الموضوع: الطريق الغربى ام الشرقى افضل للوصول لسوهاج

اعتمد علي الله وتعالي غربي عشان تخش الكوامل علي طول
بس البنزينات اللي علي الغربي مفيهاش 80 فيها 90 بس وخلي بالك في المنيا بطولها علي الصحراوي الغربي عشان الرادارات وكمان لو حضرتك عايز تجري يبقي انصح حضرتك تخليك بعد الساعه 2 تكون في المنيا علي الطريق واوعدك ان مفيش رادار في التوقيت ده او ممكن تلحم مع اي ميكروباص سوهاج او اسيوط لانهم حافظين الرادار بيبقي فين واتمني توصل بالسلامه ونشوفك في سوهاج بقي عشان نعرف نعمل معاك الواجب

فى الاول متنساش تقول دعاء السفر هتلاقيها بالاسفل

طبعا ان شاء الله الطريق الغربى طبعا احسن

بس فى أخر الغربى اول ما توصل أسيوط لازم تحط بنزين فى البنزينة اللى عند الشرطة العسكرية الل عند الصنية

وكمل بعد كده وتطلع من عند الكوامل لو انت داخل سوهاج لو رايح نجع حمادى ممكن تطلع من جرجا او البلينا او أبو شوشة

بس ضرورى البنزين لان الوصلة من أسيوط لسوهاج وحشة جدا ومش عليها خدمات ولا شبكة محمول وخلى بالك الطريق فردة واحدة بس فى الوصلة دى

وطبعا فى ردار فى المنيا بطول المحافظة ومفيش حاجة اسمها تدى حد فلوس مرة واحد حب يعمل معايا كده قفشت عليه فى الكمين

وتوصل بالسلامة ان شاء الله

ودى ادعية السفر

دعاء السفر
دعاء ركوب الدابة أو ما يقوم مقامها (( السيارة أو القطار أو الطائرة أو السفينة ))
" بسم الله ، الحمد لله ، سبحان الذي سخر لنا هذا وما كنا له مقرنين وأنا إلى ربنا لمنقلبون "ـ ـ" الحمد لله ، الحمد لله ، الحمد لله ، الله اكبر ، الله أكبر ، الله أكبر ، سبحانك اللهم إني ظلمت نفسي فاغفر لي ، فإنه لا يغفر الذنوب إلا أنت "

دعاء السفر

" بسم الله ، الحمد لله ، سبحان الذي سخر لنا هذا وما كنا له مقرنين وأنا إلى ربنا لمنقلبون "
ـ" اللهم أنا نسألك في سفرنا هذا البر والتقوى ومن العمل ما ترضى ، اللهم هون علينا سفرنا هـذا واطوِ عنا بعده ، اللهم أنت الصاحب في السفر والخليفة في الأهل ، اللهم إني أعوذ بك من وعثاء السفر وكآبة المنظر وسوء المنقلب في المال والأهل ، وإذا رجع قالهن وزاد فيهن ـ" آيبون ،تآئبون ، عابدون ، لربنا حامدون

دعاء المسافر للمقيم

" استودعكم الله الذي لا تضيع ودائعه "

دعاء المقيم للمسافر

ـ" أستودع ُ الله دينك وأمانتك ، وخواتيم عملك "ـ
" زودك الله التقوى ، وغفر ذنبك ، ويسر لك الخير حيث ما كنت "

دعاء المسافر إذا أسحر

" سمع سامع بحمد الله وحسن بلائه علينا . ربنا صاحبنا ، وأفضل علينا عائذا بالله من النار "

الدعاء إذا نزل منزلا في سفر أو غيره

" أعوذ بكلمات الله التامات من شر ما خلق "

ذكر الرجوع من السفر

عن ابن عمر رضي الله عنهما أن رسول الله صلى الله عليه وسلم كان إذا قفل من غزو أو حج يكبر على كل شرفٍ ثلاث تكبيرات ثم يقول : لا إله إلا الله وحده لا شريك له ، له الملك وله الحمد وهو على كل شيءٍ قدير ، آيبون ، تآئبون ، عابدون لربنا حامدون ، صدق الله وعده ، ونصر عبده وهزم الأحزاب وحده "

المشاركة الأصلية كتبت بواسطة احمد المصرى

الكوامل دى فى البحيره ولا ايه


وافتكر خد معاك شيشه وحجرين معسل ههههههههه

على فكرة مفيش داعى للتريقة

المشاركة الأصلية كتبت بواسطة amro1965

والله انتم اخجلتونى بتواضعكم وامدادى بالمعلومات القيمة
والادعية المباركة
جعلها الله فى ميزان حسناتكم
هل الوصله من اسيوط لسوهاج حضرتك بتقول وحشة اقوى هل تقصد انها وحشه من قله الخدمات والبنزينات ولا تقصد كمان الطريق وحشى يعنى ضيق مثلا مكسر مثلا
وهل الوصله دى تأخذ كام وقت لو ماشى على 90 كيلو مثلا
وشكرا للاعضاء الكرام

هى وحشة فى كل حاجة وخاصة انها فردة واحدة والملفات اللى فيها حاجة فعلا صعبة

انا مرة كنت مسافر سوهاج بس كنت سايق لمدة 11 ساعة متواصلين فى الوصلة دى عينى غفلت ثوانى بس الحمدلله ربنا ستر ومحدش كان جاى فى وشى

وياريت تمشى فيها بالنهار علشان تتجنب الاضاءة بتاعت سواقين النقل

ولازم تفول العربية وتتاكد من الكاوتش لانى بحس ان الوصلة دى سفر تانى لوحده

يتهيالى لو 90 ممكن ساعة ونص او ساعتين بالكتير

وابقى لازم تطمنا عليك اول ما توصل بسلامة الله ان شاء الله