دى غبيه جدا لأنك بتبقى سريع ونازل واحد من يمينك سريع بردو وعايزين تخشوا عكس بعض
فياريت الانتباه
بعد كده يمين الى طريق مصر السويس
شغل السى دى وأفتح التكيف وأشرخ بتاع 15 دقيقه
شويه وهتلاقى عند الكيلو 114 مدخل التجمع الاول والمدرسه الانجليزيه
كمل كمان كيلو ولا أتنين هتلاقى يافطه مدخل مدينه الرحاب
تدخل الطريق تمشى فيه شويه هتلاقى مطب وبعدين ميدان
عدى الميدان وأمشى طوالى زى منت
أول يوترن تلف تلاقى بنزينه موبيل على يمينك ومدخل بوابه 13 لازق فيها
والحمد لله على السلامه :)
دا أسكتش أهبل للوصفه :)
http://img149.imageshack.us/img149/6342/rehabcity.jpg
اه طبعا :))
بيعجبني ردك المركز يا زواوي بك هههههههههههههه
بس ايه رايك مش شويه اسئله خلاصه في الصميم؟
هههههههههه ايه رأيك يا معلم
اه والله اسأله حلوه و جابت من الاخر علشان اي حد عاوز يسأل في اي حاجه يلاقي اجابتها موجوده
و دلوقتي في 39 واحد عاملين فوت يعني المفروض ال 39 هيجو يا مسهل لما نشوف ولسه كريم ياشا منير هكلمه يوم التلات ان شاء الله اقولو علي اتفاقنا
يا ابو ليلي و يا جماعه كلكو الي بيتكلمو علي التنظيم احنا فعلا مش منظمنها بس دي اول مره نتقابل في القسم هنا اول مره نعمل مقابله بجد ف محدش عانده افكار و محدش عارف هيعمل ايه الي عنده تنظيم و اقتراح يتفضل يفدنا كلنا بيه
يا زواوي دي مش أول مرة نعمل مقبلات في القسم
http://www.nilemotors.net/Nile/88808-a.html
وكانت في الرحاب برده
خلوا بالكم يا جماعة وانتم رايحين الرحاب
تجنبوا طريق سوق السيارات - الحى العاشر - أكاديمية مبارك
سوق السيارات يوم الجمعة والمنطقة دى بتبقى وحشة أوى يوم الجمعة
وصفة نورمال حلوة ... الأوتوستراد أو شارع الثورة-طريق السويس-الرحاب
أما اللى جاى عن طريق الدائرى من ناحية المعادى مفيش مشكلة
يبقى ان شاء الله كلنا نتجمع عند فرغلى الساعة 4 ومحدش يروح على هناك عشان ما نتوهش من بعض ونقعد اليوم كلة ندور على بعض
اللي ملهومش في المقابلات بيشحعو ------ واحنا معاهم هههههههههههههههههه
انا معكم يا رجالة - وعندي اقتراح بسيط
ممكن نتجمع عند مدخل الرحاب عند On the run قبل دخول الرحاب مكان واسع للتجمع وندخل مع بعض طابور كدة - بدل ما نتوه من بعض جوه الرحاب
خلي بالكم ان في ساعات لجنة مرور في الرحاب عشان اللي مفيم واللي مركب ستاير - عشان كدة ندخل مع بعض ونقول انه تجمع اعلاني او حاجة كدة
حاجه كمان - التجمع في الرحاب الساعه كام بالظبط عشان الناس تظبط مواعيدها مع بعض
وعشان كلنا نعرف بعض - في حالة الانتظار عند مدخل الرحاب كلنا ندي انتظار (Emergency flasher )
أحب أقولكوا ملحوظة رفيعة
إنى عامل بالظبط زى الأطرش فى الزفة :ma:
محدش يجى ياخدنى من دمياط :satelite:
طب يا جماعة لما تحددوا المعاد والمكان بلغوني :) عشان أنا تهت منكم