انا عايز اعرف الناس رايحه تشتغل علشان تتسرق وتسرق

**piezo** · 21-02-2008 06:03 AM

الموضوع كل التالي يا جماعه وانا بقول الموضوع ده علشان الناس تاخد بالها بعد كده و يخلوا بلهم من حاجتهم في الشغل
انا مراتي امبارح ماشيه من الشغل وراحيه البيت و تحت البيت بتطلع الفلوس لقيت الفلوس مسروقه منها في الشغل متاخيلين الماساه
في الشغل الواحد او الوحده بتتسرق في شغلها
واخويا برده من فتره اتسرق الموبيل بتاعه في الشغل و للعلم اخويا شغال في بنك و مراتي شغاله في شركه بتاعت تصميم الاجنحه في المعارض يعني اماكن محترمه الي يغيظ ان الواحد حاجته تتسرق في الشغل انا من الساعه 3 الصبح وانا مش عارف انام و دمي محروق و مش عارف اعمل ايه بجد اروح الشركه واعملهم فضيحه هناك في الشركه ولا اجيب عربية دوريه و اعمل محضر ولا اعمل ايه بجد انا محروق دمي ولو عرفت الي عمل كده في مراتي بجد هاجيب اجله مش علشان الفلوس علشان الموقف ذات نفسه السرقه في الشغل بجد مش عارف الناس هاتعمل ايه تاني في بعض
فايريت ياجماعه كل واحد يخلي باله من حاجته وكل واحد مراته بتشتغل يجبلها قفل صغير للشنطه بتاعتها انا هاعمل كده بجد لاني خلاص مش قادر بجد علي الي ناس بتعمله في بعض ده وربنا يحفظنا جميعا منهم
ولتاني مره انا بقول ده و الله العظيم علشان الناس تخلي بالها من حاجتها و كل واحد متجوز ينبه علي مراته تخلي بالها من حاجتها لان الظاهر الامان بس هايكون في البيت بس غير كده مستحيل
واسف علي التطويل بس بجد علشان دمي محروق و هانفجر من الغيظ

**memo_hefnawy** · 21-02-2008 08:16 AM

ياعم وحد الله و هدى أعصابك مفيش داعى لكل ده

الموضوع و ما فيه ممكن الفلوس وقعت منها و هى بتطلع حاجة من الشنطة أى وقت

بس بالنسبة للسرقة فى أماكن العمل مش عايز أقولك إن أنضف و أكبر شركات فى مصر بيحصل فيها ده

لو قولتلك إن عندنا فى الشغل من فترة إكتشفنا إن فيه حد بيفتح ال PCs كلها و بيقلب الرامات بعد مواعيد العمل مش هاتصدق - طبعا إللى عمل دى هو حد من 2 - شركة الأمن إللى ماسكة المبنى - أو حد من ال massengers أو عمال النضافة - يعنى ال massengers معروفين و هنا من زمان بس مسؤولين يقفلوا أبواب كل دوور و همه إللى معاهم المفاتيح ... إكتشفنا إن أبواب الحريق كانت مفتوحة محدش قافلها و دى كانت الثغرة إللى إتقلبنا منها :)

يعنى إحنا منبهيين علينا هنا إن مانسيبش حاجة على مكاتبنا و نمشى أو نروح مييتنج أو كده يا نقفل على الحاجة يا ناخدها معانا

وحد الله و خدوا الشر و راحوا

الأمان هايجى منين و الفقر بيزيد و الغلاء بيفترس الناس و الأخلاق مفيش و الدين بظروفها و الثقافة ثقافة تلفيزيون و إعلام موجهه

**وائل عطية** · 21-02-2008 09:40 AM

الموضوع دا للأسف انتشر جامد
أخويا كان اشترى موبايل نوكيا n95 يوم الأربعاء اللي فات بالليل قعد معاه الخميس الجمعة واتسرق السبت ..حاجة تحرق الدم فعلاً

**Hossam_Hassan** · 21-02-2008 09:46 AM

حرص و لا تخون

**ahmedateya** · 21-02-2008 11:18 AM

الناس هتاكل بعضها يا جدعان

**Dr Ahmed** · 21-02-2008 01:08 PM

كان عندنا فى العمليات تليفزيون 21 يوصة بكرتونته مركون لحين تجهيز دايرة العرض، وعلى حين غفلة اكتشفنا انه مش موجود ومش عارفين مش موجود من امتى...
بعد الفحص والتمحيص طلع فيه عامل خده لبيتهم بنظام: طالما محدش عايزه هنا أنا أولى بيه!!

**MMamdouh** · 21-02-2008 01:36 PM

قدر الله و ما شاء فعل

MMamdouh

**وائل عطية** · 21-02-2008 04:14 PM

المشاركة الأصلية كتبت بواسطة KarimAbulEla

انا عندى نظرية دائما فى الموضوع ده اننا جميعا محاطين بمجموعة من الحرامية فى الشارع او فى الاماكن العامة منتظرين فقط اننا نسهوا لبعض الوقت فيقوم هو بممارسة نشاطه وطوال الوقت هو مراقب جيد لسلوك المحيطين به من حيث الاوقات اللى بتسيب فيها عربيتك مثلا او لما تفتح شنطة عربيتك ما هى المحتويات التى تحتمل السرقة و ما الى ذلك . ربنا يستر انا وصلت لدرجة الجنون و الهوس فى الحرص من الحاجات ديه اللى ممكن تسهل مهمة الحرامى و برضه الحذر لا يمنع قدر

تحياتى

أتفق معك تماماً

**Hossam_Hassan** · 21-02-2008 04:33 PM

المشاركة الأصلية كتبت بواسطة KarimAbulEla

انا كمان مراتى اتسرق منها مبلغ مالى من شنطتها من العمل من فترة كبيرة و من ساعتها وهى بتاخد بالها كويس - و نفس الموضوع - الواحد حيشك فى مين فى المتعاملين مع الجهة و لا فى شخص كان معدى بالصدفة و دخل المكتب و ملقاش حد و لا فى مين ، انا عندى نظرية دائما فى الموضوع ده اننا جميعا محاطين بمجموعة من الحرامية فى الشارع او فى الاماكن العامة منتظرين فقط اننا نسهوا لبعض الوقت فيقوم هو بممارسة نشاطه وطوال الوقت هو مراقب جيد لسلوك المحيطين به من حيث الاوقات اللى بتسيب فيها عربيتك مثلا او لما تفتح شنطة عربيتك ما هى المحتويات التى تحتمل السرقة و ما الى ذلك . ربنا يستر انا وصلت لدرجة الجنون و الهوس فى الحرص من الحاجات ديه اللى ممكن تسهل مهمة الحرامى و برضه الحذر لا يمنع قدر

تحياتى

الحمد لله دايما بالاحظ النوع ده و 3 مرات اكشف حرامية فى الشارع و فى الشغل، المسألة تتلخص فى 3 نقاط لكشف أى حرامى اتعلمتهم من كاتب روايات شيرلوك هولمز

1 - اوجد الدافع
2 - استبعد كل المستحيلات تجد الحقيقة خالصة مهما كانت غريبة
3 - المجرم دائما يحوم حوال مكان جريمته

و علشان كده لازم نخلى بالنا من حاجتين

1 - لا تحرك دافع المجرم، بالبلدى كده (دارى على شمعتك)
2 - لا تثق الا فى نفسك

فى كمان خدعة عملتها و اثبتت نجاح:

اتسرقت فى شغل، مسكت اعصابى و مقلتش لحد لأنى كنت شاكك فى 4 اشخاص، ابتديت اديلهم انطباع انى انسان نساى بطريقة مرضية، فى خلال اسبوع اتسرقت تانى بس كنت معلم الفلوس الطعم و هوب واجهتهم بالزوق و تطوع واحد بالتفتيش و فتشنا كل الناس و طلعنا الحرامى اللى استعجل و كرر جريمته بسرعة اعتمادا على انى بانسى.

الموضوع: انا عايز اعرف الناس رايحه تشتغل علشان تتسرق وتسرق

LinkBack

أدوات الموضوع

عرض

-

-

-

-

-

-

-

المواضيع المتشابهه

عايز اعرف ايه رأي الناس في الشيروكو 2009/2010

بجد عايز مساعدة علشان تعبت من كلام الناس الكتير

عايز اعرف راي الناس في اوبل 94

عايز اعرف ايه الي ممكن أعمله علشان أزود القدره الحصانيه

اللمبات ده محتاجة ايه علشان تشتغل كويس

الكلمات الدلالية لهذا الموضوع

المفضلات

المفضلات

ضوابط المشاركة