الموضوع: بالنسبة للاطارات ……………..عماد

انا مش عايز افتي في حاجه انا ما اعرفهاش
بس في الهوندا سيتي
الاطارات الاماميه 32
الاطارات الخلفيه 30
و سمعت ان الاطارات الاماميه دايما بتكون ازيد علشان حمل الموتور
انصحك انك تلتزم بالقياسات اللي نازله مع العربيه اعتقد بتكون في استيكر علي قايم الباب بجانب السائق

كابتن عماد
شاكرين يا باشا على ردك بس كده يبقى الكاوتش مكنشى مظبوط اصلا لان مفيش اى عربيه بتبقى 24 و 26 و كويس انك زودته
لنا كان عندى ال 4 على 33 فى الاول و بعدين قالولى فى التوكيل الامام 30 و الخلف 28
و مهندس اخر بالتوكيل قالى الامام 32 و الخلف 29
و العربيه مكتوب على الباب الامام 2,3 بار و الخلف 2,1 يعنى تقريبا 33 قدام و 30 ورا
انا ظبت على 30 و 28 و غالبا احتمال اخليه 32 قدام و 30 ورا
بس مش عارف ده كده ينفع صيف شتاء ولا ايه
ارجوا من سبعاوى او ايا من اصحاب الخبره انهم يفيدونا
مع العلم ان الوزن الصافى للعربيه 1290كجم و طبعا الحمل الكثر فى الامام
و ايضا الضغط الموصى به على الباب هو 2,3 بار قدام و 2,1 بار فى الخلف فى حاله و جود شخصين
و 2,4 قدام و 2,5 بار فى الخلف فى حاله وجود 5 افراد مع حمولة فى الشنطه
و الاطار الاحتياطى 2,5 بار

ارجوا الافاده بالطغط الامثل و هل يتغير من الصيف الى الشتاء

مهندس كامل محمود
اسبرانزاوى رقم 3

السلام عليكم جميعا

اسمحولى اقول بعض الحاجات اللى اعرفها عن الموضوع دة (( على قدى يعنى ))

1- لااازم نلتزم بالضغوط اللى مكتوبة واللى هى ((فى حالة السير فى المدينة )):
-----------------------------------------------------------------------------------------
1-1 الاستخدام الخفيف الدائم ( 2 راكب ) :
----------------------------------------------------
*امام ----- 2.3 بار = 33.359 ( رطل / البوصة المربعة )=33 ------ و هو دة العداد اللى عند اى بتاع كاوتش !
* خلف----2.1 بار= 30.458 ( رطل / البوصة المربعة )= 30

1-2 الاستخدام المحمل او gross car السيارة فى حالة الوزن الزائد(5 راكب + امتعة ) :
-----------------------------------------------------------------------------------------------------------
*امام -----2.5 بار=36.259 ( رطل/بوصة مربعة )= 36
*خلف----2.4 بار= 34.809 (رطل /بوصة مربعة )= 34

2-فى حالة السفر لمسافات طويلة على طرق سريعة ياااريت ناخد بالنا من اللى جاى :
---------------------------------------------------------------------------------------------
2-1 العربية فاضية معاك حد محمك الحمل الكلى لاااازم نقلل الضغط فى الكاوتشات كلها امامى وخلفى لية؟؟؟ :?:
علشان الكاوتش لما بيحتك بالأسفلت لفترات طويلة بتتولت طاقة حرارية و الطاقة دى بتعمل اية ؟؟ :?:
بتزود حجم الالهواء اللى فى الكاوتش و بالتالى ضغطة بيزيد ...لية ؟؟ :?:
لان حجم العجلة ثااابت !! :!: :!:

و الموضوع دة لية اهمية كبيرة عندنا فى مصر لان جوها حار وبالذات فى الصيف
فالعملية بتكون فعلا خطيرة على الطرق السريعة !!!!

و ياريت اى حد مسافر و المصايف على الابواب يعمل الاتى :
1- يدور الصبح و يسخن العربية كويس
2- يطلع على اقرب بنزينة كويسة
3- يشيك على كل حاجة (( زيت - بنزين - سيور - فرامل -....
.....و طبعا الكاوتـش
(( كل اللى عليك انك تعرف بتاع الهوا انك مساااافر و هوا هيقلل القغط فى العجلات لو الضغط زيادة ))

و كفاية كدة علشان الامتحانات اللى عندى -- ادعولى دعوة حلوة كدة لان اول امتحان كان صعب جداًً
ويارب يبعد عننا الحوادث

و يارب اكون اضفت حاجة كويسة :roll:

عبدالرحمن محمد طه

اشكرك على الرد الوافى القيم و ان دل على شىء فهو خبرتك و معرفتك واتمنى الك التوفيق فى انتحاناتك
الراجل ده يا كامل فاهم كويس و انا عن نفسى ساغيرالى الامام 32 و الخلف 30 وربنا يستر لان الكلام كله تقريبا كده حتى فى الهوندا سيتى

وشكرا

يعنى يا م عبد الرحمن اظبطو على كام

و فين النيتروجين اجيبه منين و بعدين لو مشيت فى ميه عادى ولا

وكمان هل هو بيتبخر ولا لا مع مراعاة الصيف والجو

شكرا