الف مبروووووك :)
عرض للطباعة
الف مبروووووك :)
مبارك عليك ياباشا العربية و يارب يعطيك خيرها و خير ما صنعت له و يكفيك شرها و شر ما صنعت له .
زى ما أساتذتى إتكرموا و قالوا نصايحهم الغالية أحب أضيف لحضرتك الأتى :
1 - جرب كل زرار و مفتاح و ذزاع فى العربية ( إنتظار , مساحات , تكييف , إشارات ) كل حاجة .
2 - حاول و إنت بتستلم تاخد معاك أكتر من واحد ( 3 أو 4 أصحابك ) علشان كل واحد منكم يستلم جزء أو جانب من العربية يعنى يكون المسئول عن كل حاجة فى الجانب ده ( يراجع على البويه و الأشارات و الأنوار و كله ) .
3 - معلش تعالى على نفسل و شيل البلاستيك الأبيض اللى بيبقى على العربيات الجديدة و تأكد إن الصاج و الدهان زى الفل ما فيهوش حاجة .
4 - تأكد من الأستيبن و بص تحت الأستيبن على الحوض أللى بيبقى فيه الأستيبن إنه مافيهوش لحامات أو خبطات أو لا قدر الله أى سوء .
5 - إنزل تحت العربية و تأكد إنها سليمة .
معلش يمكن حضرتك تقول عليا إنى فهمت الموضوع غلط و إن حضرتك هتستلم عربية مستعملة مش جديدة بس بجد إتعامل إنك بتشترى عربية مستعملة مش جديدة .
أسف للإطالة و أسأل الله أن يبارك لك
متشكر فعلا لتفاعلكم و للنصايح القويه دي انا فعلا الحمد لله استلمت و غلبت الراجل معايا بس الصراحه العربيه كانت زي الفل و الحمد لله مبسوط بيها جدا و ربنا يباركلي فيها ان شاء الله متشكر ليكم جميعا تاني.
ألف مبروك ... ربنا يرزقك خيرها ويكفيك شرها
تعالى بقى اشترك معانا فى مجموعة مالكى الكارينز http://www.nilemotors.net/Nile/group...ns-owners.html
أرسلت لحضرتك الدعوة ... ومرحباً بك فى المجموعة
برجاء الدخول على موضوع مرحبا بالجميــــع
انا الحمد لله من فضل ربنا عليا استلمت اول سياره بالكاسيت الاصلي بتاعها الحمد لله الكاسيت شغال معا المالتي فانكشن و في اوبشنس كتييييييير اوي لو حد عايز يسال عن اي حاجه انا تحت امركوا
انتظروا مني تقرير مفصل باذن الله علي الكاسيت الجديد للكارينز
سؤال لو سمحتم علشان انا سمعت كلام كثير عن الكارينز بس حتى الان لم يتفق اى حد على عيوبها ارجوكم حد يكون جاب العربية توكيل او خليجى ويقول لى على عيوبها
هو انا عن نفسي لسه مستلمها بقالي يومين فا لسه مقيمتهاش تقييم كامل و لكن مبدئيا العربيه ممتازه لو انت لوحدك ومعاك واحد اما لو خمسه راكبين اقدر اقولك جيده
و هذا رايي المتواضع و يا ريت لو حد عنده راي يقولنا عليه