جالي تقريبا مزق ومش عارف اعمل ايه

انا بقالي فترة بعمل تمارين علي رجلي ومنها تمارين الاستطالة و مرونة وحاجات كده

المهم يوم السبت الي فات كنت في اسكندرية ولما طلعت من البحر قعدت اعمل شوية تمارين

المهم كنت قاعد ورجلي اليمين مفرودة قدامي علي الاخر والشمال متنية

وبنزل براسي لحد ما تلمس ابعد من ركبتي شوية في اتجاه القدم

انا بعمل التمرين دا قبل كده ولسه عامله قبل اليوم دا بيوم او اتنين

وببقي حاسس بالام بس الم طبيعي ومش جامد

بس فجاءة حسيت بالام جامد في العضلة الخلفية

فا طبعا اتعدلت وبطلت بس الالم فضل موجود علي خفيف ويومها بليل حطيت علي رجلي كريم Moov

والالم خف كتير

بس لما اجرب اعمل اي تمرين عليها بحس بالم

وكده بقالها اسبوع تقريبا

وانا تقريبا عمر ما جالي شد عضلي قبل كده فا مش عارف بيبقي عامل ازاي

وما اعتقدش انه بيقعد الفترة دي كلها

ومش عارف انا رجلي كده فيها ايه ولا اعمل ايه

والي مضايقني اكتر مش عارف اعمل اي تمارين وكده بيضيع اي حاجة وصلتلها

ياتري دا مزق فعلا ولو هو كده اعمل ايه وهيروح بعد قد ايه

معلش انا طولت اوي بس قولت علشان تبقي المشكلة واضحة

الشد العضلي (muscle contracture)
incomplete muscle relaxation
يعني
الشد العضلي هو إرتخاء(بعد إنقباض) غير كامل
وده بسيط وكلنا مرينا بيه قبل كده....ياسلام عليه بقا لما كان بيجيلي في أطراف صوابع رجلي في حمام السباحة
كان بيبقا لوووووووز ..


ده أكيد مش شد عضلي..علشان الشد العضلي بيروح بعدها على طوووول
الأفضل
إنك تستشير دكتور علاج طبيعي ...أو المتخصص

اقتباس:

---

المشاركة الأصلية كتبت بواسطة a7med_pharma

الشد العضلي (muscle contracture)
incomplete muscle relaxation
يعني
الشد العضلي هو إرتخاء(بعد إنقباض) غير كامل
وده بسيط وكلنا مرينا بيه قبل كده....ياسلام عليه بقا لما كان بيجيلي في أطراف صوابع رجلي في حمام السباحة
كان بيبقا لوووووووز ..


ده أكيد مش شد عضلي..علشان الشد العضلي بيروح بعدها على طوووول
الأفضل
إنك تستشير دكتور علاج طبيعي ...أو المتخصص

---

انا المشكلة بقي الي فيا

ان دماغي ناشفة ولا بحب اروح لدكتور ولا اخد كيمياء خالص ( دواء يعني )

مع كامل احترامي طبعا لكل الدكاترة واولهم انت يا دكتور احمد

بس ربنا يستر بقي

طب هقولك

إنزل الصيدلية هات حاجة إسمها (أمبيزيم ..أقراص)أو (ألفنترن ..أقراص)
وتاخد قرص 3 مرات في اليوم مع كريم مووووووووف إلي إنت بتستخدمه
وإن شاء الله هتجيب نتيجة كويسة جدااااااا

أظن الموضوع هنا غير مفتوح لردود الأطباء

اقتباس:

---

المشاركة الأصلية كتبت بواسطة Dr Ahmed

أظن الموضوع هنا غير مفتوح لردود الأطباء

---

:ma::ma::ma:

إعتبرني ماقولتش حاجة يا abdo - general

لا يُفتى والدكتور أحمد في المنتدى







.
.
.

اقتباس:

---

المشاركة الأصلية كتبت بواسطة dr ahmed

أظن الموضوع هنا غير مفتوح لردود الأطباء

---

لاء يا دكتور احمد ازاي
انت فهمتني غلط
انا قولت مش بحب اروح للدكاترة مش بكرهم ولا في عداء بيني وبينهم طبعا

بس تقدر تقول خليط من كسل علي حاجات كتير

وعلشان كده بستشير دكاترة المنتدي هنا

و سوري لو كلامي اتفهم بمعني تاني

اقتباس:

---

المشاركة الأصلية كتبت بواسطة a7med_pharma

طب هقولك

إنزل الصيدلية هات حاجة إسمها (أمبيزيم ..أقراص)أو (ألفنترن ..أقراص)
وتاخد قرص 3 مرات في اليوم مع كريم مووووووووف إلي إنت بتستخدمه
وإن شاء الله هتجيب نتيجة كويسة جدااااااا

---

تمام يا دكتور احمد

ان شاء الله هجيبه

وشكرا علي نصيحتك

ومعلش تعبتك

اقتباس:

---

المشاركة الأصلية كتبت بواسطة abdo_general

لاء يا دكتور احمد ازاي
انت فهمتني غلط
انا قولت مش بحب اروح للدكاترة مش بكرهم ولا في عداء بيني وبينهم طبعا

بس تقدر تقول خليط من كسل علي حاجات كتير

وعلشان كده بستشير دكاترة المنتدي هنا

و سوري لو كلامي اتفهم بمعني تاني

---

أنا فهمت كلام الدكتور أحمد بطريقة تانية
أنا فهمته -والله أعلم- إن الدكتور أحمد مش بيحب الصيادلة يفتوا في الطب
أنا مش بفتي والله
أنا بتكلم من واقع التعامل مع الحالات دي أيام ماكنت بلعب ملاكمة زمااااااااان
ومن واقع خبرتي اليومية مع عشرات الروشتات من أطباء مخضرمين


وعذرا يادكتورنا الكبير
لا يُفتى ومالك في المدينة

ربنا يكرمكم بس أنا مش مالك ولا حاجة
حضرتك محتاج استشارة د عظام لاحتمال وجود تهتك فى أحد الأوتار
وفى كل الأحوال محتاج راحة من التمرين ومن المشى الكتير لعدة أسابيع مع أى مسكن مضاد للإلتهاب تبع قوة الألم