الموضوع: توبوتا مصر تقوم حاليا بحملة وقائية لضبط دواسات الوقود تحسبا ضد مشكلة تعليق الدواسة

المشاركة الأصلية كتبت بواسطة ahmedhee

انا كنت عندهم السبت و عملت صيانة 5000. و ما حدش فتح معايا الموضوع دة خالص و لا جاب سيرتة. وكل الي حصل تغيير زيت و تربيط عاافشة

اى فرع؟

المشاركة الأصلية كتبت بواسطة ahmedhee

التجمع الخامس

انا كنت هنا يوم السبت نفسه فى الفرع نفسه والى استلمت منى العربية م/ياسمين

ممكن تكون عربيتك مثلا من انتاج ما بعد ظهور المشكلة فنازلة بالقطعة الجديدة اصلا؟ لكن برضه اقترح عليك تتصل وتسأل

المشاركة الأصلية كتبت بواسطة ahmedhee

هو عامة ممكن يكون السبب اني كنت حاجز الصيانة في ميعاد متاخر (2 ظهر) فلم يسمح الوقت بهذا التبديل و لهذا لم يتكلموا عنة

انا علي فكرة معرفتش انهم غيروها غير لما سألت هي اتغيرت ولا لأ.

المشاركة الأصلية كتبت بواسطة sab3aawy

اخبرتنى المهندسة ان السيارة طالما انها ستدخل الورشة فسيتم ادخالها ضمن حملة تغيير شريحة الصلب الموجودة بدواسة الوقود والتى تقوم خلالها الشركة باستبدال شريحة الاحتكاك التى تسبب بعض منها فى عدة دول فى مشكلة تعليق الدواسة

استعرف الامر وقتا طويلا فقد وصلت للتوكيل الساعة 10 صباحا وغادرت التوكيل الساعة 3 عصرا مع اعتذار مهذب من موظفى التوكيل عن استغراق وقت طويل لطول الطابور على هذة الخدمة، لكن تم تغيير الشريحة برغم اننى لم تكن لدى منها اى شكوى ، وعلى حساب تويوتا ، وتمت محسابتى فقط على تربيط العفشة بمبلغ 83 جنيه شاملة الضرائب

لذلك اقترح على كل من يمتلك كورولا 2010 (لا ادرى ان كانت 2009 و 2008 ايضا عرضة لنفس المشكلة ام لا) ان يطالب بحقه فى تغيير الشريحة عنذ الذهاب للصيانة وان يرتب نفسه على استغراق وقت طويل فى هذة الصيانة

تعديل صغير بس بعد إذن الأستاذ سبعاوي, هم مش بيبدلوا حاجة, هم بيضيفوا شريحة من الستانلس ستيل في مكان معيَّن تحت السوستة اللي بترد الدواسة لمكانها
دي صور عربيتي و هم بيعملوا الموضوع ده
Removing the accelerator pedal.jpg - 4shared.com - photo sharing - download image
Checking the pedal readings after installing the ''fix''.jpg - 4shared.com - photo sharing - download image

و ده فيديو بيوضح الخطوات بالتفصيل
YouTube - In-Depth With Toyota's Pedal Recall Fix, AOL Autos / Autoblog

بالنسبة لموضوع الوقت فـالحقيقة أنا كنت بعمل صيانة ال 15000 لكن بدون تغيير زيت (بغيره لنفسي ) و دخلت العربية الساعة 8.30 و مستلمها الساعة 10 مع الاخذ في الاعتبار كمان إنهم لقوا مشكلة في التكييف والكاسيت و خرجوا يبلغوا المهندس (ولا مشكلة ولا حاجة أنا كنت فاصلهم عشان بتنرفز لما يدوروا العربية ويشغلوا التكييف على اخره و كأني بحطلها مية مش بنزين )

موضوع الشريحة ده بياخد 45 دقيقة (على حسب كلام تويوتا جنوب افريقيا ) و لكن هم قعدوا حوالي 30-35 دقيقة, بدأ 9.15 و خلص 9.45

و بصراحة كنت مقلق من الموضوع ده في الأول (زي ما أنا مازلت مقلق من الدبرياج الجديد وقلتلهم إني مش عايز أكتب اسمي في الحجز) بس قلت مش مشكلة, لو حسيت إني متضايق هفكها و صراحة محستش بـأي فرق (أنا كنت خايف بس إحساس الدواسة يختلف )