النهاردة كنت بغير الاستبن بتاع العربية (لانسر 2001 ..1300 سي سي)
وبربط جامد على الصامولة ...المسمار إتكسر:b4_388:
والفردة الي قدام دلوقتي ماشية على 3 مسامير ..
طيب المسمار إلي إتكسر ده ..حله إيه؟؟؟؟؟
وشكرا جداااااااااا
.............
عرض للطباعة
النهاردة كنت بغير الاستبن بتاع العربية (لانسر 2001 ..1300 سي سي)
وبربط جامد على الصامولة ...المسمار إتكسر:b4_388:
والفردة الي قدام دلوقتي ماشية على 3 مسامير ..
طيب المسمار إلي إتكسر ده ..حله إيه؟؟؟؟؟
وشكرا جداااااااااا
.............
ما فيش اى مشكلة اى ميكانيكى هيفورة لك و دة سهل خالص مافيش مشكلة و بيركب واحد جديد . موضوع سهل ما تقلقش
ربنا يكرمك...طيب المسمار ده بييجي منين؟؟؟؟
الموضوع ده أول مرة يحصل معايا....وأنا كنت قلقان أحسن يقولي هنغير الحتة على بعضها
أنا مش ناقص الأيام دي
كل يومين يطلعلي حاجة
الإسبوع الي فات غيرت المساعد الامامي بعد لما أكلت مطب لوووز
المساعد ضرب بعدها بإسبوع ...ورجعت إتخانقت مع صاحب المحل الي انا مشتريه منه..وطبعا لا حق ولا باطل
المسمار بيتباع عند محلات الاكسسوار بتاع السيارات و هتلاقية ان شاء الله و الموضوع هياخد منك ساعة بالكتير ان شاء الله و معلش اللى يجى فى الريش بقشيش يا د/ احمد
شكراااااا هشام باشا
اتقطم علشان حاجه من الاتنين
1\ خامه سيئه
2\ فكيت وربط والمسمار كان سخن او غيرته اثناء مشوار
واى خراط يفكه وانت واقف
احمد باشا
انت هتروح للميكانيكي عادي جدا
انا حصلي مرتين الموقف ده
عادي المسار عموما ب 5 جنيه
هيفك الفرده
و بيفوه من ورا الطنبوره في ربع ساعه
و الميكانيكيمش بياخد اصلا فيها اكتر من 15 جنيه
و خير يا ريس متقلقش
شكرا ياكبير
أنا برضو عرفت من الميكانيكي إنه بيتكسر بسبب السخونة ..أو غسيل العربية وهيا سخنة..والطنبورة بتبوظ من نفس السبب برضوووو
شكرا يامعلم
إن شاء الله بكره أنزل أغير الــ8 مسامير إلي قدام مرة واحدة للأمان
لآ يا دكتور
بلاش تغير باقى المسامير انت غير المكسور بس لآن المسامير الباقيه احتمال كبير انها تكون بتاعة الفابريكه وخامتها هتكون افضل من اللى هتشتريه فى جميع الاحوال
ولما تروح للميكانيكى خليه يركبه بنفسه علشان المسمار ده بيكون فيه مشرشر من اخره ولازم يركبه على مثيله فى الطمبورة
ويستحسن انك تحل القديم الاول وتاخده معاك وانت بتشترى الجديد عشان المشرشر ده بيختلف فى الاحجام عن بعضه