الموضوع: حكايتي مع حادثة موتوسكل ( واتصرفت إزاي )

شكرا على نقل التجربة, و حمد لله عالسلامة.

[quote=mzeid;3872825070]حمد لله أن مفيش حاجة حصلت غير العربية
بس عملت ايه مع التأمين و المحضر[/quote]

السلام عليكم ورحمة الله وبركاتة

بص يا سيدي انا عملت التالي بعد ما خرجت من القسم (( معايا رقم المحضر-وعرفت من انهي قسم-ونوع المحضر-واتعمل انهي ساعة ويوم ))

اولا- رجعت لصاحبي اللي جنب العربية
2- كلمت 140 دليلي وعرفت اقرب بنزينة فيها انقاز وكلمتهم واتفقت علي السعر
3-العربية راحت التوكيل وفضلت هناك لغاية صوره المحضر
4-استنيت 3 ايام ورحت اجيب الصورة من النيابة ( لازم ختم عليها بتصريح من وكيل النيابة)
5-وانتا هناك في النيابة لازم تجهز فلوس فكه في جيبك -وورقة فلوسكاب-وقلم جاف
6-تكون لابس كويس علشان وكيل النيابة ها يشوفك وتكون مجهز الرد علية ( رقم المحضر-القسم-اليوم-نوعه)
واوعي تنسي لازم (( تصور البضاقة ))
7- بعد كده من حوالي ( 8 ص الي 4.50 مساء ) اخدت صورتين مختومين من المحضر
8-رحت بيهم فورا التوكيل وقدمتهم ودفعت 3000 جنية !!!!
9- ولسه ماخدتش حاجة

النصيحة الكبري (( لا تأمن في شركه تأمين تعبانة ))
اختار اكبر الشركات زي (( مصر للتأمين)) علي فكرة والله انا ماليش مصلحة في كده بس النصيحة لوجه الله
علي فكرة انا كنت مأمن في (( الجمعية التعاونية بالعباسية )) وبرده أمنت والحمد لله في مصر للـتأمين
بعد ما عرفت اني ماكنتش ها ادفع شيء لو كنت مقدم الوثيقة بمصر للتأمين

المهم والحمد لله العربية (( زي الفل)) ورجعت والله احسن من ما كانت

والعبرة لكل من لا يعتبر

امشي عدل يحتار عدوك فيك

وصدقني

والله لو انتا تعاملت مع الناس كلها كويس وسرعتك كويسه 80-90 اخرك ولو علي الدائري يعني 100 وترجع تاني بين ال 90-100 --
والله كل شيء تمام ومش ها يحصل سوء


وعلي فكرة (( تيل الفرامل يتغير بسرعة كل ما تحس انه بقا قديم والعربية بتزحف ))

الكاوتش اهتم بيه دايما ولازم تمشي بإستبن

البنزين والصيانة الدوريه واهتمامك بالعربية (( ربنا يحفظك ))

وشكرا

اخوكم