رؤية فى تقرير مصلحه الجمارك هذا الشهر لجمارك السيارات

للمرة الثانية الاحظ هذا الكم الفج من المكاسب للسادة وكلاء السيارات كالامثلة الاتيه
كيا سيراتو كاملة بجماركها 69119 جنية وتباع ب 108900 اى مكسب حوالى 29781
كيا كارينز كاملة بجماركها 65751 تباع ب 112000 اى مكاسب حوالى 46249
كيا سول كاملة 83771 تباع ب 120000 مكاسب حوالى 36229
رينو فلورنس كاملة ب 90561 تباع ب 125000 مكاسب حوالى 34439
سكودا اوكتفيا والجنون بعينه كاملة 130265 تباع ب 208000 مكاسب حوالى 77735
بورش كايين الناس دى بتاخد مكسب مهول كاملة 1462887 تباع ب 2455000 اى مكاسب حوالى 992113 تخيلو مليون جنية مكسب فى العربية الواحده شىء خرافى
ناخد مثل صينى صوغنون الاكسبلوجن كاملة 34508 تباع ب 69000 مكاسب حوالى 34492 اى هبل فى الجبل ثمن العربية مرة اخرى مكاسب
نفسى اسأل سؤال واحد بس
فى حد فى الدولة البيظة بتاعتنا دى بيحدد المكاسب للناس دى ازاى ولا دم الشعب اللى نفسة يرحم نفسة من زحمه المواصلات ده هو وعيالة مباح للمص من التجار الجشعين دول؟

انا مش عارف ازاى الارقام كدا
يعنى بيبقى فيه بجانب الجمارك ضرايب وحاجات كدا
المكسب مش بيبقى بلشكل دا والا انا تانى يوم هنزل اشترى 10 عربيات سيراتو و ابيع الواحده ب 95 الف

انا مش جايب حاجه من عندى شوف ملحق السيارات فى الاخبار النهاردة واحسب وانت تشوف

الله يخربيت دى فلوس عماله تتسرق
يا جماعة أنا قولت من زمان الناس تجيب عربية زيرو و تدفع جماركها و تستغنى عن التوكيل فى الصيانه و فى كل حاجة و كله خاف يعمل كدة طيب ماهى الصيانه و كل دة بفلوس يعنى هيا الناس فاكرة إنها لما تبقى فى التوكيل هتتصلح ببلاش


حسبى الله و نعم الوكيل فى الحراميه إلى بيسرقوا ملايين و الناس لمؤاخذة زى المغفلين بيشتروا عادى و فرحانين أوى
الله يخربيت الحراميه إلى فى الدولة دول خلوا الناس تنسى أنهم بيتسرقوا ماهى مباظتش من شوية

و أزاى مفيش رقابه من الحكومه تحددلهم سعر تتباع بيه ولا الحكومه كمان بتقبض كالعادة (زى بتوع المخدرات لما بيبقوا مرشدين)
و هل الشركات دى زى كيا أو رينو عارفين سعر العربيات فى مصر ؟ و لو عارفين أزاى ساكتين ؟

و فى النهايه أقول للمرة المليون حسبى الله و نعم الوكيل

هي شكوى جماعية محترمة لجهاز حماية المستهلك من التسعير الجزافي للسيارات
بس محتاج مستندات من الجمارك تثبت الكلام دة

طيب

..................................

خليني ساكت علشان أموت ساكت من غير ازعاج

اقتباس:

---

المشاركة الأصلية كتبت بواسطة mzeid

هي شكوى جماعية محترمة لجهاز حماية المستهلك من التسعير الجزافي للسيارات
بس محتاج مستندات من الجمارك تثبت الكلام دة

---

ماهو أكيد الجمارك برضة حراميه زيهم و مش هيطلعوا مستندات بكدة
أحنا فى بلد كل إلى فيها حراميه أساسا (حكومه - مؤسسات - موظفين - وزراء - جمارك - مستوردين - إلــــــــخ)
أنا مش عايز أتكلم كتير لحسن أغلط و لو غلطت هتوقف مدى الحياه

انا طبعا مش عارف مين المسؤل عن التسعير
لكن اتمنى ان حد يسمعنا

طيب لو الواحد حب سيتورد عربية على حسابة من بردة هيشتريها بسعر التكلفة و بعدين هيدفع الجمارك و شكرااا يبقى كد العربية جبتها من غير مكسب التاجر الجشع

ممكن اقول حاجة
اى سلعة فى الدنيا بتخضع لقانون العرض و الطلب و ان استهبال التجار دا مش هينفع معاه اى شكوى لاى جهة لان مفيش تسعيرة جبرية و كمان ان المستهلك السبب فى كدا لاننا مش بنطلب فواتير علي السيارات المباعة اللى هى فى الاساس المبيعات اللى بيتقدر عليها الضرائب اللى هو حق الدولة وحقنا احنا كمان فياريت اى حد يروح يشترى عربية يكون عندة وعى انة يطلب فاتورة معتمدة و يطالب بحقة و كمان نرشد استخدمانا لكل حاجة مش كل واحد معاة فى جيبة حق اى حاجة فى السوق شيتريها للمنظرة بس علي الاقل يكون محتجها

كل الأسعار إللي قلتها من غير جمارك
السراتو في السعودية ب 45 ألف ريال يعني حوالي نفس السعر إلل إنت قلته

اقتباس:

---

المشاركة الأصلية كتبت بواسطة aly_moh

ممكن اقول حاجة
اى سلعة فى الدنيا بتخضع لقانون العرض و الطلب و ان استهبال التجار دا مش هينفع معاه اى شكوى لاى جهة لان مفيش تسعيرة جبرية و كمان ان المستهلك السبب فى كدا لاننا مش بنطلب فواتير علي السيارات المباعة اللى هى فى الاساس المبيعات اللى بيتقدر عليها الضرائب اللى هو حق الدولة وحقنا احنا كمان فياريت اى حد يروح يشترى عربية يكون عندة وعى انة يطلب فاتورة معتمدة و يطالب بحقة و كمان نرشد استخدمانا لكل حاجة مش كل واحد معاة فى جيبة حق اى حاجة فى السوق شيتريها للمنظرة بس علي الاقل يكون محتجها

---

الراجل دة كلامة مظبوط احيك

ياجماعه مع احترامي للجميع الاسعار دي والمكاسب دي مبالغ فيها جدااااااااااااااااااااااا ااااا
ده كده مكسب اكتر من مصنع العربيه نفسه

مش عاوز أقول اللي في قلبي دلوقت علشان ماتوقفش تاني !!!
حسبنا الله و نعم الوكيل...
في رعاية الله...

لا الكلام ده غلط انت جبته منين الاسعار دي على فكره بدون جمارك

اقتباس:

---

المشاركة الأصلية كتبت بواسطة memo_p910

لا الكلام ده غلط انت جبته منين الاسعار دي على فكره بدون جمارك

---

لو كلفت خاطرك وبصيت بصه صوغنونه على ملحق السيارات فى اخبار امس حتشوف ان كلامى مضبوط بالجنيه والسحتوت

اقتباس:

---

المشاركة الأصلية كتبت بواسطة ahmed samy

طيب

..................................

خليني ساكت علشان أموت ساكت من غير ازعاج

---

يا باشا اتكلم و متشيلش في نفسك.

معلش انا مش مقتنع بلاسعار الموجودة دي نهائي , اعتقد ان الاسعار ال حضرتك كاتبها اسعر السيارات من غير الجمارك عليها
يعني هدي لحضرتك مثل : طبعا اكيد حضرتك عارف ان السيارات في الخليج لا تخضع لجمارك ! يعني جماركها صفر
نيجي مثلا للهيونداي الانترا كاملة نمرة 1 اوتو عاملة هناك لموديل 2009 49000 درهم طبعا دا + ربح البائع ( معرفش كام) بس هناك في قوانين بتمشي عملية البيع والشراء يعني مش هيكون مبلغ مبالغ فية بأي حال . المهم الدرهم عامل 1.49 جنية تقريبا ( من حوالي شهر كدا) نضرب ال 49000 * 1.49= 73000 تقريبا . طيب جمرك العربية دي في مصر عامل كام . نشوف كدا
__________________________________________________ ____________________

عزيزي القارئ يمكنك من خلال هذا الباب معرفة قيمة جمارك سيارتك.. فقط ارسل سؤالك على الايميل akhbar5@yahoo.com
وستجد منا كل استجابة. هيونداي النترا تلقت «الرؤية» رسالة من السيدة، أحلام محمد السيد، تستفسر فيها عن قيمة جمارك السيارة هيونداي النترا، موديل 2009 سعة الموتور 1600 سي سي. تبلغ قيمة الجمارك المستحقة على سيارة هيواندي النترا موديل 2009 سعة الموتور 1600 سي سي 48 ألف جنيه، موديل 2009، حيث تحسب ٪40 من أصل القيمة سيف وارد، بالإضافة إلى ٪15 ضريبة مبيعات، و٪3 رسم تنمية.
__________________________________________________ _____________________
يعني بحسبة بسيطة كدا هنلاقي
ان سعر العربية بالمصري 73000 +48000 الجمارك والضريبة والتنمية= 121000 تقريبا سعر العربية
طبعا مننساش ان سعر العربية في الامارات حسبنها بهامش ربح البائع + ان اكيد التوكيل بيكون لية نسبة تخفيض مثلا او تسهيل في دفع الجمارك علي شكل اقساط.

وعندك كمان سعر السيراتو هناك حوالي 49000 درهم يعني بالمصري 73000 جنية من غير لا جمارك ولا ضريبة ولا اي حاجة

ولو فرضنا مثلا ان الاسعر ال حضرتك كاتبها حقيقية يعني العربية من غير جمرك عاملة 25000 جنية مصري تقريبااا
اعتقد صعب جدا .

يا جماعة معلش توضيح دى الاسعار اللى فى الفاتورة و الاسعار دى بتبقى غير السعر الحقيقى اللى التوكيل شارى العربية بيه لان اللى اعرفه ان توكيلات كتير بتجيب فواتير مضروبة علشان تحاسب بيها الجمارك
الجمرك اللى مكتوب فى التقرير غير شامل 21% ضريبة على اجمالى السعر الجمرك + الضريبة.
السيراتو اللى ب 70 الف تضرب فى 1.21 = 84.7 و دا السعر بعد الضريبة.
بعدين لسه فوق الاسعار دى فلوس الشحن و النقل و مصاريف التوكيل من حاجات كتير اوى
كدا يعنى

مستحيل توكيل يكسب كل دا مع انهم برده مبالغين جامد فى مكسبهم

ثانية حاجة تانية , مش مكتوب كل عربية بكام , مكتوب مثلا 100 عربية bmw الفئة التالتة , لو انت عندك عربية bmw الفئة التالتة موديل 1990 و كنت نازل بيها من الخليج او اى دولة مثلا و دفعت جمركها بتتحسب برده فبالتالى لما بتقسم القسمة مبتبقاش صح

الراجل بيقول و بيأكد للمرة المليون أن مكتوب فى الملحق أن دى بعد أضافة الجمارك
فياريت محدش يشكك فى ردة عشان متحسوش أنكم أتنصب عليكم لأ أنتوا أتنصب عليكم وعلنى أدام الجميع
و يا جماعة محدش يتكسف و يطلع أى مبرر عشان ميبانش أنه متضحكش عليه لأ أتضحك عليكم و بقولها للمرة المليون
طلاما أحنا مش بندور ورا حقنا هيتنصب علينا و لازم نفوق بقى لحد أمتى الملايين دى بتروح لناس معينه و أحنا إلى بنقلل من نفسنا بالوضع دة !!؟؟؟ طبعا محدش هيجاوب عليا لأن الأجابه فى علم الغيب
الأجابه فى وقفة رجوليه 100% من كل الناس و تقول لأ يا حراميه أحنا عايزين شفافيه فى البيع بتاع المنتج دة


و حسبى الله و نعم الوكيل

اقتباس:

---

الراجل بيقول و بيأكد للمرة المليون أن مكتوب فى الملحق أن دى بعد أضافة الجمارك
فياريت محدش يشكك فى ردة عشان متحسوش أنكم أتنصب عليكم لأ أنتوا أتنصب عليكم وعلنى أدام الجميع
و يا جماعة محدش يتكسف و يطلع أى مبرر عشان ميبانش أنه متضحكش عليه لأ أتضحك عليكم و بقولها للمرة المليون
طلاما أحنا مش بندور ورا حقنا هيتنصب علينا و لازم نفوق بقى لحد أمتى الملايين دى بتروح لناس معينه و أحنا إلى بنقلل من نفسنا بالوضع دة !!؟؟؟ طبعا محدش هيجاوب عليا لأن الأجابه فى علم الغيب
الأجابه فى وقفة رجوليه 100% من كل الناس و تقول لأ يا حراميه أحنا عايزين شفافيه فى البيع بتاع المنتج دة


و حسبى الله و نعم الوكيل

---

الجمرك 40% و الضريبة 21% , احسبها هتلاقى السعر اللى مكتوب مكتوب جنبه الجمرك بس الضريبة مش محسوبة و طبعا الشحن و حاجات تانية مش مكتوبة و كل دا بيجمع!!

http://www.nilemotors.net/Nile/117057-a.html



مشاركة مهمة للاستاذ د/اسماعيل النجار


فى موضوع النهارده فى ملحق اخبار السيارات عن عدد السيارات المفرج عنها جمركيا خلال نوفمبر 2009 وطبعا كاتبين اعداد السيارات وقيمتها وقيمة الجمارك عليها وطبع سهل جدا ان احن نعرف ثمن العبية الاجمالى وبعد طرحه من ثمن العربية لدى الوكيل او التاجر هيبان قيمة الربح اللى بيحصل عليه وبكد نكون (حسدنا)(استغفر الله العظيم)ربح التاجر وبعدين نشوف هل هو مناسب ليه ولا(مناسف)لينا
نبدا الاول بمثال وبعد كده نقول (المكسب)ليه (والماكسب) لينا
هناخد الكيا سيراتو كمثال باعتبارها واخده المركز الاول فى عدد السيارات اللى دخلت البلد فى شهر نوفمبر
تم الافراج جمركيا عن 1658 سيارة بقيمة 83 مليون و427 الفا و624 جنيها سدد عنها جمارك قيمتها 42 مليون و398 الفا و480 جنيها
ثمن السيارة بدون جمرك =83427624÷1658=50318 جنيها
قيمة جمرك السيارة=42398480÷1658=25572 اجمالى ثمن السيارة =50318+25572=75890
سعر بيع السيارة عند التاجر من 102900-125900
متوسط سعر السيارة =102900+125900÷2=114400
متوسط المكسب=114400-75890=38510 جنيها
ياترى الحسبة كدة مظبوطة لانها لو مظبوطة يبقى احنا لامؤاخذة بيتعمل علينا احلى شغل وسلملى على هامش الربح وعلى حماية المستهلك