الموضوع: فكره ممكن نفكر فيها مع بعض؟

اعتقد الفلتر الشفاف ده هاينفجر من الحراره عاوزين حاجه تاني

السلام عليكم و رحمة الله و بركاته
احب اضيفلكم يا شباب ان اساساً عملية الاكسدة كده كده هتحصل و بعدين الفلتر اساساً فكرته غلط لان لو جينا بصينا على دورة المية نلاقي خط سير المية كالتالي على التوالي ( اربه - موتور - ترموستات - رادياتير - ثم اخيراً اربه و موتور بمعنى خرطوم رايح على الاربة و خرطوم تاني رايح على الموتور) .
طيب الصدا و الاكسيد بيجي منين ؟؟؟؟
اولا : زي ما احنا عارفين ان مرشح الرادياتير ده عبارة عن انابيب نحاسية من الداخل .
ثانياً : انابيب التبريد داخل الموتور هي خليط من حديد زهر و الومنيوم علشان يحافظ على سرعة تبريد ذاتيه .
الصدا بيجي نتيجة البخر الداخلي للمياه مع العوامل الجوية الطبيعية ... و طبعاً احنا على طول بنفتح الاربه و بنشوف مستوى المية فا فيه نسبة هوا بتدخل ده بقا ناهيك على ان فيه ناس بتستعمل مياه عادة خالص و ده بيسرع من عملية الصدأ لان المفروض ان المية اللي تتزود تكون ميه مقطرة زي المية الخطرا مثلاً.
عموماً بردوا علشان نوضح ان المية الزرقا هي ميه عادية بردوا لكن مقطرة و مضاف اليها مواد كيميائية وظيفتها الاساسية انها تساعد في عملية التبريد في البلاد الحر و عدم التجمد لمياه الريادياتير في البلاد الباردة .
انما فيه بقا كدا زي علبة شوفتها بره مصر عاملة زي علبة الكانز و بيتحط محتواها في الرادياتير مع دورة الماية لمدة كام يوم بس و بعد كدا بتفتح الرادياتير تنزل المية اللي فيه كلها و تحط عادي ميه خضرا او مايه حمرا و دي بتكون غالية شوية .. المادة دي فعلاً بتزيل الصدأ ولكن ما بتشيلش الرايش بتاع الصدأ اللي بيكون في كامل دورة التبريد و خصوصاً الرادياتير هي بس بتفتح مسالك المية و تشيل الاوكسيد.
طيب نيجي بقا لموضوع الفلتر اللي حضرتك وضعت فكرته .... اساسا الرادياتير وظيفته بردوا انه يحجب اي حاجة داخلاله و علشان كدا فني الرادياتير بيفتحه بس ساعة التنظيف من الناحية اللي جاية من الموتور و بيسيب الناحية التانية مابيفتحهاش فا بتلاقي كل البلاوي متركزه بس في الناحية اليمين من الرادياتير و الناحية الشمار نضيفة تماما غير من شوية تجير كدا من الصدا .
ولذلك صانعي السيارات اساسا لو شيفين ان لازم يتركب فلتر كانوا عملوه
ارجو ان اكون افادتك
و شكرا لكل شباب المنتدى

المشاركة الأصلية كتبت بواسطة mmamdouh

الرادياتير فى الدايو مش نحاس و مفيش هوا داخل دورة التبريد الا شوية الهوا اللى على وش المية فى القربة

mmamdouh

معلش يا صاحبي مين قال لحضرتك انه مش نحاس بس علشان عاوز اتعرف الراجل الجامد ده؟؟؟؟ حضرتك فتحت رادياتير قبل كدا و شوفت مواسير الترشيح من جوة ؟؟؟

و بعدين يا باشا شوية الهوا دول انت بتستهون بيهم ؟؟؟ طيب ممكن حضرتك تقولي الصدا و الاكسيد دول جم منين ؟؟؟؟ و ايه السبب في حدوث صدا داخل دورة التبريد ؟؟؟؟


شكرأ ليك و منتظر ردك