تقريري عن تكنو وان 20000

**night_phoenix** · 03-07-2010 05:28 PM

امبارح روحت تكنو وان عشان صيانه ال 20000 روحت علي الساعه 11. الطريق من حلوان حوالي 50-55 كيلو طبعا توهت في الاول و قعدت اسال المهم وصلت وكان انطباعي وراي كالتالي:
(اتمني تسامحوني شويه في رايي يمكن عشان انا بحب الدقه و الكمال بطبعي و طبيعه شغلي واكيد انا مقدر مجهود الكل في البحث عن مركز للصيانه خصوصا بعد ما التوكيل عمل الدنيئه ههههههههه وطبعا انا رايي او تقريري لمصلحتنا كلنا . اتمني انا وضحت وجهه نظري مقدما)

المهم....
المكان: انطباعي الاول عنه مكانش اد كده حسيته ضيق او صغير يعني لو في زحمه هتستني في الشارع راكن العربيه بس مش مشكله اوي عادي يعني

الاستقبال: شباب لطيف و محترمين و كمان تحس فيهم الود و الادب لاسف متعرفتش علي حد منهم اوي بس اجمالا هما ظراف
خد الرخصه و اخد البيانات (غلط و صححتها وانا خارج) كتب ورق كده سريع وقالي اتفضل في الاستراحه و اديني المفتاح
انا الي قولتله انا عندي مشكله في الكلاكس و موتور المساحات وصوت تزيق كده بسيط في دواسه الفرامل بس مش مهم . (دي نقطه سلبيه عشان المفروض يشيك علي العربيه من برة و يعلم علي الكحت و كده عشان محدش يتبلي عليه وكمان يسال عن الي عايزة في فتح ال job)

الاستراحه : مش حلوة بس تقدر تشوف عربيتك من الدور التاني و بوفيه متواضع جدا وحمام متواضع جدا بس الامور ماشيه هيا مش كافيتيريا او مطعم

الصيانه : كان عادي اني انزل اقف معاهم و اسال عن حاجات وكده مش زي لما روحت القطاميه ممنوع سعادتك مينفعش جلالتك محظور يا سيدي لحد ما كنت حاسس اني هالسع واحد منهم علي وشه بالقلم
حسيت ان مكانش في نظام زي check list ومكانش في دقه اوي او اهتمام اوي في العمايل يعني زيت الي في الفلتر مع الضغط بيطرطش محدش مسحه من العربيه قالي نفخت بالهوا علي الطنابير و انا متاكد انه معملش
جاب اسبراي ورش الموتور و اي نعم خالاه فله بس كنت اتمني يهتم بالباقي اكتر لانه اهم ليا
اطمن لوحده علي التكييف (كان مهندس صغير بس شكله بيفهم و محترم) و شاف الكلاكس. انا الي كنت ماشي معاهم بقولهم ناقص كده وكده طب الفرامل طب الكلاكس المهم قرص علي ترامل الفيشه و هشوف التاثير مع الوقت
العربيه مش اتغسلت!!!!: خرجت اقل نظافه مما دخلت طبعا ايدهم و الزجاج الحق يقال حطوا بلاستيك علي الدركسيون وحته بلاستيك كعوروهااا علي الارض اي كلام وحته كرتونه بتاعت شركه دوا علي الدواسه مساحتها نص مساحه الارضيه بس طبعا ده مضايقني قلت للراجل هوة السيارة مش هتتغسل؟ قالي اصل ده نظام مركز و احنا بنكون مضغوطين و حضرتك النهارده ده فاضي وكلام ملوش لزمه. قولت ليه اوك مش مهم
الحسابات: فاتورة ب 250 للزيت و 150 عشان المصنعيه برغم اني قلت في الاول اني من نايل موتورز بس الي علي الكومبيوتر اتغير ما علينا
قالي الي متابع الصيانه وهما اكتر من واحد وده بيخلي المسؤليه تايهه " لو في حاجه حضرتك شرفني تاني" جمله حرقت دمي و قلقتني!! هوة منتظر ان يحصل حاجه؟ وانت مش متاكد من شغلك؟ وشايفه مش دقيق؟ و اجي تاني اكتر من 50 كيلو؟؟؟؟
في حاجه تاني لفتت انتباهي: اعلان بالغاء الحوافز في قسم الميكانيكا لعدم الالتزام. حاجه مش حلوة
مشيت ودقيقه وافتكرت اني ماخدتش الخصم بتاعنا رجعت ليهم و فعلا عمل الخصم و اداني الفرق
كان في سيراتو تانيه صيانه الف باين و بيكانتو برضه
ده ملخص الي حصل

السلبيات: المكان و الانتظار- احاسي بعدم وجود نظام واضح يممكن تتبعه عشان مفيش حاجه تتنسي- دقه الشغل مش اد كده ولازم تفكرهم بطلباتك ودي في الصيانات الكبير حاجه مش تطمن- عدم غسل السيارة برغم انه مش مهم بس بيفرق جدا

الايجابيات: ناس محترممه ودوده- فاهمين بيعملوا ايه (بس مفيش تقفيل شغل الكويس) مفيش نصب ولا سرقه بتوع التوكيل- في امانه (سالت علي التيل قالي لالا لسه بدري) قطع غيار موجوده عندهم- المبلغ المدفوع يعني معقول مش وحش
اتمني مكنش طولت اوي عليكم ولا زهقتكم
انا شايف اني ممكن ادي المركز 70% وده مش وحش وكتر خير الدنيا طالما احنا في بلد ..... توكيل العربيه الي انتا راكبها حرامي واول واحد بيسرقك

صيانه ال 40000 ؟؟ اعتقد هعملها عندهم الا لو ظهر لينا مركز ارقي و احسن

اتمني اكون افدت حد
وبكرر شكري لكل الي تعب ودور لحد ما وصلنا للمركز ده
الف شكر

**alzwawy** · 03-07-2010 05:46 PM

تقرير رائع و مميز يا باشا و فعلا المركز كويس و ياخد 70% بس مع الي عملوه معايا انا اديهم 90% بس الحمد لله لقينا حته نصون فيها العربيه بعد ما التوكيل فلسعنا بس اقجر اقول للتوكيل شكرا لأنك ادتنا الفرصه اننا نصحي و نشوف مين الحرامي و مين الي بجد مش بيسرق

**night_phoenix** · 03-07-2010 06:38 PM

المشاركة الأصلية كتبت بواسطة alzwawy

تقرير رائع و مميز يا باشا و فعلا المركز كويس و ياخد 70% بس مع الي عملوه معايا انا اديهم 90% بس الحمد لله لقينا حته نصون فيها العربيه بعد ما التوكيل فلسعنا بس اقجر اقول للتوكيل شكرا لأنك ادتنا الفرصه اننا نصحي و نشوف مين الحرامي و مين الي بجد مش بيسرق

الباشا باشا ههههههههههههه
انا يا عم خدت 70% بس
اكيد الناس خافو منك ههههههههههه
بس زي ما انت قولت كفايه في مكان لينا وباختيارنا كفايه ان قدرنا نحترم ادميتنا و قلنا لا للحرامي كفايه ان اخدنا موقف ايجابي بجد
كفايه ان احنا ردينا الصاع صاعين للتوكيل الحرااااااااااااااااااااا ااااااااامي ابو 4000 عفريت
كفايه ان اتلمينا علي كلمه وحده كل ده يدي الامل في حاجات تانيه مهمه

**ahmedsopehy** · 03-07-2010 06:42 PM

المشاركة الأصلية كتبت بواسطة night_phoenix

امبارح روحت تكنو وان عشان صيانه ال 20000 روحت علي الساعه 11. الطريق من حلوان حوالي 50-55 كيلو طبعا توهت في الاول و قعدت اسال المهم وصلت وكان انطباعي وراي كالتالي:
(اتمني تسامحوني شويه في رايي يمكن عشان انا بحب الدقه و الكمال بطبعي و طبيعه شغلي المكان: انطباعي الاول عنه مكانش اد كده حسيته ضيق او صغير يعني لو في زحمه هتستني في الشارع راكن العربيه بس مش مشكله اوي عادي يعني

الاستقبال: شباب لطيف و محترمين و كمان تحس فيهم الود و الادب لاسف متعرفتش علي حد منهم اوي بس اجمالا هما ظراف
خد الرخصه و اخد البيانات (غلط و صححتها وانا خارج) كتب ورق كده سريع وقالي اتفضل في الاستراحه و اديني المفتاح

الاستراحه : مش حلوة بس تقدر تشوف عربيتك من الدور التاني و بوفيه متواضع جدا وحمام متواضع جدا بس الامور ماشيه هيا مش كافيتيريا او مطعم

الصيانه : كان عادي اني انزل اقف معاهم و اسال عن حاجات وكده مش زي لما روحت القطاميه ممنوع سعادتك مينفعش جلالتك محظور يا سيدي لحد ما كنت حاسس اني هالسع واحد منهم علي وشه بالقلم
حسيت ان مكانش في نظام زي check list ومكانش في دقه اوي او اهتمام اوي في العمايل يعني زيت الي في الفلتر مع الضغط بيطرطش محدش مسحه من العربيه قالي نفخت بالهوا علي الطنابير و انا متاكد انه معملش
جاب اسبراي ورش الموتور و اي نعم خالاه فله بس كنت اتمني يهتم بالباقي اكتر لانه اهم ليا
اطمن لوحده علي التكييف (كان مهندس صغير بس شكله بيفهم و محترم) و شاف الكلاكس. انا الي كنت ماشي معاهم بقولهم ناقص كده وكده طب الفرامل طب الكلاكس المهم قرص علي ترامل الفيشه و هشوف التاثير مع الوقت
العربيه مش اتغسلت!!!!: خرجت اقل نظافه مما دخلت طبعا ايدهم و الزجاج الحق يقال حطوا بلاستيك علي الدركسيون وحته بلاستيك كعوروهااا علي الارض اي كلام وحته كرتونه بتاعت شركه دوا علي الدواسه مساحتها

السلبيات: المكان و الانتظار- احاسي بعدم وجود نظام واضح يممكن تتبعه عشان مفيش حاجه تتنسي- دقه الشغل مش اد كده ولازم تفكرهم بطلباتك ودي في الصيانات الكبير حاجه مش تطمن- عدم غسل السيارة برغم انه مش مهم بس بيفرق جدا

الايجابيات: ناس محترممه ودوده- فاهمين بيعملوا ايه (بس مفيش تقفيل شغل الكويس) مفيش نصب ولا سرقه بتوع التوكيل- في امانه (سالت علي التيل قالي لالا لسه بدري) قطع غيار موجوده عندهم- المبلغ المدفوع يعني معقول مش وحش
اتمني مكنش طولت اوي عليكم ولا زهقتكم
انا شايف اني ممكن ادي المركز 70% وده مش وحش وكتر خير الدنيا طالما احنا في بلد ..... توكيل العربيه الي انتا راكبها حرامي واول واحد بيسرقك

الف شكر

بصراحة انا كمان رأيي نفس كلامك بالضبط فعلا المركز ياخد 70 % انا رحت عملت صيانة الالف هناك تقريبا نفس رد الفعل وانطاعي عن الاستراحة وانا قلت مش مهم المهم اننا وجدنا مركز صيانة يكون عارف العربية وكن يشتغل فيها بإحتراف وان كان عندي امل ان نصل الي مركز صيانة افضل من كده او اننا نشاركهم الرأي لتحسين الخدمة واعتقد ان ده ممكن لو ابلغناهم سابق تجربتنا مع المراكز الاخري

علي فكرة انا لاحظت ان حضرتك من حلوان انا كمان من (( حلوان 15 مايو)) وانا اتشرف بمعرفة حضرتك

**night_phoenix** · 03-07-2010 06:46 PM

الشرف ليا يا فندم . اتمني ان يكون ليا الشرف ونتقابل و ياريت حضرتك تكون هتحضر المقابله
حضرتك بتشتغل ايه و فين في مايو؟

**Ahmed Samy** · 03-07-2010 06:54 PM

حضرتك اديتلهم 70 %

و انا شايف ده تقييم كويس

بس لو ادينا التوكيل نديله كام !!!

أكيد أكتر طبعا بس النقط اللي يتفوق فيها الوكيل هي غالبيتها نقط تنظيمية أكثر منها حرفية

الموظف الي بيستلم
عدم وجود تشيك ليست
الاستقبال و عدم وجود متخصصين في الاستقبال أو الرد على التليفون
نظافة أماكن خدمة الزوار متواضعة

و ده أنا شايفه لضعف الاستثمار في الجانب الخدمي و التركيز على الجانب العملي و التقنية

بس برضه ...
أنا نصيحتي للمهندس أحمد الشحات انه يهتم بالجوانب دي

هو ده اللي هايفتح المجال أمام التقدم و الانتشار

ألف مبروك لحضرتك على الصيانة و عقبال الأربعين ألف

**د.محمود صلاح** · 03-07-2010 07:01 PM

عقبال صيانةال 200 الف ,, أهم حاجة هي نقطة ان في حد فاهم في العربية تتطمن انه يحط ايده فيها برة التوكيل

**magdy1963** · 03-07-2010 11:57 PM

الف مبروك على الصيانة وعقبال ال100الف وحضرتك طمنتنا على المركز واهو احسن من مفيش :b4_388:

**night_phoenix** · 04-07-2010 12:24 AM

ايه رايكم نجمع كل النقط السلبيه و فعلا غالبيتها تنظيميه و نبلغ بيها المهندس صاحب المركز علي اساس انه يحاول يتفاداها ان امكن
علي امل ان احنا نساعده في تحسين صورة المركز ويكون قادر علي جذب المزيد من العملاء؟