المشاركة الأصلية كتبت بواسطة emo_ayman
توصل بالسلامة ان شاء الله.
امسك الدائرى اتجاه مدينة نصر-المعادى مش حلوان وخليك علطول حوالى 50-60 كم وبعدين هتلاقى نفق انزله وبعد النفق هتلاقى يفط تقول المطار 300 م سيبك وكمل علطول وانزل النزله اللى قابليها يافطة مدينة نصر-او نزلة الماظة السويس وبعد ما تنزل كمل علطول حوالى 1-1.5 كم وهتلاقى الدخلة يمين عليها كشك على الشمال لو غلس ومرضيش يدخلك يبقى سيبك منه وكمل علطول هتلاقى كوبري متطلعوش امسك يمين وامشى علطول هتطلع على الاتوستراد امسك يمين هتلاقى مدخل المطار بعد بنزينة وطنية بحوالى 60-70 م.
وانتوا راجعين ان شاء الله اسال على طلعة الدائرى من جوة المطار وده ان شاء الل هيمسكك الدائرى لحد ما توصل لنزلة الفيوم وبعد كدة الطريق الغربي اسيوط
خد بالك بقى:
النزلة اللى هتنزلها من الدائرى ملفها قاسى فخد بالك.
بعد ما تنزل خلى بالك من شمالك عشان ده طريق سريع والوصلة الصغيرة من النزلة لحد دخلة المطار اللى عند الكشك مكسرة شوية
لو هتكمل علطول لحد الدخلة التانية اللى عند الاوتوستراد خلى بالك برده عشان فى بلاعتين وحشين جدا فى النص فبلاش جري عشان الطريق مش حلو للى مش عارفه.
ولو احتجت حاجة كلمنى وتوصل بالسلامة ان شاء الله