الموضوع: واحد خبطنى والحمد لله

السلام عليكم

النهارده كان يوم حافل بالمشاوير بالنسبالى تقريبا لفيت القاهره كلها وقلت أختم اليوم بمكرم عبيد وأدفع فاتوره الDSL
أول لما قرب الفرع كنت على الشمال فديت أشاره وأبتديت رحله الشقاء أنى أروح الحاره الى جنبى المهم محدش رضى يعدينى فستنيت لحد مالحاره فضيت فجيت أدخل فيها كانت الحاره وقفت فوقفت فيها
بتاع 20 ثانيه كدا بعد موقفت سمعت بووووووم وأتنطرت لقدام
طبعا معروف أيه الى حصل
نزلت أول وهله.....بومه :)
يادى النيله أنتى ورايا ورايا :)
كانت عندى خبطه فى الاكصدام ورا يمين من والدى الله يكرمه والغريب أنه أمبارح خدها منى بردو وخبطها فى نفس المكان :))
فمبانيتش بس هو قالى
النهارده أتخبطت وفى نفس المكان...صدفه عجيبه
المهم الاكصدام متخربش جامد أوى
والرفرف داخل لجوه بس مفيش مشكله فى الدهان
لاحظت بعد كدا أن الفانوس مترحل بتاع 0.5 سم داخل الشنطه وبيحك بسيط فى الشنطه لما تقفل
شاب نزل من البومه محترم الصراحه أعتذر وقالى أنا سرحت لأنى كنت باصص يمين وبدور على ركنه أستسمحك نركن على جنب علشان أحنا كدا موقفين الطريق وأنا تحت أمرك
ركنت أنا وهوه على جنب نزل وقالى شوف أنت عايز أيه وأنا جاهز
قلتله يعنى هعوز أيه يعنى
قالى أنا والله مبصيت على عربيتى
هو عربيته الاكصدام الامامى من الشمال داخل جامد لغايه تحت الفانوس لكن الفانوس سليم
بس عامةً شكله أوحش منى
المهم قالى شوف أنت عايز أيه
قلتله لا طبعا خلاص قدر الله وما شاء فعل وربنا معاك فى خبطتك
قالى بس أنت راضى
قلتله يعنى هعمل أيه يعنى!
وركبت العربيه ومشيت والحمد لله أنا كدا كدا مأمن
المهم أنا صورتها بكاميره موبايلى المعفنه "Nokia 5800"
شايفين أيه؟
طبعا هستعدل الرفرف من جوه الشنطه على البارد
بس أغير الاكصدام
ولا أركبه متخربش كدا
والى مضايقنى ترحيله الفانوس دى ومش فاهم جت من أيه بس هو سليم الحمد لله

الصور





دى من فوق
الرفرف داخل بتاع 5 أو 7 سم كدا لجوه وعامل فرق طبعا مع الاكصدام

قدر الله و ما شاء فعل
بسيطة بإذن الله

روح التوكيل وشوف هيقلولك إيه و يبقى طمنا