الموضوع: مخالفات مرور عكس اتجاه

المشاركة الأصلية كتبت بواسطة youssef_elgbaly

السلام عليكم انا طالب منكم بس تقولولى اعمل ايه
انا من الاسكندرية وكنت شارى تاكسى لادا 2105 من واحد وجبلى شهاده مخالفات االمهم اخد منه شهادة المخالفات وقفلت بيها الدوسيه فى المرور وطبعا بعد دفع الضرائب ومؤسسة العربية بس عطونى تصريح علشان اغير اللوحات اللى هيا النمر علشان مافيش لوحات دلوقتى فى المرور وقالولى لازم تجيب شهاده مخالفات جديده
روحت اطلع شهادة مخالفات وقولت يارب مايكونش ليها حاجة لاقيت عليها مخالفة سير عكس اتجاه بتاريخ 30/1/2010
وانا شارى العربية من 2/2/2010
يعنى امخالفاة عكس اتجاه + حزام امان =1300 جنيه بس مش مخالفتى ديه طلعت على انا اشتريت منه العربية مخالفة بتارخ قبل ماشتريها بى 3 ايام عملها تخفيض وصلت 1150 جنية ومش عارف اخش لوكيل النيابة علشان اقوله انا شارى العربية من 2/2/2010
يعنى صاحبها اللى انا اشتريتها منه هو اللى يدفعها قمت متصل بصاحبها وقلتله انت عليك مخالفة بتاريخ 30/1/2010
وانا شارى العربية من 2/2/2010 يعنى انت ملزم تشتريها قالى طيب سيبنى وهابقى اتصل بيك واتصلشى قمت رايحله المحل بتاعه وقابلته قالى ماليش دعوه انا جبتلك شهاده مخالفات قولتله ممكن تبقى مزورة مش معنى جيت عليك واحده تانية وانت بتقولى خلصت المخالفات المهم اخرت الكلام قولتله هاروح اعملك محضر فى القسم انا معايا ورق بتارخ العربية وماليش دعوه بالمخالفة ديه قالى سيبنى طيب 4 ايام هاتصل بالسواق اللى كنت مشغله عليها وانا كاتب عليه وصل امان وهادفعه قولتله ماشى ياريت تيفيدونى انا لسه جديد وشريت التاكسى دده ودفعت كتير ولسه طالع من عمرة ماتور وعمرة سيارة سمكرة وكلوا والله العظيم انا كنت بقول اجرب المشروع ده سنة بس انا حاسس لغاية دلوقتى ان مخنوق قولولى اعمل ايه مع الولد ده صاحب العربية وانا كده صح ولا غلط ولا لو قالى بعد كده اعمل محضر هل الشرطة هاتخليه يدفعها ولا لا وانا معايا اوراق عقد ابتدائى اصلى + صورة توكيل +صورة تسجيل السيارة باسمى فى الشهر العقارى افيدونى افادكم الله

اولا حاتصور عقد البيع
ثانيا حاتروح المرور و تطلب تعمل معارضة وده طلب بتقدمه و من حقك و بيمشوه على طول .. يعنى مش اجراءات كتيرة
ثالثا حايتحدد لك جلسة فى مدة من شهر الى 3 شهور و حايدولك تصريح تمشى بيه
رابعا حاتدخل للقاضى و حاتوريله المستندات اللى معاك و مشكلتك حاتتحل بطريقتين
1: يشيل المخالفة من عليك
2: يطلب لجنة فنية و يحول المخالفة على صاحب العربية باسمه كشخص .. زى مخالفات اشغال الطريق مثلا

ملحوظة:
اوعى حد يشتغلك وقولك هات مثلا 300 جنيه و انا اشيلها لك لان المخالفات الجديدة بتبقى على الكمبيوتر و مش بتتشال .. انما اللى حايعمله انه حايجيب لك شهادة مخالفات مش موجودة فيها المخالفة لان فى الواقع هو رحلها لك و حتلاقيها عند التجديد

عيب لما تشسكرنى لان مافيش شكر بين الاخوات