عايز عفشجي رينو كويس من المنصورة

**rafe3_dent** · 02-07-2010 05:28 PM

سلامو عليكو

ازيكم يا وحوش الرينو

انا من المنصورة
ومعايا كليو اتوماتك 2005
وكنت عايز اشيك على العفشة لاني احيانا بسمع اصوات طقطقة كده في العربية وانا ماشي

وبرده الازاز بيعلق احيانا

لو حد يدلني على عفشجي بيفهم في الرينو هنا في المنصورة
وكهربائي برده يبصلي على الحاجات دي

لاني صعب اسافر الحرفيين في القاهرة عشان ظروف الدراسة والشغل

**Medo.Malek** · 02-07-2010 06:31 PM

اهلا برجالة المنصورة احلى ناس :)
بص يا باشا انا عندى واحد ما شاء الله يكاد يكون زى التوكيل بس للاسف معرفش بيشتغل فى رينو ولا لا لكن هو ما شاء الله شغال مرسيدس و بى ام و متسوبيشى و تويوتا و سكودا بس معرفش و الله هو شغال فى رينو ولا لا
عل العموم لو حابب تروحله و تسأل ممكن تبعتلى على الخاص و اوصفلك المكان او حتى نتقابل و نروحله سوا لو عايز

**rafe3_dent** · 03-07-2010 05:09 AM

شكرا ميدووو على ردك واهتمامك

انا بعتلك رسالة على الخاص

**elshinawy80** · 03-07-2010 03:59 PM

وليه الخاص عشان المنفعه تكون عامة

**Medo.Malek** · 03-07-2010 10:59 PM

المشاركة الأصلية كتبت بواسطة elshinawy80

وليه الخاص عشان المنفعه تكون عامة

حضرتك اعتقد دى كده دعايا و المنتدى بيمنع اى دعايا مش عن طريق الادارة و فيها عقوبات دى

على العموم لو تحب ابعتلك عنوانه على الخاص

**rafe3_dent** · 06-07-2010 05:32 PM

معلش هتعبك معايا
متعرفش كهربائي كويس
لان الولاعة بتاعتي يظهر باظت .. لان الـ modulator معدش بيشتغل وعايز كهربائي يشوف المشكلة بالظبط .. وبالمرة يصلح الكاسيت

**Medo.Malek** · 06-07-2010 09:36 PM

سلام عليكم
حضرتك انا عندى واحد متخصص فى الكاسيت كويس و شغله كويس بس غالى شوية
لكن كهربائى للاسف تجربتى مع كل كهربائي اروحله نتيجيتها الندم مش اكتر لدرجة انى كنت بمشى بالعربية بايظة عشان مروحش لكهربائى
و هابعت لحضرتك العنوان على الخاص بس حضرتك مقلتش لقيت عفشجى ولا لسة ؟

**elshinawy80** · 10-07-2010 12:12 PM

ابعتولى على لخاص يا جماعة العفشجى ة الكهربائى

**Medo.Malek** · 10-07-2010 10:35 PM

المشاركة الأصلية كتبت بواسطة elshinawy80

وليه الخاص عشان المنفعه تكون عامة

المشاركة الأصلية كتبت بواسطة Medo.Malek

حضرتك اعتقد دى كده دعايا و المنتدى بيمنع اى دعايا مش عن طريق الادارة و فيها عقوبات دى

على العموم لو تحب ابعتلك عنوانه على الخاص

سلام عليكم حضرتك انا تابعت المنتدى الفترة اللى فاتت و لقيت الناس بتكتب العنوان عادى و مفيهاش عقوبات ولا حاجة يا ريت حضرتك تعذرنى

و انا هاكتب العنوان هنا
ده عنوان العفشجى
لو جاى من شارع عبد السلام عارف من ناحية الاستاد و رايح ناحية المرور هاتطلع الكوبرى و هاتنزل و هاتعدى اول
يوترن شمال و هاتدخل فى اللى بعده و ترجع و هاتلاقى على اليمين معرض ل شفرولية تقريبا و اوبل (منصور ) و بعديه على طول شارع داخل يمين هاتسيب الشارع ده و هاتخش فى اللى بعديه يمين برده و هاتاخد الشارع لاخره هاتلاقيه كله ورش و صنايعيه هاتمشى لاخره خالص هاتلاقى على يمينك ورشه راكن فيها عربيات اغلبها المانى هاتتأكد ان دى ورشة رضا حامد و احمد حامد و بكده تبقى حضرتك وصلت بالسلامة

و ده عنوان واحد بتاع كاسيت كويس

حضرتك هاتمشى فى شارع حسين بيه للاخر لحد ما توصل لمفترق الطرق اللى عند موقف التلاجة اللى هو لو دخلت يمين هاتروح للجمعية الشرعية و لو دخلت شمال و لفيت و رجعت هاتلاقى محل كماليات معروف اسمه هادى الفلاح
حضرتك مش هاتدخل يمين ولا شمال حضرتك هاتوصل مفترق الطرق ده و هاتقف هاتلاقى قدامك على طول على ايدك الشمال محل اكسسوارات سيارات مش فاكر اسمه الصراحة وقبله على طول محل صغير ملوش اسم تقريبا و حاطط سماعات و كاسيتات فى الفترينه .. هو ده
و عشان تتأكد هاتلاقى قصاد بتاع الكاسيت ده محل جنوط كبير واخد الناصية اللى قدامه على طول
و بالتوفيق ان شاء الله
((((((ملحوظة مهمة جداجداجدا))))))) انا معرفش الناس دى شغالة فى الرينو ولا لا يا ريت حضرتك تسأل الاول و لو الاخ رافع دينت ( اعذرنى لو كتبت الاسم غلط ) صاحب الموضوع جرب الناس دى يا ريت يقول هما كويسين ولا لا ..