للأسف مش عارف اقولك اية ..بردو المبلغ دة مش هايجبلك فيورا 87 .هاتدور كتير اوى عشان تلاقيها بالسعر دة ...لازم تزود 3 او 4 كمان عشان تلاقيها بحالة (معقولة ) مش ممتازة كمان ...وساعتها لو دخلت فى 22 او 24 الحسابات تفرق .
الحل الوحيد لو انت مصمم عليها لاتزود شوية أو تعمل حسابك انك مش هتلاقيها بسرعة و هاتفضل وقت كتير بتدور فى حاجات استعمال (كواكب تانية )
اما رأى فى ال 127 هى عربية ممتازة و من افضل العربيات الصغيرة الاقتصادية فى البلد و شبابية واداءها كويس اوى بالنسبة للفئة دى و احسن كتير من أى (لعب اطفال تانية بتلمع ) ...و لو فهمت مشاكلها و تابعتها من الاول هاتستريح كتير .
و حاجتها موجودة و اسعارها طبعاً حلوة جداً (حتى لو مش معمرة ) المهم العربية مابتقفش على مبلغ كبير محتاجاة.ولو استعمالك هادى هاتعيش معاك .
يعنى باختصار ...أهم حاجة الحالة ..مش الموديل سنتين فوق و سنتين تحت بالنسبة ل 25 سنة مابتفرقش حاجة . وربنا يوفقك ان شاء الله .