أنا كنت عملت صيانة 1000 فى ابو رواش ودفعت 268 جنيه (زيت+فلتر+ضريبة مبيعات)
وظهرت عندى مشكلة فى الكلاكس وفرامل اليد رحت القطامية أعملهم هناك
وفعلاً ظبطوا لى الكلاكس وفرامل اليد وما دفعتش أى فلوس خالص.
أنما النظام عندهم زى أبو رواش بالضبط ... يقابلك مهندس الاستقبال وياخد ملاحظاتك وطلباتك ويدونها فى الأوردر عادى
وبعدين تروح تقعد تنتظر فى الاستراحة لغاية ما تخلص العربية
ومنطقة الانتظار فيها 2 شاشة عرض تليفزيوني بتوريك الورشة والعربيات وهى بتتصلح وممكن تشوف عربيتك
وعلى فكرة هناك الحجز بأولوية الحضور وليس بالتليفون زى أبو رواش وعلى حد علمى لايتم استقبال سيارات بعد 12 ظهراً تقريباً
المفضلات