الموضوع: مشكلة ممكن تواجهك في اللانوس بالنسبة لدورة التبريد

لا ياباشا مافيش مشاكل خالص بالنسبالك في موضوع المؤشر بتاع عربيتك الموضوع ده نسبي جدا .. و طلاما انها فهلا بتقف عند قبل الخط الوسطاني في مؤشر الحرارة و ده الطبيعي في اي عربية لانوس وانا عندي كدا بردوا انها بتقف قبل الخط اللي في النص بحاجه بسيطه .... انما بقا بتسخن في 3 دقايق و 10 دقايق دي مسئلة زي ماقلتلك نسبية و حاجه ماتقلقش
بس لازم كل فترة تشيك على المية بتعتها و انصحك بالمية الزرقا .. و فعلا نتايجها هايلة و تحافظلك على الموتور من جوة و بتنظف الشوائب و الصدا من انابيب التبريد في جسم الماكينة .. و طبعاً ده كله بيروح على الرادياتير اللي بدورة بيقوم بتبريد المية و تنقيتها .. فبردو لازم كل مثلاً 50000 او 60000 ك تروح تنضف الرادياتير ... او كما تشاء
انا عاوز اقولك على حاجه مهمة .. ان اللانوس دي عربية ماشاء الله تحفة فعلاً و اللي صنعوها ابدعوا فيها
موضوع الحرارة فيها ده هايل جدا يعني انا مره المية اتبخرت كلها من الاربه و الموتور فضي خالص و مافيهوش ميه و فضلت ماشي بيها فترة وانا مش واخد بالي
و ما حصلش اي حاجة و الحمد لله و ده ستر ربنا و ده لان اللانوس اساساً عربية محترمة جدا جدا

و اي استفسار انا في الخدمة و متابع

المشاركة الأصلية كتبت بواسطة ahmedfouad

يا باشا ربنا يباركلك والف شكر على الموضوع

بس راجع موضوع سير الكتينة ده


فى عربية والدى اللانوس
السير الاصلى قطع على 80000 كم
السير الثانى قطع على 30000 كم
وعملت الوش وخلافه
واشتريت واحد جديد الراجل اكد انه يتغير على 15000 بالكتير لان اللىموجود فى السوق مضروب
وماشى بيه 5000 لحد دلوقتى

وعلى فكرة القرص بيفرق فى عمر السير جدااااااااااااااااااااااا اااااااااااً

ربنا يسترها يا باشا ان شاء الله و كان الله في العون
انا بس حابب اوضحلك عن تجربه شخصية
انا مغير اول سير عند 95000 الف كيلو و ركبت بوش الماني و دلوقتي انا عامل 140000 و ان شاء الله و ان كان في العمر بقية هيتغير قبل كدا بشوية يعني لو ربنا اطال في عمره هيكون عند 185000
انا باكدلك انك ممكن تركب سير كاتينة اصلي او لو مش قصلي يبقا ماركه معروفة زي bosch اصل انا ملاحظ ان معظم اعضاء المنتى ماشيين ورا الماركات المتداولة بس
يا جماعة احنا ليه ماشيين على نمط واحد اكننا قطار السعادة .
و بعدين روح الوكالة و اسأل قولهم سير الكاتينة بيتغير كل قد ايه و شوف هيقولولك ايه وانا واثق انهم هيقولولك 80000 طالما ان سير الكاتينة موثوق فيه و من مصدرة
على فكرة بردوا التجار في مصر اللي بيستوردوا بضاعتهم بيخزنوها غلط و ده بيأثر كتير في قطع الغيار .. و كمان هما عارفين اننا بنحب اي حاجه ببلاش كدا فابيسترخصوا و يبيعوا اي كلام × اي كلام
انا طولت عليك يا ريس معلش اعذرني .. بس انا حابب اكدلك كلامي وانا وضحت قبل كدا في موضوع مش متذكر اذا كان ده او موضوع تاني ان سير الكاتينة ممكن يقطع في اي ظرف و في اي وقت و غير محدد بكيلومترات و ده اللي حصلك في عربية الوالد
و ربنا يكفينا شر العربيات
شكراً يا غالي