عاوز عربية اتوماتيك من 70 م 85 الف اختار

سلام

انا خلاص تعبت من كتر الاختيارات و قلت اعمل تصويت يمكن اطلع بنتيجة تقربلى الدنيا شوية طبعا فيه ناس هتقول مفيش وجه مقارنة دي محرك كذا CC ودي صيني دي كيت وكيت فقلت احط أنا عاوز إيه في العربية وياريت بلاش موضوع الزيرو وكسر الزيرو أو واحد يقولي لوجان مثلا علشان أنا الاوتوماتيك عندي اساسي

1- تكون عائلية 3~4 أفراد
2- مش لازم لا شد ولا سرعة يعني اخري 120 في السفر
3- اقتصادية في البنزين يعني أنا استخدامي حوالي 80 ك كل يوم جوه القاهرة
4- قطع غيار وصيانة عند أي حد فيكي يا مصر علشان غلبت وزهقت من الفتيين الميكانيكية
5- اعتمادية في السفر الكتير مش مهم السرعة المهم متعتطشي مثلا في طريق زي ودي النطرون :majd(2):
6- لازم ولابد ان تكون اوتوماتيك


الاختيارات هى

1- بريليانس FRV 86000 أو - بريليانس FSV 81000
2- افيو 81500
3- ديهاتسو سريون 85000
4- اكسنت 81900
5- جيتز 81000
6- أي 10 72500
7- .فرنا 74500
8- بكانتوا 70000
9- ساجا 69000
10- سيلاريو سوزوكي 70000

4- اكسنت 81900

اكسنت بعديها سيريون
وابعد عن الافيو لان دي مصيبه لوحدها
والساجا حلوه بس قطع غيارها وتقفيلها مشكله
والباقي مواتير تمشي جوا البلد بس حرام تسافر
وبلاش البريليانس لان عندك الاكسنت والسيريون احسن منها ليه بقى تخاطر وتجيب صيني

اكسنت كويسة و السيرين أسأل على قطاع غيرها الأول.

في رأيي السيريون و الاكسنت فيهم كل متطالباتك مع افضليه للاكسنت في الشنطة و توافر قطع الغيار و افضليه للسيريون في الباقي .

بوما .......
اسف

الأكسنت ثم الساجا

ولونك لو لوصلت لـ 85 ألف يكون الأولى البيرسونا

في رأيي الأكسنت
همم , هازود عليك شوية , لو وصلت لل90 تبقى البرسونا أولى

انا كمان في نفس الحيرة بس بس بعد كتييييييييييييييير من الأستفسارات توصلت للأتي
الأكسنت اولا
الساجا ثانيا
و دة طبعا حسب المبلغ اللي معاك
سيريون مش عائلية

البيرسونا الأوتوماتيك تبدأ من 85900 جنيه

أنا حاسس إن فيه اجمع على الاكسنت ولا إيه ؟ يا جماعة المشكلة إن لو دخلت في شريحة مابعد ال 85 ألف هيبقى فييه اختيرت تانية زي , الصاني وال لانسر ...إلخ... علشان كده أنا حابيب التزم بالحدود دي. أنا شايف برضك ناس مشجعة الساجا وده فيه ميزة إن هي تعتبر ارخص واحدة فيهم !! يا ريت يا جماعة كلكم تعملو تصويت لعل وعسى أوصل لقرار و جزاكم الله خيرًا

كيا ريو

http://farm2.static.flickr.com/1306/...e70e7b4654.jpg

اقتباس:

---

المشاركة الأصلية كتبت بواسطة kae

أنا حاسس إن فيه اجمع على الاكسنت ولا إيه ؟ يا جماعة المشكلة إن لو دخلت في شريحة مابعد ال 85 ألف هيبقى فييه اختيرت تانية زي , الصاني وال لانسر ...إلخ... علشان كده أنا حابيب التزم بالحدود دي. أنا شايف برضك ناس مشجعة الساجا وده فيه ميزة إن هي تعتبر ارخص واحدة فيهم !! يا ريت يا جماعة كلكم تعملو تصويت لعل وعسى أوصل لقرار و جزاكم الله خيرًا

---

اقتباس:

---

البيرسونا الأوتوماتيك تبدأ من 85900 جنيه

---

مش لازم تجيب أعلى فئة اللي بـ 91900 جنيه

اقتباس:

---

المشاركة الأصلية كتبت بواسطة eng_ahmedryad

البيرسونا الأوتوماتيك تبدأ من 85900 جنيه

---

+111111111111111:satelite:

مش عارف ليه حاسس إن الفرنا اتظلمت أو هي فعلا ضايعة يعني حتى الان الاكسنت وال ساجا اكتساح بأغلبية الصوت تقريبا

انا شايف ان احسن سيارة

تجمع ما بين التوفير وتستحمل السفر وفى نفس الوقت تكون عائليه

الاكسنت

اكسنت او نيسان صنى اتو بى 87 الف بس و عربية قوية و بتتحمل

ارشح لك :

أولاً : السيريون . ياباني 100% و السعر بتاعها مبالغ فيه اي نعم , بس دا العادي من الياباني . عربية واسعة من جوا برغم شكلها الخارجي اللي يوحي ليك ان العربية صغيرة .... امان و كفاءة و تابلوه محترم ..... الموتور 1300 سي سي - 4 سليندر .... و يمكن دي ميزة و عيب ... الميزة ان الاستهلاك في البنزين ح يكون موفر و العيب انها 1300 سي سي , في عربيات 1600 سي سي ارخص .

قطع الغيار موجودة , لكن بالنسبة لتصليح فمفيش غير التوكيل للأسف ( إلا لو لقيت ناس تفهم في الدايهاتسو ... و ياريت تسأل من النحية دي يعني حتى لو مش ح تشتري العربية ... للعلم يعني ) . :)

ثانياً : السوزوكي السلاريو . مكونات ياباني و تقفيل هندي ....... عربية شيك ( بس مش عائلية , صالونها ضيق نسبياً ) .

قطع الغيار موجودة ..... بس برده مشكلتها مشكلة السيريون الى حد ما ....

ثالثاً : الأكسنت ...... و بصراحة دي انسب عربية ليك و للسوق ..... سوقها محترم لما تيجي تبيعها .... صالون واسع الى حد ما و تابلوه شيك و محترم ..... سعرها حلو ... و عائلية و شيك و مش ح تقول لأ يعني .....

قطع الغيار موجودة , و الهيونداي مالية الشوارع .... و الف من يصلحها لك يعني .....

.... و لو انت بتشتري ليك و للسوق .... يبقى ارشح لك الاكسنت و بقوة .....

شوف برده العربية اللي تريحك و ربنا يبارك لك في العربية الجديدة .... :)

new accent automatic =high fuel consumption

بس يا باشا انا سمعت ان الساجا الفتيس ميتسوبيشى لوصح يبقى ده الاختيار الانسب هيبقى الفتيس الميتسوبيشى احسن من الكورى

اكسنت اوتو

اقتباس:

---

المشاركة الأصلية كتبت بواسطة ahmedbibo

بس يا باشا انا سمعت ان الساجا الفتيس ميتسوبيشى لوصح يبقى ده الاختيار الانسب هيبقى الفتيس الميتسوبيشى احسن من الكورى

---

ده كلام صحيح فعلا

اكسنت والله المستعان على غبور

اقتباس:

---

المشاركة الأصلية كتبت بواسطة mini

new accent automatic =high fuel consumption

---

الكلام ده صح ؟؟ اصلي بفكر اجيب نيو اكسنت اوتوماتيك

طب م ممكن حضرك تجيب كسر زيرو بنفس السعر بس عربيه تانيه خالص هتبا حالتها ممتازه واحسن من كل الي انتا كتبه اديك مثال(لانسر 2008 - اوبترا2009 او 2010 -صني2010 -وفي كتير)

اقتباس:

---

المشاركة الأصلية كتبت بواسطة nonopopo

طب م ممكن حضرك تجيب كسر زيرو بنفس السعر بس عربيه تانيه خالص هتبا حالتها ممتازه واحسن من كل الي انتا كتبه اديك مثال(لانسر 2008 - اوبترا2009 او 2010 -صني2010 -وفي كتير)

---

شوف يا سيدي أنا عندي قناعة مش عارف ليه وممكن صح وممكن غلط , بس أنا ممكن اقولك إن في مصر محدش بيغير عربيته علشان عاوز يركب موديل أحسن , اللي بيغير العربية 90% بيكون فيها مقلب طبعا أكيد فيه استثناءات زي اللي بيغير علشان بجد مزاجه كده , واللي بيغير علشان مزنوق لا قدر الله ......

فأنا بصراحة موضوع المستعمل ده شلته من دماغي خالص وكمان زيد على كده إن اصلا أي المستعمل ليه ظروفه ولييه ناسوه اللي بيفهموا فيه , ومن كام يوم هنا قريت في المنتدى واحد جاب عربية ورفعها في البنزينة وقالوله إنها تمام وبعد كده طلع فيها بلاوي. يعني المستعمل في مصر معناه هتعيش في قرف و تعد عند الميكانيكية بقيت حياتك وشاي ودخان وقرف ,...إلخ...

أنا فاهم إن كسر الزيرو مشاكله أقَل طبعا لأن العربية بتبقى يادوبك ماشية 10,0000 ~ 20,000 كله بس في نظري أنا اللي بيبيع العربية دي غالبا بيكون دعكها ولف بيها لما زهق منها و اكتشف إن فيها عيوب فـقالك اخلص منها دلوقتي وتجيبلي سعر كويس بدل لما البس في الحيط بعد كده. ده غير بكى اللي كان عمل حادثة واللي مغيرش فلتر الزيت علشان يوفر

باختصار أنا رفعت راية العصيان على المستعمل :b4_556: وليذهب اللي الجحيم هاهاهاها.... أنا بهزر طبعا

علشان الناس اللي هتشتري المستعمل ميزعلوش مني بس وإنت بتجيب مستعمل لازم تجيب معاك دكتور باشمهندس الحج ميكانيكي , وسمكري ومعاهم كهربائي بالمرة.
وآخر حاجة تذكر دائما

المصري ومنهم أنا طبعا بيبيع عربيته لما بتجيب جاز

اكسنت وبعديها ساجا

انا اخترت الافيو عشان انت بتقول عربيه اقتصاديه وعائليه ..... والحقيقه هى عائليه اكتر من الاكسنت عشان اوسع شويه من ورا وكمان شنتطها اكبر .......... بس عايز اقولك ان البرسونا احسن من الاتنين من حيث الثبات والاوبشن والموتور بس مش اقتصاديه ولا فى استهلاك ولا قطع غيار

والاختيار لك وربنا يوفقك

مالا تعرفونـه عن الساجــا

http://www.nilemotors.net/Nile/160796-proton-saga.html

هو فعلا سعر الاكسنت علي وبقه 89 ومبقاش فيه 2010 ولا اييه ؟

اقتباس:

---

المشاركة الأصلية كتبت بواسطة eng_ahmedryad

ده كلام صحيح فعلا

---

أنا بقالي كام يوم بشوف التوقيع بتاعك ومش عارف إنت كاتب اييه !!!! ههيهيهيهي :C_laugh[1]: قلت لا لازم أعرف وفين لما فهمت إن دي معناها KAIZEN باللغة اليابانية ومعناها تطوير أو improve يعني :B4_556:

:C_laugh[1]:

كنت تسألني وأنا أقولك بدل اللف والبهدلة

أي خدمة ، وهل على كده عرفت أنا جبتها منين ؟؟ :shine[1]:

اقتباس:

---

المشاركة الأصلية كتبت بواسطة eng_ahmedryad

:C_laugh[1]:

كنت تسألني وأنا أقولك بدل اللف والبهدلة

أي خدمة ، وهل على كده عرفت أنا جبتها منين ؟؟ :shine[1]:

---

بصراحة لأ أنا سألت واحد صديق ياباني , قلتله أنا مش فاهم معنى ال كنجي ده "الحرف" قالي آه kaizen هاهاهاها...

بس مش أكتر :majd(4):

اقتباس:

---

المشاركة الأصلية كتبت بواسطة kae

بصراحة لأ أنا سألت واحد صديق ياباني , قلتله أنا مش فاهم معنى ال كنجي ده "الحرف" قالي آه kaizen هاهاهاها...

بس مش أكتر :majd(4):

---

http://img171.imageshack.us/img171/8860/testsc.jpg

اقتباس:

---

المشاركة الأصلية كتبت بواسطة eng_ahmedryad

الأكسنت ثم الساجا

ولونك لو لوصلت لـ 85 ألف يكون الأولى البيرسونا

---

+111
وكنت ممكن أحطلك السيريون في الاول لولا قطع الغيار الغالية