التمبرا ومرسي مطروح

**ZALABANY** · 03-07-2010 01:32 PM

انا سافرت الاسبوع اللي فات بالتمبرا مرسي مطروح طبعا رحله شاقه على العربية كان لازملها تظبيط العربيه ومن عفشه وكاوتشات وزيت وخلافه وبعد الاستعداد توكلت على الله وانا رايح كنت مسافر باليل طبعا عشان الرادار والحركات دي انا كنت دايس على دواسة البنزين في الارض والعربية كانت ما بتعديش ال 135 بكيلو واحد وكمان سخنه درجة الحراره 90 ودي حاجه انا كنت مستغربها المفروض اني على طريق سريع يعني العربية ما تسخنش اصلا بس واضح ان العربية كانت فعلا بتعاني اولا كنت محمل العربية ثانيا كنت مركب الخوصتين وعليهم عربية الاطفال واكيد دي اللي كان مأثره على السحب وضاغطه على العربية
ولان الطريق وانت رايح كمان مرتفع شويه وانا راجع العربية وصلت معايا ل 155 والسخونة تحت ال 90 بس شيلت الشبكة والعربية من فوقيها الطريق من مطروح لمارينا غلس جدا وصلت وادي النطرون كويسه الصحراوي باه حلو اوي بعد الوصلات اللي اتشالت من الجزء ده الخلاصه
التمبرا سيارة تستحق الإحترام بجد

**JUVENTUS** · 03-07-2010 02:30 PM

حمد لله على السلامة ياباشا
انا من فترة سافرت بيها السويس و كنت محمل اتنين ورا و واحد جنبي و شوية حاجات في الشنطة و جبت بيها 130 مستريح في عز الحر بس الحرارة كانت على تسعين طول الوقت تقريبا اما وانا راجع باليل الحرارة قلت كتير عن كده كانت اقل من 70

**ZALABANY** · 03-07-2010 08:53 PM

المشاركة الأصلية كتبت بواسطة bonanza

حمدلله علي سلامتك يا محمد باشا انت واللي كان معاك

بص موضوع الشبكة و عربية الاطفال اللي فوق العربية مش هاتقلل اوي من سرعة العربية بالطريقة دي و كمان مش هاتفرق في سخونة العربية علي السرعة العالية دي

انا كنت مسافر العريش بالعربية بتاعتي و كنت معبي الشنطة علي اخرها و معايا 3 افراد من العيار المتوسط 85 كيلو وزن و 175 سم طول و كنت بجيب بالعربية 130 و 140 بس انا مزودتش عن كده عشان الديسك و الاسطوانة تعبانين حبتين و الحرارة كانت طول الطريق تحت الـ 70 مع العلم اني كنت بسوق الصبح و الدنيا حر شوية مش كتير

فكده انت عندك حاجة بتسخن العربية ... انت عندك الرداياتير في مشاكل زي ما انا فاكر .. انت غيرتة ولا لأ .

والله يا أسامه انا كنت بقول زيك كده بس انا ظبط الرادياتير ودورة التبريد وانا راجع الحراره ما زادتش عن ال 70 بالرغم اني كنت محمل نفس الحمل بس الفرق الوحيد اني شيلت الشبكة والعربية من فوق العربية والعربية كانت بتوصل ل 155 وممكن تعدي كمان بس انا ما زودتش بس انا متوقع الفارق في 3 حاجات انحدار الطريق مع اتجاه الهوا معا مقاومة الشبكة هما دول اللي كنوا محملين على العربية وعلى فكره السفر في المرتين كان باليل يعني مافيش حاجه تسخن العربية غير ان الموتور يبقى عليه حمل

**ahmedbibo** · 03-07-2010 10:05 PM

عربيه ممتازه لكن محدش مقدرها فى مصر عارف جيب اكسنت ولا اكسيل ولا لانوس وروح بيهم يا حبيبى المشوار الجميل ده ده لو مجبتش السرعه ديه والعربيه متقلبتش لاقدر الله ياعنى

هتيجى هتلاقى العربيه فاتحه بوقها وبتقولك النجده انقذونى انا بموت

**heshamzaky** · 03-07-2010 11:45 PM

زلبانى باشا حمد لله على السلامة يا باشا اية يا عم انت راكب تمبرا يا استاذ يعنى مرسى مطروح عادى يا باشا توكل على الله انا بروح الى الساحل الشمالى و عادى طريق العالمين دة يا باشا بالليل بمشى 150 او 160 عادى و مش 10 كيلو و بس لا ممكن طول الطريق ما بين 140 الى ال 160 و بطفى النور العالى يا باشا التمبرا عربية ممتازة شوية تظبيطات و انسى اى كلام حا تلاقيها بأذن الله فل الفل معاك و حمد الله على السلامة

**galilio_mad** · 04-07-2010 02:54 AM

حمد الله على سلامتك يا باشا

لو تسمحلى , عربيتك فيها حاجة غلط

ال 1400 القديمة بتاعة الحاج طلع بيها نفس المشوار مع اوبل فكترا 2.0
الاتنين مشغلين التكييف وواخدين الطريق 150-160 مع بعض و الحاج بيقولى كان لسه فيها نفس تدى شوية كمان

و الحرارة تحت اى بند لازم تنزل طالما بتجرى على سرعة ,
يا راجل ده انا بعد الطرمبة و الرادياتير شفت المؤشر على 50 ع الدائرى بليل

**kdosoki** · 04-07-2010 04:01 PM

الف حمدالله على السلامة والمرة الجاية شرم ان شاء الله

**heshamzaky** · 04-07-2010 05:21 PM

المشاركة الأصلية كتبت بواسطة ahmedbibo

عربيه ممتازه لكن محدش مقدرها فى مصر عارف جيب اكسنت ولا اكسيل ولا لانوس وروح بيهم يا حبيبى المشوار الجميل ده ده لو مجبتش السرعه ديه والعربيه متقلبتش لاقدر الله ياعنى

هتيجى هتلاقى العربيه فاتحه بوقها وبتقولك النجده انقذونى انا بموت

1000 شكر ليك يا باشا بص التمبرا عربية قوية جدا بس احنا مش عاوزين نهاجم اى ماركة تانية فى العربيات علشان ما يزعلش اصحابها كل عربية ليها مميزاتها و عيوبها و التمبرا ما شاء الله جميلة جدا

**galilio_mad** · 04-07-2010 11:07 PM

المشاركة الأصلية كتبت بواسطة ahmedbibo

عربيه ممتازه لكن محدش مقدرها فى مصر عارف جيب اكسنت ولا اكسيل ولا لانوس وروح بيهم يا حبيبى المشوار الجميل ده ده لو مجبتش السرعه ديه والعربيه متقلبتش لاقدر الله ياعنى

هتيجى هتلاقى العربيه فاتحه بوقها وبتقولك النجده انقذونى انا بموت

ليه يا باشا هى عربيات ملاهى :))

طبعا مش قوى كده , العربيات دى بتجيب السرعات دى و ما بتبقاش فى الضياع زى ما انت متخيل

انا ما بطيقش الكورى و لا يمكن اركبه تحت اى بند بس الحق يقال الكورى مش وحش للدرجة دى