سحب العربيه ضعيف

**redasamir** · 03-07-2010 01:45 PM

عايز حل لزيادة سحب الانوس في الغيار الاول والتاني رجاء الافاده من اهل الخبره

**eng_ahmedryad** · 03-07-2010 02:48 PM

ممكن أسطوانة الدبرياج باظت وعاوزة تتغير ( طقم كامل طبعا )

وعموما أعراض تلف الطقم كالتالي :

1- تلف الأسطوانة (الأكثر شيوعاً) :
- وده بيكون في شكل ضعف في سحب العربية بشكل عام وعلى المطالع والتحميل بشكل خاص .
- سخونة زايدة وغير مبررة للمحرك .
- رائحة غريبة تشبه رائحة إحتراق الكاوتش وخصوصا عند بداية التحرك وعند المطالع .

2- تلف البلية : ودي بتسمعلها صوت شوشرة وتحس بيها في الفتيس ولما تدوس دبرياج الصوت يروح .

3- تلف الديسك : وده بيكون في صورة زيادة لنشوفية دواسة الدبرياج وممكن يصحبه صوت تزييق .

وتلف أيهم بيأثر على المجموعة بالسلب ويقلل عمرها الأفتراضي .

**mmd3** · 03-07-2010 06:46 PM

ممكن يكون عندك سلوك البوجيهات ضعيفة او فلتر الهوا مسدود شوية او فلتر البنزين
هي ليها اسباب كتير الصراحة .... بس الاول اعمل طقم سيرفيس وشوف الشكمان يكون مسدود او حاجة قبل ما تغير طقم الدبرياج وشوف اية اللي هيحصل
لو غيرت كل دة ولسة السحب ضعيف يبقي جرب العربية علي مطلع وشوف هتبقي عاملة ازاي اقصد يعني عزمها اية
انا غيرت كل حاجة وطلع الاخر العيب في حساس الشكمان هو اللي مخليها مخنوقة وكمان العلبة بتاعة الشكمان اللي في النص بايظة
عشان كدة بقوللك هي ليها اسباب كتير ودور علي الحاجات دي الاول قبل ما تغير طقم الدبرياج