الموضوع: واحد خبطنى والحمد لله

المشاركة الأصلية كتبت بواسطة tamer86

الحمد لله على سلامتك يا نورمال يا صاحبي

ياه دي شبه خبطتي بس أنا عالشمال و قبلك بيومين
بس مايهمكش (قدر الله و ماشاء فعل)

هي ان شاء الله تكون سليمة من جوه و السمكرة و الدهان بسيطة فداك

و طمنا عنك يامان

اه فعلا نفس الى حصلك :)
العين مش سايبانا من الشام لمصر :))

المشاركة الأصلية كتبت بواسطة abouleila

الحمد لله جت سليمة وبما انك متعود انك كل مرة تتخبط فى المكان ده

ردها على البارد مؤقتا لحد ما تخلص المشروع وشوف التأمين هيقلك ايه عليها

وكده كده انت رايح قريب التوكيل اسال برده هناك مع انى عارف انه هيقلك اكصدام كامل

يتغير لو عرفو انك مأمن على العربية .

أنا الى مضايقنى فعلا زنقه الوقت
وبفكر أسبها كدا لغايه مخلص علشان مينفعش يخدوها منى مش هعرف أروح ولا أجى
ولو قالولى الاكصدام كله يعنى :)
هو أنا دافع حاجه :))

المشاركة الأصلية كتبت بواسطة night_phoenix

كله خير يا باشا الحمد لله ان الفانوس سليم القصه دي الحمد لله بسيطه و تستعدل علي البارد ان شاء الله
لو ماشي الحال سيبها شويه و ربك يعوض بالخير

ربنا يخليك يا باشا وأنا فعلا هعملها على البارد

المشاركة الأصلية كتبت بواسطة alzwawy

ايه يا نورمال ده هي الحته دي بس الي بتتخبط في العربيه هي كل شويه مافيش غيرها سبحان الله الحته دي فيها مغناطيس ولا ايه
معلش يا صحبي المهم انك بخير و فداك العربي معلش ربنا يعوض عليك الحمد لله انها جت علي قد كده

دأنا مش عارف الحته دى ملها يا زوز
يظهر العين لما جت أول مره رشقت فيها :)))
يلا الحمد لله وشكرا يا معلم

المشاركة الأصلية كتبت بواسطة baskota

المهم انك بخير وحمدالله على سلامتك
بس بما انك مأمن عالعربية غيره بالمرة

شكرا يا بسكوته وأنا بقول كدا برده بس بفكر أنه عادةً الاكصدام دا هو الى بيتخربش يعنى

المشاركة الأصلية كتبت بواسطة waleedelpiloot

فداااااااااااك يا هندسة الف سيراتوا الحمدالله على كدة وبسيطة جدااااااااا ما تقلقش
الرفرف هيستعدل على البارد والاكصدام واضج كدة انها كانت بومة فضى بفوطة فيها تنر كل اللون دة هيروح وبعد كدة بقلم اسود marker الى مش بيطلع من مكتبة او اى حد بتاع بويات انا كانت عندى نفس الحكاية من الرصيف ساعة الدنجل وعملت كدة ان شاء الله تنفع معاك

الله يخليك يا وليد وأنا مش هعمل أنا حاجه أنا هسبهالهم بقى :))

المشاركة الأصلية كتبت بواسطة revel_sony

فداااااااااااااك يا نورمال بيه وحمد الله علي السلامه انا راي تسيب الخبطه شويه عشان العين وربنا يحفظك

شكرا يا باشا والواحد مش عارف العين ده هتتاخد أمتى بقى :))

المشاركة الأصلية كتبت بواسطة khaled ayman

الف سلامه عليك يا عم نورمال ...
سيبها شويه تاخد العين ...

ربنا يخليك يا خالد وهسيبها لغايه مخلص المشروع إن شاء الله

المشاركة الأصلية كتبت بواسطة xshadow

حمدلله عل سلامة يا نورمال.. ومعلش الحمد لله جت بسيطة ، إن شاء الله تروح بالبولش والباقي يترد و يتعدل عادي إن شاء الله

ربنا يخيك يا شادو وشكرا

المشاركة الأصلية كتبت بواسطة lolly136

ألف سلامة عليك وعليها
وقدر الله وما شاء فعل

شكرا يا باشا

المشاركة الأصلية كتبت بواسطة mastr_n

الحمد للة انك سليم وفداك ميت عربية

شكرا يا ماستر ربنا يخليك

المشاركة الأصلية كتبت بواسطة omr002001

قدر الله ماشاء فعل

والحمد لله على السلامة

ربنا يخليك يا باشا

المشاركة الأصلية كتبت بواسطة ghost1900

الحمد لله على سلامتك يا نورمال .. جت بسيطة، إن شاء الله تروح بالبولش والباقي يترد على البارد ويتعدل عادي.

اه الحمد لله على قد كدا وشكرا يا جوست

المشاركة الأصلية كتبت بواسطة tamernor

قدر الله وما شاء فعل والحمد لله على سلامتك يا مهندس محمد (نورمال)
طمنا عليك واخبار المشروع والنتيجة امتى انشاء الله
الايام دى على قد ما هيا صعبة بس هتفتكرها بعدين وتقول يار يت ما كانت خلصت ربنا يوفقك

إن شاء الله المشروع أخلصه يوم 17
بس أنا عايزها تخلص بحلوها ومرها والله :))

المشاركة الأصلية كتبت بواسطة amr a.salam

ألف سلامة يا نورمال

والحمد لله انها جت على قد كدة

الحمد لله والله يا عمرو
وشكرا يا معلم

المشاركة الأصلية كتبت بواسطة mshawky

قدر الله وماشاء فعل معلش الشوارع المصريه انت معرض فيها لاى حاجه وكان دايما واحد بيقولهالى

مصر ديه خساره فيها العربيات الزيرو

فعلا والله
بس الواحد بيضايق لما يتخبط من ورا لأن مبتبقاش غلطته
لكن ربنا رايد كدا والحمد لله

المشاركة الأصلية كتبت بواسطة kono

قدر الله وماشاء فعل
متغيرش الاكصدام الوقت طالما لسه سليم
متهيألى اصلا مفيش اكصدام عربية فى القاهرة مش متخربش جامد

منا بفكر فى كدا بس مش عارف التوكيل هيقول أيه

المشاركة الأصلية كتبت بواسطة sara2001

قدر الله وما شاء فعل
حمداً لله على سلامتك والحمد لله انها حاجه بسيطه
مش ملاحظين ان قسم الكيا مليان خبطات
هي دي بصمة القسم ولا ايه؟

شكرا يا ساره
وفعلا مش عارف فى أيه
وربنا يستر على الجميع

المشاركة الأصلية كتبت بواسطة m073med

سلامات يا normal

الله يخليك يا باشا

المشاركة الأصلية كتبت بواسطة atrees

يا ساتر يا رب - انت مش ناقص اصلا - ربنا يسترها معك يا نورمال - هيا لسه العين معاك ؟؟؟؟

معلش - ربنا اراد وقضي اخف من قضي - يعوض عليك ويسترلك طريقك وحبايبك

انا برضو خدت حكة في نفس الحته من اسبوع كده وعملتها علي طول


ربنا يسترها معانا

الحمد لله
وهات الارباح علشان أصلح العربيه

المشاركة الأصلية كتبت بواسطة ahmed_su

حمدا لله على سلامتك

والف سلامة على العربية ,بسيطة ان شاء الله

شكرا يا أستاذ أحمد ربنا يخليك
هو حضرتك مش جاى المقابله ولا أيه؟

المشاركة الأصلية كتبت بواسطة m7amd_7amdy

ايه ده ياجدعان فى ايه؟

العين علينا اللهم صلى على النبى خمسة وخميسة

قدر الله وما شاء فعل والحمدلله انها جت على قد كده يانورمال

والمهم سلامتك ياصاحبى :)

محسوبك برده أكل حكة فى البابين قبل مقابلة تكنو وان بيوم -:)

الحمدلله اوى انها بتيجى على قد كده

ربنا يخليك يا حمدى يا رب وفعلا الناس مش عايزه تسبنا فى حالنا :))
ومقلتش عايز تاكل أيه علشان نلحق نحضره قبل المقابله بقى :))