هل الزينون الـ 3000k موجود في مصر ولا لأ ؟
عرض للطباعة
هل الزينون الـ 3000k موجود في مصر ولا لأ ؟
شكرا على مساعدتك .. بس انا كنت شفت على سايت بيبيع ال 3000k و 4300k و 5000k و 8000k و كلهم زينون.
المهم انا كنت فاكر انو ال 3000k هايطلع اوضح اضائة بس لما دورت كتير عرفت ان ال 4300k هو الى بيدي اوضح اضائة و بيكون لونه ابيض مافهوش ازرق خالص. وده الي بينزل في الفابريكة.
أنا بقا عندي سؤال تاني... هو الزينون في العالي لما الواحد يرعش بيه بيشتغل علا طول ولا ايه. هل الزم اشغله شوية لحد ما يسخن و بعدين اطفيه و ارعش عادي بعد كده ؟ و هايرجع يبرد تاني بعد شوية ؟
شكراً
الف شكر يا كبير
ما شاء الله 10/10 بس اوعى تستخدمو في مضايقة النــاس انا نص خناقتى علي الطريق بسبب الزينون دة ههههه
و اهم حــاجة ربنا يبعد عنك العين ان شاء الله .. لان انت عارف في مصر تقريبا ناسين كلمة ما شاء الله لما نشوف حاجة تعجبنا هههههه
ألف مبروك تانى :)
الله يبارك فيك يا باشا و الله مش بضايق بيه حد خالص و لما ببقي ماشي و الاقي الطريق فيه عربيات جايه عكسي بطفيه بس في ناس حسبي الله و نعم الوكيل فيها لما بتلاقيق طافي النور بيسوئو فيها و يولعو نورهوم و عادي جدا للاسف بضطر اني اعميهم زي ما انا معمي علشان مبيبقاش عنده دم و اغلبيتهم بيبقو ستات و بعد ما تيجي جمبك تبصلك انها متضايقه و تقولك اطفي نورك طيب متطفيه انت الاول علشان انا اطفيهولك ما انا كنت طافيه و انت مفيش احساس خالص
السلام عليكم
يا باشا ليا تعقيب بعد اذنك
الزينون اللى انت مركبه هو اللى ممنوع فقط لانه لمبه هالوجين ممنوعه فى العربيات عموما اصلا عشان بتعمى اللى قدامك فى الطريق
و ممكن تسبب فى حوادث تصادم لا قدر الله
مكوناتها فعلا لمبه هالوجين +جهاز مساعد بيركب و يوصله كهربه.
لكن المصرح بيه فى العالم كله حتى فى مصر و بيتصرح بيه هو:
1- اللى بينزل مع العربيه اصلا و بيكون فيه عدسات لتشتيت الضوء (عشان ميعميش حد)او توزيع الضوء بطريقه سليمه,
و دى كمان بتفرش الطريق احسن من غير اذى لحد تانى.
2- الزينون اللى تركبله عدسه زى اللى بينزل فبريكه مع العربيات الغاليه و ده ممكن يكون عموله تعمله عند واحد نضيف و بيفهم عشان العدسه ممكن متبقاش مظبوطه و متستفدش بيها اصلا و بدل ما تفرش الطريق ,متبقاش شايف اصلا,
لانها لازم تتعمل بزاويه معينه فهمتنى,
زى السبويلار بالظبط لازم يكزن انواع معينه و مظبوط على زاويه معينه عشان يثبت الجزء الخلفى من العربيه على الارض و بكده يزود من ثبات العربيه و يقلل من العومان .
كل حاجه و ليها سبب فى الدنيا .
يا ريت تكون تقبلت كلامى بصدر رحب