رينو الميجا الهاتشباك تحفه بس لما سمعت سعرها اتصدمت بس انا مش عارف هو الانتشار عيب ولا ميزه يعنى لو الفلوينس منتشره اكتر ؟؟ و بعدين عاوز اعرف ليه هى مش منتشره الفلوينس؟
عرض للطباعة
رينو الميجا الهاتشباك تحفه بس لما سمعت سعرها اتصدمت بس انا مش عارف هو الانتشار عيب ولا ميزه يعنى لو الفلوينس منتشره اكتر ؟؟ و بعدين عاوز اعرف ليه هى مش منتشره الفلوينس؟
السيراتو بتيجى مقلوبه ده مش عيب فى السيراتو ده عيب نقل الكلام ده ممكن يحصل ل اى عربيه
يا باشا انتشارها بسبب الاعلانات
اوبشن بسعر قليل
شكل حلو بس المصريين مكنش فى قدامهم حاجه زى كده وبالسعر ده فكل اقبل عليها
ودلوقتى اى واد بيفكر فى اى عربيه هيفكر بالسيراتو والانترا عشان معجب بيهم ومثلا لو معجب بالرينو او البيجو او فيات
طول ما هو ماشى هيشوف العربيات هيونداى و كيا فهيزيد اعجابه بيهم امال مثلا رينو او فيات او بيجو عشان قليله الى بيشتريها بيبقى فاهم انوا بيشترى حاجه اوروبى ياعنى كل حاجه
وفكره العربيات جايه مقلوبه او معيوبه لو هيا شركه محترمه مكنتش سمحت لنفسها بكده بس ياعنى مثلا هتلاقى 100 عربيه فيهم لا يقل عن 10 عربيات معيوبه عيوب مختلفه غير الاوروبى و اليابانى بتلاقى كله زى بعضه حتى لو 1000 عربيه وهو ده الفرق
واكيد الفرق يستاهل
والى يخلى شركه هيونداى هيا و كيا يحطوا ماتور واحد فى 5 عربيات ويناموا عليهم بقى
ال 5 عربيات هما
النترا........... سيراتو..........سول..............i30..... .............كارينز
المشكله ان الماتور واحد مع اختلاف الاوزان ياعنى الكارينز تقيله و السول اخف منها ازاى ديه تبقى 124 حصان والعزم 156 والتانيا برده 124 حصان والعزم 156 ياعنى ده حاجه تصدقها عقل ده فى اى منطق ده والمشكله انوا نفس الماتور انت عارف شركه فيات مثلا بتعمل للعربيه الواحد 7 مواتير على الاقل غير الابارث ياعنى شركه بتعمل ماتور ل 5 عربيات وشركه بتعمل 7 مواتير ل عربيه واحده
سيييييبك من اي حاجة تانية هات الفلورانس و ريح دماغك حقيقي عربيه هتحس بثمنها كمان سنتين ولا حاجة هتمسك سعرها لأنها حقيقي ممتازة والله الموفق وكمان الفلورانس ليها هيبه في الشارع غير السيراتو الي بقت منتشرة قوي وكماان ال آي 30 تعبانه قوي حلللك منها :) هـــــــــــات فلورنس و لوفي نقص كماليات عن السيراتو مش مشكله
أرشحلك فلوانس
بس ياريت ماتسمعش للكلام الغريب اللي بيتقال عن السيراتو
السيراتو عربية محترمة جدا و بتستحمل و موتورها ممتاز و ثباتها برضه ممتاز (و هاتسمع حاجات غريبة بس صدقني مش حقيقية)
و عيبها الحقيقة انها رطرطت و بقت حاجة سخيفة (هو عيب و ميزة صحيح بس برضه ممكن نشوفه عيب)
نرجع لموضوعنا
انا شايف الفلونس أكبر و شكلها شيك و أمان أكتر وتوكيل محترم
و مش غالية على قيمتها
ربنا يوفقك
شكرا على الرد بس كنت عاوز اعرف ولو انو فضولى شويه هو حضرتك مفكرتش فى الفلونس ؟؟؟
و ياريت حضرتك تقولى ايه اخبار العربيه معاك ك استعمال (مش بتاعت بهدله ولا عادى يعنى) و هل حصلتلك مشكله فى العربيه ولا لا انا مقتنع بيها الصراحه بنسبه 90% بس الى مضايقنى فيها انا انتشرت جامد اوى انا شايفه ميزه و عيب ميزه فى قطع الغيار و عيب انها مبقتش مميزه فى الشارع بس انا مش حاجيب عربيه تانيه عشان تبقى مميزه فى الشارع انا حشتريها عشان انا مقتنع بيها مش عشان الناس تفضل تبص عليها
ههههه والله كلامك زى العسل .. فعلا ازاى الشركة تسمح للتجار يبيعوا العربيات مقلوبة او ممكن تكون كيا هى اصلا اللى بتبعتلنا العربيات كدا .. يعنى دى ممكن تكون العربيات اللى بيعملوا عليهم اختبارات وبعد كدا يصلحوهم ويبعتوهم على مصر.
وبعدين هتعمل ايه بسبع مواتير لكل عربية .. كدا كدا سوق السيارات فى مصر كله معتمد على 1.6 يبقى مش فارقة بقى هى العربية بتنزل بره بكام موتور وبعدين احنا هنعمل حفلة .. يعنى مثلا على كلامك انت كنت عايز السيراتو تنزل 1300 و 1600 و2000 و 2400 و3000 و 3700 و4600 مثلا :) .. هى بتزل 1600 و 2000 و 2400 اظن ان كدا كفاية اوى يعنى وباردوا احنا ملناش دعوة هى بتنزل بره بكام موتور عشان احنا مش بيجى عندنا غير اقل المواتير .. عايز اقولك ان موتور الميجان الجديدة والفلوانس والداستر هو نفس موتور الميجان 2 والسينيك وكمان السيمبول والسكالا تقريبا .. وموتور اللوجان زى موتور ميجان 1.
مين دي اللي مش بتاعة بهدله :ma:
انا أسوأ سواق في التاريخ و العربية زي الفل الحمد لله و باسافر كتير و مشاوير طويلة شوت واحد
(اخدت الطريق من العلمين للمنصورة شوت واحد ومن داندي الصحراوي لحد راس البر شوت واحد و العربية زي الفل
هو الكلام ده أساسا غريب اني أقوله لأنه كأني باتكلم عن عربية رمسيس هههههههه
و ازيدك من الشعر بيت
أنا بقى اللي اتقلبت بالعربية ...و اجزملك انه مش عيب منها ده عيب سواقه من العبد لله (مش باقولك أسوأ سواق) و العربية الحقيقة حمتني كويس و السقف ماتطبقش و لا اتني عليا حتى
و صلحتها و راكبها و لو كنت هاغير كنت هاجيب واحدة جديدة
أما ليه ما جبتش الفلونس
1- لأنها ما كانتش نزلت أيام ما أنا اشتريت (5 - 2009)
2 - الفلوانس مع انها شيك بس عربية بتاعة عمر اكبر مني شوية يعني تنفعلي و أنا عندي من 33 - 40 مثلا و أنا عايز أحس ان أنا صغير شوية
3 - السيراتو الحقيقة كانت (واكلة دماغي) ومازالت (بابص على العربيات اللي شبه بتاعتي وانا راكبها)
بس لو هاغير و أجيب أوروبي (لأني مقتنع أنه أفضل) أعتقد هاروح فئة تانية بقى لأن السيراتو مقضية الغرض تماما
يا باشا العربية عادى مفيهاش اى مشكلة انا مش فاهم يعنى ايه مش بتاعة بهدلة .. على العموم انا بجرى بيها وبقرص بيها كتير وبيقى متوسط ماشى بيها بليل وانا مروح 140 فا عادى يعنى وفى الحتت المكسرة مش بتقول لا .. لو انت مقتنع بيها توكل على الله وجيب الفئة ام 116 احسن من ex