الساده الافاضل الزملاء بالمنتدى اخوكم معروض عليه لانسر 2005 سبورت بحاله ممتازه و عامله 47 الف كيلو وصاحبها طا لب 82 الف بس بعد الفصال استقرينا على 79500 فهل السعر ده كويس ولا لا وفييه سؤال تانى لما شوفت الرخصه وجدت رقم الموتور 350 و الشاسيه رقمه 100 كده بس فهل ده طبيعى و لا اييه ؟؟ افيدونا افادكم الله
نسيت اقول انها مانيوال 1300 ضمان الوكيل
ازاى سبورت 1300؟
1300 الجديدة تمنها من 79500 لحد 85000 (على حد علمى)
و عاملة 47 فى سنتين يعنى استعمال فوق المتوسط
بأى حال غالية جداااا
حط 4 أو 5 زيادة وهات جديد
أم لو 1600 اوتوماتيك فالسعر يبقى معقول
و الله أعلم
الموديل الاسبورت ال 1300 المانيوال نزل فى 2004 و 2005 بس وبعد كده الوكيل نزل الاسبورت 1600 اوتوماتيك بس اما ال1300 فاصبحت عاديه من غير فتحه السقف و العتب و الجنوط
لاء غالية برضه
تجيب جديدة بضمان خليجي ب 82 احسن
واسمها زيرو
اكيد غالية .. كان فى واحدة معروضة قدامى موديل 2005 1600 سبورت فيها كل حاجة و اتباعت بـ 84
انا شايف انها غاليه بس حضرتك لو مقتنع بيها اتوكل على الله علشان اهم حاجه تكون مستريح للعربيه
وربنا يوفق حضرتك للي فيه الخير
هى كدة مش سبورت بقى طالما هى 1300 CC
ومتيهألى انها كدة غالية
كتير عليها المبلغ ده , كمل حاجه بسيطه وهاتها جديده أحسن و أضمن .
الاخوه الافاضل اللى ردوا على الموضوع لهم جزيل الشكر و التقدير و جزاكم الله كل خير
انا حاسس ان فيه بعض الزملاء مش عارفين ان فيه 1300 سبورت لذلك مرفق صوره للسياره زى اللى انا باتكلم عليها بالضبط و فيها الجنوط و الاسبويلر و العتب و فتحه السقف