الموضوع: نفسي أجرب جينا عاشان اشتريها

موقع عز العرب مفروض إن فيه حجز test drive

وإنت ممكن تروح للتوكيل اللي جنب اللاجون وتسأل على الموضوع ده

لكن بالنسبة لتأجير العربية معرفش حد عنه ومعتقدش إنت تلاقي

متشكر يا ابو حميد علي الرد السريع بس انا فعلا روحت عند لاجون و قالي ان هو ما سمعش عن موضوع test قبل كده


هي البرسونا اوسع من الجين تو و لا لا؟

انا من المنصورة معرفش ازاي تعمل test drive الحقيقة
بس اللي أقدر أقولك عليه شوية ملحوظات شخصية عند سواقة جينا
أقدر أقولك أنا أول ماركبت جينا وجيت أسوق حسيت إن في حاجة غريبة و مش مظبوطة عشان الازاز اللي ورا مايل اوي وحسيت ان الرؤية منه مش قد كده وانا كان معايا لانسر بطة قبلها ازاز كبير اوي ورا والرؤية منه واضحة جدا
النقطة التانية الدركسيون فعلا هتحس الاول انه واطي وهتحتاج ترفعه لأعلى مستوى ليه بس بعد كده بالتعود هتعرف تظبطه
وعلى فكرة النقطتين دول بتتعود عليهم بعد كده مع السواقة ومابتحسش بأي مشكلة
النقطة التالتة المرايات الجانبية لو حضرتك اخدت بالك تحس انها ابعادها صغيرة شوية خصوصا في الطول مش مستطيلة مثلا زي بقية العربيات ودي مشكلتها الأساسية لما تيجي تركن ومحتاج تبص في المراية اليمين على رصيف مثلا انا كنت بحتاج أحرك المراية تحت شوية بس بعد كده اتعودت عادي و مش لازم أنزلها ودي بتفرق من واحد لواحد يعني ممكن تركن منغير ماتشوف الرصيف كله عادي ولا لازم تشوفه وعلى فكرة البيرسونا اليجانس اللي نزلت في ماليزيا نزلولها مرايات مستطيلة زي بقية العربيات
الحاجات دي هي اللي انا اخدت بالي منها ممكن تلاقيها مافرقتش مع ناس كتير انما المسألة في النهاية مسألة تعود

بالنسبة للاتساع مفيش اي فرق بين الجين 2 والبيرسونا في المسافة بين كرسي السواق و الكنبة الخلفية وصراحة المسافة دي ضيقة شوية خصوصا لو اللي بيسوق طويل 180 سم مثلا فيما فوق لازم هيرجع الكرسي ع الاخر
كل الفرق هو فرق في ارتفاع السقف كام سم زيادة في البيرسونا بيحس بيه اللي قاعد على الكنبة الخلفية فقط نظرا للفرق في سحبة السقف اللي نازل مايل اكتر في الجين 2
أتمنى أكون قدرت أفيدك
وربنا يوفقك لما فيه الخير

السلام عليكم انا طولي حوالي 180 سم ، مش بواجه اي مشاكل صراحة وانا سايق بالعكس بحس اني مرتاح جدا
بالنسبة للكنبة اللي ورا زيها زي اي عربية بتاخد تلات افراد ، وانا شايف انها مناسبة

التست درايف صراحة انا معنديش فكرة التوكيل بيوفره ولا لا
وربنا يباركلك يارب ويوفقك في اختيارك :)

المشاركة الأصلية كتبت بواسطة weeja

انا من المنصورة معرفش ازاي تعمل test drive الحقيقة
بس اللي أقدر أقولك عليه شوية ملحوظات شخصية عند سواقة جينا
أقدر أقولك أنا أول ماركبت جينا وجيت أسوق حسيت إن في حاجة غريبة و مش مظبوطة عشان الازاز اللي ورا مايل اوي وحسيت ان الرؤية منه مش قد كده وانا كان معايا لانسر بطة قبلها ازاز كبير اوي ورا والرؤية منه واضحة جدا
النقطة التانية الدركسيون فعلا هتحس الاول انه واطي وهتحتاج ترفعه لأعلى مستوى ليه بس بعد كده بالتعود هتعرف تظبطه
وعلى فكرة النقطتين دول بتتعود عليهم بعد كده مع السواقة ومابتحسش بأي مشكلة
النقطة التالتة المرايات الجانبية لو حضرتك اخدت بالك تحس انها ابعادها صغيرة شوية خصوصا في الطول مش مستطيلة مثلا زي بقية العربيات ودي مشكلتها الأساسية لما تيجي تركن ومحتاج تبص في المراية اليمين على رصيف مثلا انا كنت بحتاج أحرك المراية تحت شوية بس بعد كده اتعودت عادي و مش لازم أنزلها ودي بتفرق من واحد لواحد يعني ممكن تركن منغير ماتشوف الرصيف كله عادي ولا لازم تشوفه وعلى فكرة البيرسونا اليجانس اللي نزلت في ماليزيا نزلولها مرايات مستطيلة زي بقية العربيات
الحاجات دي هي اللي انا اخدت بالي منها ممكن تلاقيها مافرقتش مع ناس كتير انما المسألة في النهاية مسألة تعود

بالنسبة للاتساع مفيش اي فرق بين الجين 2 والبيرسونا في المسافة بين كرسي السواق و الكنبة الخلفية وصراحة المسافة دي ضيقة شوية خصوصا لو اللي بيسوق طويل 180 سم مثلا فيما فوق لازم هيرجع الكرسي ع الاخر
كل الفرق هو فرق في ارتفاع السقف كام سم زيادة في البيرسونا بيحس بيه اللي قاعد على الكنبة الخلفية فقط نظرا للفرق في سحبة السقف اللي نازل مايل اكتر في الجين 2
أتمنى أكون قدرت أفيدك
وربنا يوفقك لما فيه الخير

متشكر علي الرد الوافي يا Mr. Weeja

خد عندك كمان ان شنطه البيرسونا اوسع بكتير من الجينا اما بالنسبه للتيست درايف فنا كنت حجزت عالنت واحد من اول شهر 5 ولم يحدث اي شيء حتي الان و انا كت متوقع كدا لان موقع عز العرب بروتون لا يسمن و لا يغني من جوع ..مفيش فيه اي حاجع تقدر تفيدك عن العربيه فيبقي ازاي هيخليك تسوقها....اعتقد انها مجرد منظر كدا عشان تدي شكل حلو للموقع و يبقي اسم فيه تست درايف و خلاص