الموضوع: مشكلة ممكن تواجهك في اللانوس بالنسبة لدورة التبريد

المشاركة الأصلية كتبت بواسطة memoo305

1- مفهوم أن التوكيل هو الوكالة وده مصطلح دارج في الدول العربية الشقيقة وغير الشقيقة.
2- التوكيل بيغير الكاتنينة حسب الكتيب بتاع الضمان المنصوص فيه التغيير كل 40000ألف لأنه لو معاملش كده وحضرتك سير الكاتنية بتاعك اتقطع ممكن ترفع قضية عليهم وتظبطهم تعويض.
4- رقم 40000ده رقم صيانه وقائية يعني السير ممكن يقعد لغاية 80 و100 ألف كمان. بالظبط زي ما الزيت بتنزله عند 6 أشهر سواء عمل الكيلو متر المنصوص أو لا .
*ليه إحنا بنعمل الكلام ده علشان الصانع بتاع العربية قلنا لو أعدتو السير أكتر من 40000ممكن يتقطع منك في الطريق والعربية تجيب وش سلندر (وده إلي حصل ) إنما لو عملت التعليمات المنصوصة أنا هضمنلك العربية لغاية 60 أو 100 ألف
5- فعلا فيه سيور أتقطعت عند 10000 و5000 بس لو أنت في الضمات وبتعمل صيانتك فيه تروح تطلع تييييت ... في التوكيل ولو طلب الأمر تخليهم يجبولك موتور جديد (حقك أمال الضمان ليه) لو ما كنش في الضمان أو بتعمل صيانتك بره قول حسبي الله ونعم الوكيل.
6 - أيه رأيك أنه الأرخص تغير سير الكاتينة أبو 40جنية كل 40000ولا عمل وش سلندر وخراطة كل 80 أو 90 ألف.

اولاً انا بشكرك و بشكر كل الشباب على ردودهم .
تعالى نتكلم على نقطه صغيرة ان اغلبية الناس خارج الضمان .. تمام
و اللي خارج الضمان كل شوية يشيك على سير الكاتينة لانه لاقدر الله لو قطع يا باشا بموتور وقتي مش هنقول وش سلندر و صبابات .
اما الناس اللي معاها جديد فا مافيش مشاكل يمشو زي ما حضرتك قلت على المصطلح صيانه وقتية او بعدد كيلومترات محسوب بالنسبة للوكالة لان مافيش خوف هيكون من جاب المالك بإذن الله ....لان في الاخر لو حصل مشاكل لعربية جديده صاحبها هياخد حقه بالتلاتة
الهدف من الموضوع ده اني الشباب اللي خارج الضمان او شاري عربة مستعملة تاخد بالها انه مش شرط السير يعيش او يتقطع بعد كام كيلوا الاهم من ده هو متابعة صلاحية السير
و طبعاً مننساش ان فيه حاجه اسمها النصيب و القدر و كله بيد الله سبحانه و تعالى
شكراً ليك و بشكر الشباب اعضاء المنتدى

المشاركة الأصلية كتبت بواسطة m.zaher

الكتالوجات بتنصح بتغير السير عند 90 الف كيلو مش 40 الف
بس احنا بنغير عند 40 الف او اقل احوط و اضمن
فيه سير الماني اسمه كونتينتال في موقع شركته على النت بيقولوا بيتغير عند 120 الف كيلو بس طبعا مين بقى اللى عنده قلب يقعد كل ده

طيب يا جماعه انا عاوز الناس كلها تشوف كتيب المالك كويس و يشوفوا المصنع كاتب ايه بالظبط و اهو واضح في الصورة انه عند 90000
يبقا العبرة في ايه ؟؟؟؟؟ نوع السير اللي راكب ؟؟؟؟؟ ولا عدد الكيلومترات ؟؟؟؟؟
يعني انا عاوز حد يجاوبني سؤال .... خامة السير الكاتينة و صناعته ولا عدد الكيلو مترات اللي هيمشي عليها السير .... انا عاوز الشباب يجاوبوا بالمنطق

سبونا بقا من المسميات اللي بتكون مكتوبه على علب سيور الكاتيه و الصناعات الوهمية
تعالو بقا نشوف الماركات العالمية
احنا شعبنا شعب نمطي جدا ينزل نوع اي حاجه حلوة الناس كلها تشترك في الدعاية له .. احنا كلنا بنعتمد على بعض في التجار كاشعب لاننا كشعب مصر في رباط الي يوم الدين زي ما قال نبينا (ص).. لكن الجانب التاني ان ممكن الحاجه اللي يمشي وراها مجموعة مننا تودي الباقي في مشاكل لاقدر الله بسبب انه منتج عجب فرد او جماعة و انتشر السيط عليه .
تجار قطع الغيار او معظمهم ....لحسن يكون احد اعضاء المنتدى تاجر ولا حاجة ههههههههه و يزعل مني .. تجار قطع الغير محدش فينا يعرف بيخزن بضاعته فين و ازاي و تحت اي ظرف و كام سنة تخزين
طب هتقولولي نعمل ايه طيب ما نشتريش .. اقولكم لا هنشتر طبعاً و نحاول بقدر الاماكن نشتري ماركات معروفة و مانسترخصش يعني لو سير الكاتية مثلاً 150 جنيه و تركيبه 100 و ده على سبيل المثال و ليس الحصر 250 جنيه ولا وقفة عربية لحد ما تتصلح و كمان هتدفع بتاع 1500 جنيه ؟؟؟؟
المهم ناخد بالنا منه و خلاص يا شباب وانا قصدي المصلحة مش مجرد حواديت و خلاص
انا مبسوط من الموضوع جدا بصراحة و منتظر ردود أكتر
شكرا ليكم جميعاً

المشاركة الأصلية كتبت بواسطة memoo305

ياباشا كتيب الضمان إلي مع العربية بيقول تغير سير الكاتينة كل40000كم .أمشي مع المعلومات المكتوبة بواسطة الصانع في كتيب السيارة ولاأمشي مع رأي أحد الأشخاص في الوكالة؟؟

لا لا معلش افتح الكتيب تاني و اقراه كويس و ركز اووووي هتلاقي تغير سير الكتينة عند 90000

السلام عليكم

تحياتى لكم جميعا
اود توضيح نقطتين اولا بخصوص سير الكاتينه فى اللانوس بيتغير كل 40 الف كيلو و يفضل يكون الأصلى دايما
ثانيا بالنسبة لموضوح الحرارة ليها حاجات كتيره منها ان صباع الحرارة (الحساس) ممكن يكون تالف و يعطى قراءة خطأ و ده عيب بيظهر احيانا و ممكن يتعرف بسهولة و كمان احب اوضح ان ممكن لو المراوح ضعيفة و بالنسبة للمية الخضراء يفضل تكون بتستعملها على طول لإن المية العادية بعا املاح و دى بتبهدل الردياتير و احب اقول انة ممكن استخدام المياه الخارة من فايز التكييفات علشان بتكون بدون املاح