سؤال للزملكاوية ...هل فرحانين بالحضري؟

**ganash** · 03-07-2010 02:17 PM

عبد الواحد السيد افضل من الحضرى بكتير وانا مش موافق انه يلعب فى الزمالك واعتقد ان عبد الواحد مش هيفضل فى الزمالك

**aliabutaleb** · 03-07-2010 05:04 PM

المشاركة الأصلية كتبت بواسطة NoRmAl

دا كدا كويس جدا لكل أهلاوى على فكره
ولو أنا عايز أضرب الزمالك فى مقتل كأهلاوى مكنش ذكائى هيقودنى لفكره جهنميه زى دى
أنما ربنا يخليلنا مسئولين الزمالك بقى الغباء فى صورته الخام

نفس اللي بيقوله بالحرف كتير من جمهور الزمالك على قرار التجديد لحسام البدري من مجلس إدارة الأهلي

**Abo_Lina** · 03-07-2010 05:22 PM

الحضري كحارس أحسن من عبد الواحد طبعا لا جدال في كده ..
الحضري من أفضل ٥ حراس مرمى في العالم و كاس العالم الحالي أكبر دليل ..
لكن أنا كزملكاوي مش مبسوط بالصفقة ..و بعدين ٣٨ سنة و عقده ٣ سنين ..ليه

**أبومعاذ** · 03-07-2010 05:30 PM

المشاركة الأصلية كتبت بواسطة ecybrarian

معلش اقبلوا تعليق واحد اهلاوي في موضوع للزمالكوية

على فكرة أنا كمان اهلاوي بس عايز أعرف رأي أخوانا الزملكاوية في صفقة الحضري

المشاركة الأصلية كتبت بواسطة أبو حمزة

نفس اللي بيقوله بالحرف كتير من جمهور الزمالك على قرار التجديد لحسام البدري من مجلس إدارة الأهلي

عندهم كل الحق

**ehabbasha30** · 04-07-2010 03:20 PM

المشاركة الأصلية كتبت بواسطة normal

دا كدا كويس جدا لكل أهلاوى على فكره
ولو أنا عايز أضرب الزمالك فى مقتل كأهلاوى مكنش ذكائى هيقودنى لفكره جهنميه زى دى
أنما ربنا يخليلنا مسئولين الزمالك بقى الغباء فى صورته الخام
الحضرى هو القنبله الموقوته الى هتجيب نادى الزمالك الارض
ونفسى ربنا يرضى عن النادى دا ويرزقوا بمسؤلين عندهم أدنى درجات السنس ومبادىء التفكير وحل المشاكل
الزمالك ماشى يلم فتات الاهلى ولو معرفش يعمل حاجه يقول طب أشوف أيه ممكن يغيظوا
ربنا يكون فى عون الزمالكويه على الاداره المخزيه دى

برجاء احترام مشاعر الآخرين

**mr_sameh** · 04-07-2010 04:51 PM

بصراحه السئ في الزمالك الاداره الضعيفه جدا امام العقيد واخوه الصحاف

hh · 04-07-2010 05:24 PM

سؤال للأهلوية, انتوا ايه اللي مضايقكوا؟؟

أنا شخصيا مقتنعة جدا بانضمام الحضري, أحسن حارس مرمى في مصر و أفريقيا و واحد من أحسن الحراس على مستوى العااااااالم. أيه اللي يخليني مش مبسوطة انه ينضم لفريقي؟؟

السن؟؟ حارس المرمى ممكن جدا يستمر لغاية 41 - 42 سنة, و الحضري ما شاء الله عليه لياقته و مستواه في أعلى حالاتها. هو حيبقى عمره 38 سنة في يناير لما يبتدي ان شاء الله يلعب بعد الايقاف يعني يقدر يدي سنتين تلاتة كمان.

زعل عبد الواحد السيد؟؟ معلش يعني لو النادي رفض يجيب أحسن لاعب في مركزه عشان اللي بيلعب في نفس المركز مش عايز منافسة يبقى أكبر تهريج. و احنا ما صدقنا الادارة تبتدي تقف موقف حازم مع أسلوب لوي الدراع ده. و بعدين هو ايه اللي يزعل عبد الواحد أصلا؟؟ ده عنده فرصة ذهبية انه يثبت نفسه مش بس في الزمالك لأ في المنتخب كمان و يقعد الحضري و ياخد مكانه لأنه حيلعب أساسي الدور الأول كله سواء مع الزمالك أو مع المنتخب. و الله بعد الدور الأول لو هو قدر يثبت انه يستحق يلعب أساسي على الحضري, نبقى كسبنا أتنين حراس مرمى ملهومش حل, مقدرش يسد و الحضري رجع حيلعب أساسي و يبقى تفكير سليم ميه في الميه انك تدعم المركز بالأحسن. حتى لو عبد الواحد راح الأهلي زي ما الأهلوية بيتمنوا - و أنا ماعتقدش أبدا ان ده حيحصل - فبرضه كدة الزمالك كسبان انه عنده الحارس الأقوى فنيا.
و على فكرة اللي بيقول عبد الواحد عمره في الملاعب أطول, أحب أفكره انه عبد الواحد من اللاعيبة اللي بتتصاب كتير. و موضوع العمر في الملاعب دي بتختلف من لعيب للعيب, يعني حازم أمام مثلا معتزل بقاله سنتين و قبلها سنتين تلاتة مستواه في الأرض, عكس واحد زي أحمد حسن اللي بيلعب لغاية دلوقتي و لياقته كويسة جدا رغم انه أكبر من حازم في السن. فمش شرط ابدا ان الحضري يعتزل قبل عبد الواحد لأن عبد الواحد برضه عنده 34 سنة يعني مش صغير.

بخصوص بقى موضوع الحضري انه طلع عيط عشان يرجع الأهلي فده كلام يضحك. مهو حمال حمزة طلع قبل كدة و قال انه ممكن يلعب في أي نادي في الدنيا الا الأهلي و رغم كدة الأهلي أتعاقد معاه. و بعدين اشمعنى فاكرين دي و مش فاكرين الحضري لما طلع هزق عدلي القيعي عالهوا و قاله الأهلي عايز يدمرني بس أنا حلعب غصب عن التخين؟ و بعدين مفيش بني أدم في مصر مش عارف ان العياط بتاع الحضري ده كان تمثيل عشان يرجع الأهلى لأن حكم المحكمة الرياضية كان قرب, فهو قال أضحك عليهم بكلمتين و هما محتاجين جون بأي طريقة يمكن يسامحوني و اهو ساعتها لا يبقى فيه ايقاف و لا غرامة. و على فكرة انا متأكدة - و العلم عند الله طبعا - ان الحضري عمره ما حيعمل مشاكل في الزمالك سواء لعب أو لأ, لأن الحضري ذكي جدا و بتاع مصلحته. هو عارف انه فاضله سنتين تلاتة و يعتزل و عارف ان مالوش مكان في الأهلي و طبعا الأسماعيلي مش الأملة, عشان كدة هو حاب يجي الزمالك عشان يقدر يلاقي مكان في نادي كبير بعد الأعتزال.

تاني بقى, الأهلوية بيقولوا الحضري حيهد الزمالك.. أمال متضايقين ليه؟؟؟؟؟؟

**aliabutaleb** · 04-07-2010 05:28 PM

المشاركة الأصلية كتبت بواسطة hh

السن؟؟ حارس المرمى ممكن جدا يستمر لغاية 41 - 42 سنة, و الحضري ما شاء الله عليه لياقته و مستواه في أعلى حالاتها. هو حيبقى عمره 38 سنة في يناير لما يبتدي ان شاء الله يلعب بعد الايقاف يعني يقدر يدي سنتين تلاتة كمان.

زعل عبد الواحد السيد؟؟ معلش يعني لو النادي رفض يجيب أحسن لاعب في مركزه عشان اللي بيلعب في نفس المركز مش عايز منافسة يبقى أكبر تهريج. و احنا ما صدقنا الادارة تبتدي تقف موقف حازم مع أسلوب لوي الدراع ده. و بعدين هو ايه اللي يزعل عبد الواحد أصلا؟؟ ده عنده فرصة ذهبية انه يثبت نفسه مش بس في الزمالك لأ في المنتخب كمان و يقعد الحضري و ياخد مكانه لأنه حيلعب أساسي الدور الأول كله سواء مع الزمالك أو مع المنتخب. و الله بعد الدور الأول لو هو قدر يثبت انه يستحق يلعب أساسي على الحضري, نبقى كسبنا أتنين حراس مرمى ملهومش حل, مقدرش يسد و الحضري رجع حيلعب أساسي و يبقى تفكير سليم ميه في الميه انك تدعم المركز بالأحسن. حتى لو عبد الواحد راح الأهلي زي ما الأهلوية بيتمنوا - و أنا ماعتقدش أبدا ان ده حيحصل - فبرضه كدة الزمالك كسبان انه عنده الحارس الأقوى فنيا.
و على فكرة اللي بيقول عبد الواحد عمره في الملاعب أطول, أحب أفكره انه عبد الواحد من اللاعيبة اللي بتتصاب كتير. و موضوع العمر في الملاعب دي بتختلف من لعيب للعيب, يعني حازم أمام مثلا معتزل بقاله سنتين و قبلها سنتين تلاتة مستواه في الأرض, عكس واحد زي أحمد حسن اللي بيلعب لغاية دلوقتي و لياقته كويسة جدا رغم انه أكبر من حازم في السن. فمش شرط ابدا ان الحضري يعتزل قبل عبد الواحد لأن عبد الواحد برضه عنده 34 سنة يعني مش صغير.

بخصوص بقى موضوع الحضري انه طلع عيط عشان يرجع الأهلي فده كلام يضحك. مهو حمال حمزة طلع قبل كدة و قال انه ممكن يلعب في أي نادي في الدنيا الا الأهلي و رغم كدة الأهلي أتعاقد معاه. و بعدين اشمعنى فاكرين دي و مش فاكرين الحضري لما طلع هزق عدلي القيعي عالهوا و قاله الأهلي عايز يدمرني بس أنا حلعب غصب عن التخين؟ و بعدين مفيش بني أدم في مصر مش عارف ان العياط بتاع الحضري ده كان تمثيل عشان يرجع الأهلى لأن حكم المحكمة الرياضية كان قرب, فهو قال أضحك عليهم بكلمتين و هما محتاجين جون بأي طريقة يمكن يسامحوني و اهو ساعتها لا يبقى فيه ايقاف و لا غرامة. و على فكرة انا متأكدة - و العلم عند الله طبعا - ان الحضري عمره ما حيعمل مشاكل في الزمالك سواء لعب أو لأ, لأن الحضري زكي جدا و بتاع مصلحته. هو عارف انه فاضله سنتين تلاتة و يعتزل و عارف ان مالوش مكان في الأهلي و طبعا الأسماعيلي مش الأملة, عشان كدة هو حاب يجي الزمالك عشان يقدر يلاقي مكان في نادي كبير بعد الأعتزال.

اسمحيلي أرفع القبعة على التحليل المنطقي الاحترافي
حضرتك أثرتي نقاط كانت غايبة عني شخصياً
بس برضة صعبان عليا اللي اتدفع فيه
ومستخسر إنهم ميتدفعوش في لعيبة صغيرة في السن

hh · 04-07-2010 05:32 PM

كمان يا ريت الزمالكوية يفكروا شوية قبل ما يرددوا كلام الأهلوية بتاع حسام حسن بقى هو المتحكم في الزمالك ده. مهو طول عمرنا بنقول عايزين الجهاز الفني يكون هو المتحكم في فريق الكورة. نقوم لما يبقى عندنا مدرب فاهم و واثقين فيه و الناس عايزين يسيبوه يشتغل براحته ننتقدهم؟؟

طيب كانوا فين لما كان جوزيه كل سنه بيجيب لعيبة عاهات و ميلمسوش كورة طول الموسم و بعدين يمشيهم؟؟ فاكرين الويشي؟ فاكرين عبد الحميد حسن المهاجم الواعد اللي عنده 36 سنه؟ مش نفس الناس اللي بتهاجم هما اللي بيهللوا لادارة الأهلي المحترفة ؟

-

مشاهدة نتائج الإستطلاع: هل أنت موافق وسعيد على انتقال الحضري للزمالك؟

الموضوع: سؤال للزملكاوية ...هل فرحانين بالحضري؟

LinkBack

أدوات الموضوع

عرض

-

-

-

-

-

-

-

المواضيع المتشابهه

نداء للزملكاوية

25% من العرب فرحانين للكاميرون ..... ههههههه

سؤال الى المهندس طارق -مصراوى ::سؤال فنى فى المارش بتاع الشكل القديم 2006

خبر جميييييييييييييييييييييييييييييل للزملكاوية

الكلمات الدلالية لهذا الموضوع

المفضلات

المفضلات

ضوابط المشاركة