عرض للطباعة
السلام عليكم ورحمة الله وبركاتة
اصدقائى الاعزاء
انا كنت مسافر العين السخنة ودى اول مرة اروحها الحقيقة وكنت عايز اعرف احسن مكان اروحة هناك اية
وهيتكلف كام (رسم دخول ومشروبات وكدة) لرحلة يوم واحد طبعا
فى نزول بلاج ولا؟
وينفع دخول مشروبات من برة ولا ؟
وهل فى شاطئ تبع القوات المسلحة لانى اعرف ان شواطئ القوات المسلحة انظف شواطئ
وشكرا جدا ليكم
في عندك شاطئ الفيروز تبع القوات المسلحة وهو معروف أوي ورسم الدخول 40 جنيه الفرد ممنوع دخول حلل وشباشب وجلاليب واحتمال أروح يوم الجمعة
معلش يا باشا هو اسمه الزهور مش الفيروز
ممكن بورتو السخنة الدخول ببلاش بس بشرط تكون داخل تقعد في مطعم او كافيه جوا
hhhhhhhhhاقتباس:
المشاركة الأصلية كتبت بواسطة hany_roland
بص يا زعم
السنة دى كلها انا مقضيها فى العين السخنة
بس نص العين السخنة
وبعض الاماكن تحديدا لانى من عشاق السنوركل او الغطس الحر
وهقولك على تجربتى
اولا لما تخلص طريق القطامية العين السخنة خد يمين كانك رايح الغردقة
بعد حواى 8 كيلو فى شاطى اسمة جينكو هو علطول زحمة والى حد ما شعبى وسعر دخول الفرد 15 ج
بعد كدة فية قرية بعدة بحوالى 10 كليلو رسم الدخول فيها 110ج شامل وجبة غداء بس مكان نظيف
بعد كدة بحوالى 10 كيلو تانين هتلاقى شاطى بسيط ومتواضع (على قد حالة) وتقريبا رسم الدخول 10 او 15 ج
بعد كدة هتوصل لبورتو السخنة وبصراحة انا معرفش سعرة
بعد بورتو السخنة ب 5 كيلو هتلاقى شاطى على يسارك طولة حوالى كيلو وفية اكثر من ميزة بالنسبة لى
1- رسم الخول 40ج للفرد (ممكن تفاصل وخش ب 30 عادى زى ما انا عملت)
2- انك بتدخل بعربيتك لحد جنب الشمسية اللى بتنزل عنها
3- بين الشمسية والاخرى مسافة 10 متر تقربا يعنى فية خصوصية
4- مالهموش دعوة بالاكل والشرب (براحتك)
5- مفيهوش اى زحمة ورايق
اما عن الجانب الاخر من العين السخنة (بعد ما تخلص طريق القطامية العين السخنة وتخش شمال)
فانا بصراحة معرفش عنة حاجة
نصائح هامة للمصيف فى العين السخنة اذا كنت مبتدأ
1- كل الشواطى التى ذكرتها مليئة بالشعاب المرجانية (لا تنزل حافى القدمين ابدا)
2- من وجهة نظرى الشخصية كل هذة الشواطى لا تصلح للتصييف العادى( بحر ولعب وعوم...الخ) وانما تصلح فقط لهواة السنوركل ومشاهدة الشعب المرجانية فهى متعة فعلا او لمن يمارس هواية الغطس الحر
3- ظاهرة المد والجزر تحدث فى نهاية اليوم فيمكنك ساعتها روية الشعاب المرجانية لو استأجرت بدال او ما شابة ورؤية بديع صنع اللة من الشعاب والاسماك بجميع الالوان
4- انا لا انزل فى شاطى لا تكون فية شعاب مرجانية لذا فانا لا اعرف عن الشواطى الاخرى شيئا
ارجو ان اكون قد افدتك قدر المستطاع
وارجو ممن ذهب الى الجانب الاخر من العين السخنة ويعر ف شواطى نظيفة واهم شيى بها شعاب مرجانية ان يذكرها فى هذا الموضوع
اقتباس:
المشاركة الأصلية كتبت بواسطة hany_roland
كلام سليم
وأضيف لذلك
ممنوع دخول الملتحين (من لهم شعر على وجوههم)
ممنوع دخول المنتقبات (من تغطي وجهها)
عمي راح شاطيء قوات مسلحة وكان مسافر بجلابية منعوه من الدخول قام قالع الجلابية على الباب ودخل
متابع -----
متابع
متابع
رغم ان الموضوع قديم
لكن السؤال متجدد كل صيف
وكل سنة
اروح فين فى العين السخنة
على العموم بالنسبة لاى عضو هيسأل نفس السؤال فى اول الصيف من كل سنة
شوف الموضوع دة
فية اجابة لكل حاجة
http://www.nilemotors.net/Nile/354967-a.html