الموضوع: كسرت المراية, والحمد لله...

المشاركة الأصلية كتبت بواسطة slim_shika

احب اعتذر الأول عن التواجد القليل, بس ملحوقة إن شاء الله..

بدون مقدمات ماشي امبارح في أمان الله مروح من شارع الهرم بعدي من على يمين مكروباص علشان الاقي بني آدم بيجري أدامي, اللي لحقت أعمله إني افاديه بالجمب مع فرامل.:_alshmokh08[1]:

المراية الشمال القاعدة بتاعتها اتكسرت, واحد صاحبي نصحني إني الحمها, أنا كنت بفكر في إني اغير القاعدة, بس مش عارف في حاجة كده أساسا ولا لأ.

المهم أنا نازل بكرة عند الراجل ده هو في شارع البحر الأعظم, طبعا هاوافيكو بالتفاصيل علشان لو حد حب يصلح بعد كده.

سليم باشا الف حمدلله على سلامتك,انا نفس الموقف حصل معايا بالضبط بس كانت المرايه اليمين,القاعده برضو ونزلت شارع دمش اسئل ونزلت التوفيقيه علشان كنت عايز اجيب القعده ملاقتش لحد لما واحد صاحبى دلنى على واحد بتاع فيبر لزقهالى وشغاله زى الجديده,مفتكرش هتلاقى القاعده,دور على حد بتاع فيبر يلحمهالك احسن

تحياتى

الف سلامه وعليك والحمد لله انها جت على قد كده
نصيحه مني لكل السريونيه حاولو تروشو المفصله بتاعة المرايه الي بتخليها تلف ب w40 علشان تبقه سلسه وتتطبق بسهوله
لانها ناشفه جدا واي خبطه فيها بتكسرها بدل ما تتنيها
انا رشيت المفصله ب w40 والحمد لله من ساعت ما علمتها لتخبطت مني كتير جدا بس كل الخبطات بتخليها تتطبق بدل ما تتكسر لاني بعد ما رشتها بقة خفيفه جدا وسهله جدا انها تتطبق
وعلشان تروشوها لازم تفك الكفر الخلفي للمرايا الي بلون العربيه ومن خلال الفتحات الي ورى الغطى ده هتشوف المفصله وجه البخاخ الرفيع من الفتحات واديها كام رشه وحركها ورى وقدام هتبقى زي الحلاوه

المشاركة الأصلية كتبت بواسطة M.Mosaad

قدر الله و ما شاء فعل
المهم انك سليم و كويس ان جه في الحديد

الحمد لله

شكرا يا أستاذ مسعد و الحمد لله طبعا على كل حاجة, كويس إنها جت في مراية.

المشاركة الأصلية كتبت بواسطة GMakram

سليم باشا الف حمدلله على سلامتك,انا نفس الموقف حصل معايا بالضبط بس كانت المرايه اليمين,القاعده برضو ونزلت شارع دمش اسئل ونزلت التوفيقيه علشان كنت عايز اجيب القعده ملاقتش لحد لما واحد صاحبى دلنى على واحد بتاع فيبر لزقهالى وشغاله زى الجديده,مفتكرش هتلاقى القاعده,دور على حد بتاع فيبر يلحمهالك احسن

تحياتى

ومنكم نستفيد يا جورج, وفرت عليا المشاوير. أنا نزلت عند الراجل اللي قلتلكم عليه لقيته قافل وهيفتح يوم التلات. :S

المشاركة الأصلية كتبت بواسطة hitham_sh

الف سلامه وعليك والحمد لله انها جت على قد كده
نصيحه مني لكل السريونيه حاولو تروشو المفصله بتاعة المرايه الي بتخليها تلف ب w40 علشان تبقه سلسه وتتطبق بسهوله
لانها ناشفه جدا واي خبطه فيها بتكسرها بدل ما تتنيها
انا رشيت المفصله ب w40 والحمد لله من ساعت ما علمتها لتخبطت مني كتير جدا بس كل الخبطات بتخليها تتطبق بدل ما تتكسر لاني بعد ما رشتها بقة خفيفه جدا وسهله جدا انها تتطبق
وعلشان تروشوها لازم تفك الكفر الخلفي للمرايا الي بلون العربيه ومن خلال الفتحات الي ورى الغطى ده هتشوف المفصله وجه البخاخ الرفيع من الفتحات واديها كام رشه وحركها ورى وقدام هتبقى زي الحلاوه

تصدق فكرة حلوة جدا, علم وجاري التنفيذ , شكرا يا أستاذ هيثم.

المشاركة الأصلية كتبت بواسطة askoda

Sorry for your Mirror and isA you'll fix it soon

Thanks Haitham for your Advice

Thnx mate, really appreciate ur concern..

المشاركة الأصلية كتبت بواسطة osama_alam

انا مره اتكسر عندي مش القاعده لأ قلب المرايه نفسها وحولت الحمه عند بتاع فايبر اتكسر تاني وداني والدي لواحد يعرفه صنايعي جامد فك المرايه وطلع القلب المكسور وصب واحده شبها عند خراط عبارة عن تعشيقتين في بعض فبقت زي الجديدة وحديد احسن من الفبر

المهم انا ببص عنده لقيت ما شاء الله عنده تشكيلة قاعدات مريات من كل صنف ولون عربيات ماتركس ولانسر ولو معندوش بيقدر يعمل زي اللي موجود في العربية وحديد مصبوب زي الفبر في الشكل بس متينه

الراجل في الاسكندرية بس ممكن تشوف حد بيعمل الموضوع ده في القاهرة

أنا أول مرة أعرف إنه ممكن يصب وش المراية, ده الدنيا تقدمت جدا, أنا هسأل على الحوار ده لما أروح للراجل يوم التلات.

شكرا يا أستاذ أسامة.